यहून्नो 3:16 - लाहौली बाइबिल

¹⁶ छना कुचे परमेश्वरे संसारो मीहतंङ साते झांह ठ्रोह दाह लहरी कि दोई एनोह इच्च़ा योह रें च़रति, कि अच़िला दोऊ टोहकठे विशवास लोहतो दुह नाश माह शोह्तो, पर दोच़ी अनंत जीवन खोक्पोर।

यहून्नो 3:16 Iomraidhean Croise

मत्ती 9:13

दिऊ थल्जी केहरे ईलांई दंङ दिऊ मतलब सिखेकतुंई, ‘कि गेह बलिदान माह पर दाह जुंज़ातग’ गेह दुह मीहतिंङ बुलाच़ि अंज़े माह शुगाह अच़ि एनाबि धर्मी चेहच़ातोर, दंङ दोतिंङ बुलाच़ी अंज़े शुगाह अच़ि एनाबि पापी चेहच़ातोर।”

मरकुसो 12:6

दंङ दुह मालिको कछंङ इच्च़ा ए मीह केह्षा इलि, अंऊ दोऊ प्यारे योह तोहई। दोई दोबि दी सोचेके च़रति कि दुरेह गिऊ योहू आदर लोहतो।

लूको 2:14

“स्वर्गंङ परमेश्वरो महिमा दंङ धरतीऊ टोईच़ी दुह मीहतु बिचंङ अतु दोरच़ी दुह खुश तोह, शांति शोतो।”

यहून्नो 1:14

दंङ बचन इच्च़ा मीहू रुपंङ अति; दंङ मोह्ड़े दाह ए सच्चाईरङ परिपूर्ण शुहचे हेंदु बिचंङ डेरा लहरी, दंङ हेंज़ी दोऊ धिंङघा महिमा खंणी छना पिता (परमेश्वरो) इच्च़ा योह।

यहून्नो 1:18

परमेश्वरा बि अच़िला अपेहला तंङशी माह शुह। सिर्फ परमेश्वरो इच्च़ा योह अंऊ सच्चा परमेश्वर शुह दंङ अरी बाहो कछंङ तोह, अच़ि ञेंतिंङ कंङातो कि परमेश्वर छना ठ्रोह तोह।

यहून्नो 1:29

“दोऊ ओइरग दोई यीशु बि एनोह हखा अपि तंङाते कुहतो, खंणु, दी परमेश्वरो कुर्च़ा शुह, अच़ि संसारो पापो उठा के शिली!

यहून्नो 10:28

दंङ गेह दोतिंङ अनंत जीवन रंड्रातग, दंङ दुह अपेहला माह योहसतो, दंङ अच़िला दोतिंङ गिऊ दोरच़ी खुल्जे मरपोर।

यहून्नो 3:15

कि अच़िला गिऊ टोहकठे विशवास लोहर दोतिंङ अनंत जीवन खोकसोतो।

यहून्नो 3:18

अच़ि परमेश्वरो योहू टोहकठे विशवास लहज़ा, दोऊ टोईच़ी दण्डो आज्ञा माह शुहबी, पर अंऊ दोऊ टोहकठे विशवास माह लहज़ा, दुह दोषी शुहचे इलजी तोह; दिऊ थल्जी कि दोई परमेश्वरो इच्च़ा योहू मिन्दु टोईच़ी विशवास माह लहरिर।

यहून्नो 3:36

अच़ि परमेश्वरो योहू टोहकठे विशवास लहज़ा, अनंत जीवन दोऊ शुह; पर अच़ि योहू टोहकठे विशवास माह लहज़ा, दोबि अनंत जीवन माह खोकसोतो, पर परमेश्वरो सज़ा दोऊ टोहकठे शोतो।

यहून्नो 6:40

छना कुचे गिऊ पिता परमेश्वरो हिटी दिह तोह, कि अच़िला गिह्बी खमोर, दंङ गिऊ टोहकठे विशवास लोहर, दोई अनंत जीवन खोक्पोतो; दंङ गेह अंतिम ध्याड़ा रिंङ यच़ाह षीङमी लोहग।”

रोमियो 5:10

छना कुईनता बेरी शुहबी दशारिंङ दोऊ मीह सिऊ दोरच़ी हेंदु मेल परमेश्वरो साते शुई, ता यच़ाह मेल शुहचे इबिरंङ साते दोऊ जीवन कारणे हेंज़ी उद्धार छना मा खोकपोंई?

रोमियो 5:8

पर परमेश्वरे हेंदु टोईच़ी एनोह दाह ओ भलाई दि रीति रंङ प्रगट लहज़ा, कि अपेहल हेनर पापी ए तोहनि दोहथर मसीह हेंदु थल्जी सिए इलि।

रोमियो 8:32

परमेश्वरे एनोह योह एनोह थल्जी माह, पर दोबि हेंदु थल्जी एनोह बैरीतु हवाले लेह च़रति, दोई हेंदिंङ दू भत्ते धिर रमोतो अतिंङ दोई हेंदिंङ रंड्रीमी वाईदा लहसी ततो।

इफिसियों 2:4

पर परमेश्वर महस दयालु तोह, दू एनोह दू मोह्ड़े दाह ओ वहज़ाज़ि अंऊ दोई हेंदंङ साते दाह लहरी।

2 थिस्सलुनीकियों 2:16

ञेंहच़ी हेंदु प्रभु यीशु मसीहू हखा, दंङ हेंदु बाह परमेश्वरो हखा, अच़ि हेंदंङ साते दाह लहज़ा, दंङ अच़ि एनोह मोह्ड़े दाह रंङ साते अनंत उम्मीद रांहषी ततो,

तीतुस 3:4

तांला यह्च़ा हेंदु उद्धारकर्ता परमेश्वरे एनोह दया ए दाह हेंदु मीहतु टोहकठे कंङातो।

इब्रानियों 2:9

पर हेले दि तोह कि थोड़े टेमो थल्जी, यीशु दर्जा स्वर्गदूता बे थोड़े कम शुई। ताकि परमेश्वरो मोह्ड़े दाह रंङ साते यीशु भत्ते मीहतु थल्जी सिए योतो। दंङ छना यीशु ज़ि दुख उठाएती ए सिए इलि, परमेश्वरे दोबि महिमा ए आदर रांई।

1 यूहन्ना 3:1

विचार ता लंहि, कि बाह परमेश्वरे हेन्दंङ साते अंयों दाह लहसी ततो, कि हेनर परमेश्वरो कटुरे शोंई दंङ हेनर दोऊ ए कटुरे शुंई, पर रेह मीहरे दि संसारो शुहरे दोरे दिह माह ञेंच़ातोर कि हेनर परमेश्वरो कटुरे शुंई, छना कुचे दोच़ी बाह परमेश्वर बि माह ञेंच़ातोर।

1 यूहन्ना 4:19

हेनर परमेश्वरारंङ साते ए इदि-अईदि रंङ साते दाह लहज़ा तंई, छना कुचे मुन्डा परमेश्वरे हेन्दंङ साते दाह लहरी।

प्रकाशित वाक्य 1:5

दंङ यीशु मसीहू तरफे केतिंङ मोह्ड़े दाह ए शांति खोकसोतो, अतु बचनो टोईच़ी विशवास लेह तरपोंई दुह ए तोह सिमी थल यह्च़ा श्रींङे इलि दंङ दुह दि संसारो रज्ज़ा तु अधिकारी तोह। दोई हेंदंङ साते दाह लहज़ा दंङ हेंदिंङ बचाएच़ा, दोई एनोह शुहई दोरच़ी हेंदिंङ पापो दोरच़ी बचाएच़ा। दोई हेंदिंङ झांह ठ्रोह मीह बणाके चरच़तो, अतु परमेश्वर दोतु रज्ज़ा तोह दंङ दोई हेंदिंङ एनोह बाह परमेश्वरो थल्जी यहुदी पुरोहित बणाके च़रति। दोबि आदर ए अधिकार हमेशा खोकसा लोहतो। अमीन।