यहून्नो 2:6 - लाहौली बाइबिल

⁶ दोर्तिंङ यहुदी तु गुहड़ शुलज़िमी रिवाज़ो हिसाबे शुहचे लहज़िमी थल्जी रघटु त्रुई बर्चारे केहषी तरेर, अतु अंद्रेग झुह्ट-झुह्ट षुमु-षुमु मण (इच्च़ा मण 40 लीटर) अपाते।

यहून्नो 2:6 Iomraidhean Croise

लूको 16:6

कर्ज़दारे कुहतो, राह मण (इच्च़ा मण, अतु अंद्रेग 37 लीटर तेल अपि) जेतूनो तेल, दंङ खज़ान्च़ी दोबि कुहतो, केनोह बही-खाता लेहप्तु निंज़ो सा मण च़ेऐ च़रतु।

यहून्नो 2:7

यीशु ज़ि परगरतु हखा कुंई, बर्चातिंङ ती रंङ पिंङे च़रतुंई। दंङ दोच़ी दुह मुखा तचेक पिंङे च़रतिर।

यहून्नो 3:25

दोर्तिंङ यूहन्ना ओ चेला तु अरीया यहुदी मीह रंङ साते रिवाज़ो हिसाबे शुद्ध शुहबिमी पाहठी बहस शुई।

इफिसियों 5:26

ताकि दोरे कलीसिया बि परमेश्वरो बचनो ति रंङ च़िए शुद्ध लेह पवित्र बणाके तरपोर।

इब्रानियों 10:22

दंङ अतंई हेनर, मसीहू शुई पुरच़ि ते हेंदु सेहम शुद्ध लहच़ी दंङ साफ ती रें हेंदु फुक शुहल्ज़े संङा सेहम ए पक्‍का विशवासा रंङ साते परमेश्वरो कछंङ योंई।

इब्रानियों 6:2

दंङ हेंदिङ बपतिस्मा ओ पाहठी, दंङ अतुआ टोईच़ी गुह्ड़ केहच़ी आशीष रंड्रीमी पाहठी, दंङ सिए दोतु बिचंङ ज़ि श्रींङमी पाहठी, दंङ अन्तिम फेंसलाऊ शिक्षा ओ मुयांद यह्च़ा केट्रिमी ज़रूरत माह।

इब्रानियों 9:10

छना कुचे दोरे सिर्फ मीहतु ज़ेई ए तुंङमिमी चीज़ा तु पाहठी दंङ महसे सुज़िमी पाहठी कंड्रातेर अतु दोरच़ी मीहरे धकते च़ि संङा शुहचे यवातेर दि ज़रूरी तोहई कि दि कानूना बि दोहपल तचेक पूरा लोहर अपेहल तचेक कि परमेश्वरे मीहतंङ साते इच्च़ा खरकोई वाईदा माह लोहतो।

इब्रानियों 9:19

भत्ते बे तुहई, मूसा ओ कानूने मीहतिंङ भत्ते हुकुमो पाहठी कंङातो। दोऊ थल दोई रेंज़ा तु शुहई लेहपच़ी दंङ दोबि तिऊ अंदरेग केहच़ी च़रति। दंङ दोई दिबी कानूनो कताब ए भत्ते मीहतु टोहकठे पुरच़िमी थल्जी षेह्ई च़म ए ज़ूफा मिंदंङ इच्च़ा पौधा ओ ब्रन्ज़ इस्तेमाल लहरी।