यहून्नो 3:2 - लाहौली बाइबिल

² दोई राता रिंङ यीशु कछंङ अंज़े कुंई, हे गुरु, ञेंहच़ी ञेंहनी कि परमेश्वरे कांह ञेंहतिंङ सिखाएच़िमी थल्जी चरच़ि शुनाह; छना कुचे अच़िला झांह ठ्रोह चिन्ह चमत्कार अंऊ केई लहज़ातन, अगर परमेश्वर दोरंङ साते माह शुई ता लेह मरच़ि।”

यहून्नो 3:2 Iomraidhean Croise

मत्ती 22:16

दंङ दोच़ी एनातु चेलारि हेरोदेसा रंङ साते यीशु कछंङ दिह कुट्री चेहच़ातोर, “हे गुरु, ञेंहच़ी ञेंच़ातंई, कि केई सच्चे शुनाह दंङ परमेश्वर ओ अमो पाहठी सच्चाई रंङ साते कंड्रातन दंङ अतुला केई परवाह माह लोहतन, छना कुचे केई मीहतु मोद कंड्राते गप्पा माह लहज़ातन।

मत्ती 23:8

पर केरे गुरु थशुंहई, छना कुचे केहतु इच्चे गुरु तोह, केरे भत्ते न्वारे-रिंङरे शुई।

मरकुसो 12:14

दोच़ी दोऊ कछंङ अंज़े दोहरंङ साते कुतोह, “हे गुरु, ञेंहच़ी ञेंच़ातंई, कि केई सच्चे शुनाह, दंङ अतु ला केई परवाह माह लोहतन कि मीहच़ी का थल्जी छि कुट्रातोर। छना कुंई साते ता केई मीहतु मोह्द खांई गप्पा माह लहज़ातन, दंङ केई परमेश्वरो अमो पाहठी रुठे उपदेश रंड्रातन। छी ञेंतिंङ रोम देश ओ महाराजा बि कर रंड्री हेंदु कानूनो हिसाबे रुठे शुहतर आ मश्‌त?

यहून्नो 1:38

यीशु ज़ि थलका यह्च़ा दोतिंङ थालेसी अपि खंणी दंङ दोतिंङ कुहतो, केरे अतु खोजा रिंङ तोईन? दोच़ी दोबि कुहतो, हे गुरु, कांह अंऊर बंङज़ातन?

यहून्नो 10:38

पर अगर गेह कुट्रातग, ता गिऊ विशवास ला था लांही, पर दुह कमो टोहकठे विशवास लोहनी दंङ केतिंङ पता लेह्पोतो कि परमेश्वर गेरंङ तोह दंङ गेह परमेश्वरारंङ।”

यहून्नो 12:37

यीशु ज़ि दोतु तुईज़ी धोंण चिन्ह चमत्कार लहते, तांला दोच़ी दोऊ टोहकठे विशवास माह लहरिर;

यहून्नो 14:10

छि केई विशवास माह लहज़ातना, कि पिता परमेश्वरारंङ साते गिऊ पक्‍का नाता तोह, दंङ ध्वांए पिता परमेश्वरो ला गेरंङ साते पक्‍का नाता तोह? दिऊ थल्जी अंऊ ला शिक्षा गेह केतंङ रंड्रा तग दुह गिऊ दोरच़ी माह पर गिऊ पिता परमेश्वरो दोरच़ी अपा।

यहून्नो 15:24

अगर गेह दोतु बिचंङ दिह चमत्कार माह लंहीयां अंऊ ऊई अच़िला मीहे लहसी माह, ता दोरे पापी माह शुहचंङ, पर धह दोच़ी गेह ए गिऊ पिता परमेश्वर झुल्लातिंङ तंङातोर दंङ झुल्लातंङ साते बैर लहरिर।

यहून्नो 2:11

यीशु ज़ि गलील प्रदेशो काना नगरंङ एनोह मुण्डो चमत्कार कंज़े एनोह महिमा प्रगट लहरी दंङ दोऊ चेलाज़ि दोऊ टोईच़ी विशवास लहरीर कि दुह ए मसीह शुह।

यहून्नो 20:16

यीशु ज़ि दोबि कुतोह, “मरियम!” दोई थलका शुहचे दोऊ हखा इब्रानी भाषा रिंङ कुंई, “रब्बूनी!” मतलब “हे गुरु।”

यहून्नो 3:26

दंङ यूहन्नाओ चेलाज़ि दोऊ कछंङ अंज़े दोरंङ साते कुंई, “हे गुरु अंऊ मीह यरदन बेंड़ीऊ नुरेच़ि करंङ साते तोहई, दंङ अतु पाहठी केई गप्पा लहतेन; खंणु, दोई बपतिस्मा रंड्रा, दंङ भत्ते दोऊ कछंङ अपातोर।”

यहून्नो 4:31

दीह बिचंङ दोऊ चेलार यीशु रंङ साते दीह बिनती लहज़ी लेहतिर, “हे गुरु, छा छी ज़ेह च़रतु।”

यहून्नो 5:36

गिऊ दोर्तिंङ यूहन्ना ओ गवाही बे महस मोह्ड़े गवाही तोह। दुह कम अंऊ पिता परमेश्वरे गिह्बी पुरा लहच़िमी थल्जी रांहषी ततो, दोई ए गिऊ पाहठी गवाही रंड्रा। अंऊ कम गेह लहज़ातग दोऊ पाहठी दोई गवाही रंड्रा कि पिता परमेश्वरे गेह च़रसी शुगाह।

यहून्नो 6:2

दंङ इच्च़ा मोह्ड़े भीड़ दोऊ थले शुहचे इलि छना कुचे अंऊ हेरान लहज़िमी कम दोई टेहची दोतु टोईच़ी लहज़ाते दोच़ी दुह खंड्रातेर।

यहून्नो 7:31

दंङ भीड़ो बिचंङ च़ि महसे मीहज़ी दोऊ टोहकठे विशवास लहरिर, दंङ कुट्री लेहतिर, “मसीह अंऊ मुक्का अपतो, ता छि दिहबे ला महसे चिन्ह चमत्कार कंबोतो आ?”

यहून्नो 9:16

दिरंङ महस फरीसी मीहरेर कुट्री लेहतिर, “दी मीह परमेश्वरो दोरच़ी माह शुह, छना कुचे दीह अरामो ध्याड़ा माह मनेक्च़ा।” ऊई मीहरे कुट्री लेहतिर, “दिह ठ्रोह पापी मीहे झांह ठ्रोह चिन्ह चमत्कार छना लेह तरपा?” दोऊ थल दोतु बिचंङ अनबन शुहचे इलि।

प्रेरित 10:38

केतिंङ दि ला पता तोह परमेश्वरे छना ठ्रोह नासरत नगरो यीशु बि पवित्र आत्मा ए सामर्थ रंङ साते अभिषेक लहरी; दुह ठहरि-ठहरि इलजी हमेशा मीहतु थल्जी भलाईओ कम लहज़ाते, दंङ दोतिंङ आईन लहरी अंऊ दोरे शेतानो वहज़ा ज़ि तकलीफा रिंङ तोईरे, छना कुचे परमेश्वर दोरंङ साते तोहई।

प्रेरित 2:22

“हे इस्राएल देशो मीहरे दिह गप्पारे रेड्रुंई: कि नासरत नगरो यीशु इच्च़ा झांह ठ्रोह मीह तोहई अतिंङ परमेश्वरो दोरच़ी केहतु तुईज़ी साबित लहसी, झांह ठ्रोह चिन्ह चमत्कार ए हेरानी ऊ कमो दोरच़ी, अंऊ परमेश्वरे दोऊ दोरच़ी लहते। केहरे केनारे ञेंहच़ातोनि कि दिह गप्पा हेले शुह।”

फिलिपियों 1:14

दंङ प्रभुरिंङ अंऊ विशवासी न्वारे तोतोर, दोतु बिचंङ महस गिऊ कैदरिंङ शुहबी वहज़ा ज़ि, खुशी रंङ साते परमेश्वरो वचन बेधड़क शुचे सुनाएच़िमी थल्जी ऊई ला याहब लहज़ातोर।