यहून्नो 3:11 - लाहौली बाइबिल

¹¹ गेह करंङ साते हेले कुट्रातग कि ञेंहच़ी छि ञेंहच़ातन, दुह कुट्रातंई, दंङ अंऊ ञेंहच़ी तंङरी दोऊ गवाही रंड्रातंई, दंङ ञेंहच़ी छि कुट्रातन दोऊ टोहकठे केहच़ी विशवास माह लहज़ातंई

यहून्नो 3:11 Iomraidhean Croise

मत्ती 11:27

गिऊ बाहे गिह्बी भत्तेधिर रांहषी ततो, बाह ए तोह अंऊ दोई योह बि सेहचा, सिर्फ इच्च़ाए योह तोह अंऊ दोई हेले बाहबि सेहचा, दंङ अंऊ मीहतिंङ गेह योह, अंङषातोग दोरे मीहरे बाहबि सेहपोर।

मत्ती 23:37

हे यरूशलेम शहरो मीहरे, हे यरूशलेम! केई भविष्यवक्तारे सचे चरच़ातन दंङ अरी कांह कछंङ च़रति तोईरे, दोतु टोईच़ी रघटे थाहचातन। अंयों ए फेरा, गेह चेहतिगा कि छना कुकड़ी एनोह कटुरे पाखो पोयंङ सोठेके तहच़ा ध्वांए गेह लाह कांह कटुरे ठ्रोहका लोहग, पर केहच़ी माहजुंज़ातंई।

लूको 10:22

“गिऊ बाहे गिह्बी भत्तेधिर रांहषी ततो, सिर्फ बाह ए तोह अंऊ दोई योह बि सेहचा, सिर्फ इच्च़ाए योह तोह अंऊ दोई हेले बाहबि सेहचा, दंङ अंऊ मीहतिंङ गेह योह, अंङषातोग दोरे मीहरे बाहबि सेहपोर।”

यहून्नो 1:11

दुह एनोह मीहतु चुंङ अति दंङ दोऊ ऐनोह ए मीहज़ी दुह ठुकराके च़रतिर।

यहून्नो 1:18

परमेश्वरा बि अच़िला अपेहला तंङशी माह शुह। सिर्फ परमेश्वरो इच्च़ा योह अंऊ सच्चा परमेश्वर शुह दंङ अरी बाहो कछंङ तोह, अच़ि ञेंतिंङ कंङातो कि परमेश्वर छना ठ्रोह तोह।

यहून्नो 12:49

छना कुचे गेह घेंङौ अधिकारंङ छले गप्पा माह लहज़ातग, पर पिता परमेश्वरे अच़ि गेह च़रसी शुगाह दोई ए गिह्बी हुकुम रांहषी ततो कि छि-छि कोहग दंङ छना-छना कोहग?

यहून्नो 14:24

अच़ि गेरंङ साते दाह माह लहज़ा, दोई गिऊ शिक्षा ला माह मनेक्च़ी, दंङ अंऊ शिक्षा केहच़ी रेड्रातंई, दुह गिऊ माह शुह पर पिता परमेश्वरो शुह, अच़ि गेह च़रसी शुगाह।

यहून्नो 3:12

अपेहल गेह केतंङ साते धरतीऊ टोहकठे शुहबिमी गप्पातु पाहठी कुहतेग दंङ केहच़ी विशवास माह लहज़ातेन, अगर गेह केतंङ साते स्वर्गो पाहठी कोग ता केहच़ी छिला विशवास लोहनी?

यहून्नो 3:13

अरीला स्वर्गंङ मेली, पर सिर्फ गेह मीहू योह इच्च़ा स्वर्ग च़ि योंखा अंज़े शुगाह।

यहून्नो 3:3

यीशु ज़ि दोबि जुबाब रेंई, गेह करंङ साते हेले कुट्र्तग, अगर अच़िया खरकोई जन्म माह लेप्ति ता दोई परमेश्वरो राज्यो अनुभव लेह मरपोतो।

यहून्नो 3:5

यीशु ज़ि जुबाब रेंई, गेह केतंङ साते हेले कुट्रातग, अपेहल तचेक अरीया मीह ती ए पवित्र आत्मा रंङ साते माह जेह्कपोतो ता दुह परमेश्वरो राज्य रिंङ इबि लेह मरपोतो।

यहून्नो 5:43

गेह घेंङौ पिता परमेश्वरो अधिकारा रंङ साते अंज़े शुगाह दंङ केहच़ी गिह्बी ग्रहण माह लहज़ातंई; अगर अरीया एनोह अधिकाररंङ साते अपतो, ता दोबि ग्रहण लेह केओन।

यहून्नो 7:16

यीशु ज़ि दोतिंङ जुबाब रेंई, “गिऊ शिक्षा गिऊ घेंङौ मशत, पर परमेश्वरो दोरच़ी शुह, अच़ि गेह च़रसी शुगाह।

यहून्नो 8:14

यीशु ज़ि दोतिंङ जुबाब रेंई; “अगर गेह घेंङौ गवाही घेङे रड्रातग, तांला गिऊ गवाही ठीक शुह, छना कुचे गेह ञेंहगा कि गेह अंऊरच़ि अंज़े शुगाह दंङ अंऊखा योग? पर केहरे माह कि गेह अंऊरच़ि अंज़े शुगाह दंङ अंऊखा योग।

यहून्नो 8:26

गिह्बी केहतु न्याय लहज़िमी थल्जी महसे धिर कुट्रिमी तोह, पर गिह्बी च़रच़ा दुह सच्चा शुह, दंङ छिला धिर गेह दोऊ दोरच़ी रेड्रातग, दुहए गेह संसारो मीहतिंङ कुट्रातग।”

यहून्नो 8:38

गेह केतंङ दोरे गप्पा कुट्रातग अंऊ गेह खांहषी तातग, अपेहल गेह घेंङौ बाह रंङ साते तोईग दंङ केहच़ी दुह लहज़ातंई अंऊ केहच़ी बाह ऊ दोरच़ी रेड्री तातंई।”

प्रेरित 22:18

गेह यीशु दर्शन खंणीगा अच़ि गिऊ हखा कुट्री लेहती, युरनाह लोह दंङ यरूशलेम शहरंङ च़ि युरनाह अच़ा इला; छना कुचे अंऊ मीहरे देर्तिंङ तोतोर, गिऊ पाहठी कांह गवाही माह मनेक्पोर।

2 कुरिन्थियों 4:4

दि संसारो भगवान शेताने दू अविशवासी तु बुद्धि काणे लेह चरच़तो, अंऊ वहज़ा ज़ि दोरे मसीहू रूठे खबर ए दंङ दोऊ महिमा ओ पाहठी ञेंई मरतिर कि मसीह परमेश्वरो स्वरूप शुह।

प्रकाशित वाक्य 1:5

दंङ यीशु मसीहू तरफे केतिंङ मोह्ड़े दाह ए शांति खोकसोतो, अतु बचनो टोईच़ी विशवास लेह तरपोंई दुह ए तोह सिमी थल यह्च़ा श्रींङे इलि दंङ दुह दि संसारो रज्ज़ा तु अधिकारी तोह। दोई हेंदंङ साते दाह लहज़ा दंङ हेंदिंङ बचाएच़ा, दोई एनोह शुहई दोरच़ी हेंदिंङ पापो दोरच़ी बचाएच़ा। दोई हेंदिंङ झांह ठ्रोह मीह बणाके चरच़तो, अतु परमेश्वर दोतु रज्ज़ा तोह दंङ दोई हेंदिंङ एनोह बाह परमेश्वरो थल्जी यहुदी पुरोहित बणाके च़रति। दोबि आदर ए अधिकार हमेशा खोकसा लोहतो। अमीन।

प्रकाशित वाक्य 3:14

लौदीकिया शहरो कलीसिया ओ स्वर्गदूता बि दि चेऊ: “कि दि खबर दोऊ तरफे तोह अंऊ अमीन तोह। दुह विशवासो जोगे ए परमेश्वरो पाहठी सच्चाई बि प्रगट लहज़ा, दंङ गेह दुह तोतोग अतु दोरच़ी परमेश्वरे भत्ते चीज़ा तु रचना लहरी।”