2 यीशु ए दोऊ चेलारे ला दोर्तिंङ बुलासी तोहई।
दोई माह झगड़ा लोहतो माह हल्ला लोहतो; माह दोई मीहतु बिचंङ हाऊष रेह घमंडी तु ठ्रोह भाषण माह रमतो।
दंङ गेह रज्ज़ा दोतिंङ जुबाब रमोग, “गेह केतंङ हेले कुट्रातग केहच़ी गिऊ दिह कवचि वे कवचि चेलारंङ साते लाह, दुह गेरंङ लाह।
दंङ गेह दोतिंङ जुबाब रमोग, गेह केतंङ हेले कुट्रातग केहच़ी दिह कवचि वे कवचि बिचंङ अरीआ इच्च़ारंङ साते माह लहतंई, दुह गेरंङ साथीला माह लाहतंई।
दिऊ थल यीशु ए दोऊ याह, न्वा ए चेलारे कफरनहूम नगरो हखा इलिर दंङ थोडे़ अरे ध्याड़ा दोर्तिंङ बंङज़िरी।
दंङ यीशु ऊ चेला तिंङ हिद अति कि पवित्र शास्त्रा रिंङ च़ेहसी तोह, कांह चुंङो भक्ति गिऊ अंद्रेग मेहू ठ्रोह लेहपा।
झांह लेह सीमी दोरच़ी षिङे इबिमी थल चेला तिंङ दोऊ दिह गप्पा हिद अति दंङ दोच़ी पवित्रशास्त्र ओ टोईच़ी विशवास लहरिर अंऊ यीशु मसीहू यच़ाह श्रींङे शुहबिमी पाहठी कंड्राते।
अपेहल दाखो रस योह्सा इलि, ता यीशु याह ज़ि दोबि कुंई, “दोतु दोहर दाखो रस योह्सा इलि।”
दिऊ थल यीशु ए दोऊ चेलारे यहुदिया प्रदेशंङ अतिरे; दंङ यीशु दोतंङ साते बंङज़ा बपतिस्मा रंड्री लेहती
पर यीशु ऐनाह ता माह पर दोऊ चेलारे मीहतिंङ बपतिस्मा रंड्रा तोईरे।
दंङ चेलाज़ि एनातु बिचङ कुंई, “छि अच़िया दोऊ थल्जी छा ज़ेइमी थल्जी हदंई आ?
छना कुचे दोऊ चेलारे नगरंङ बगत हपि इल्जी तोईरे।
छना दोरे ज़ेह कहशी इलिर, ता यीशु ज़ि एनोह चेला तु हखा कुंई, “नव्शी खंणीर सोटेकी च़रतुंई, कि छले छंङसी माह जूंस।”
दोऊ थल अपेहल ञोंकल शुई, ता यीशु ऊ चेलार गलील झीलो मुखंङ इलिर,
दिऊ थल्जी यीशु ऊ चेला तु बिचंङ च़ि महसे ज़ि दिह रेड्राते कुईर, “दिह ता मुशकिल शिक्षा शुह; दिह अच़ि मनेक्च़ी तरपोतो?”
दिरंङ यीशु ऊ चेला तु बिचंङ महस चेलाज़ि दुह छोड़के केहरिर दंङ दोऊ थल दोरंङ साते माह जोज़ीर।
दोथर यीशु ज़ि दोरे सनी चेला तु हखा कुंई, “छि केहरे ला अच़ा इबि तातंईयां?”
यीशु ज़ि दोतिंङ जुबाब रेंई, “छि गेह केहरे सनी तिंङ अंङषी माह शुगाह? तांला केहतु बिचंङ च़ि इच्च़ा शेतान तोह।”
यीशु करियोतो वासी यहूदा ओ पाहठी कुट्री लेहकी तोहई अरी शमौन इस्करियोति ऊ योह तोहई, अरी सनी चेला तु बिचंङ च़ि इच्च़ा तोहई, दुह यीशु रंङ साते धोखा लहज़िमी तोहई।
यीशु ऊ चेला तु बिचंङ च़ि शमौन पतरस ओ न्वा अन्द्रियास ए दोरंङ साते कुंई,
दिऊ थल्जी यीशु ज़ि न्वा ज़ि दोऊ हखा कुंई दिह प्रदेश केट्रा यहुदिया प्रदेशो हखा इला कि अंऊ केई मोह्ड़े कम लहज़ातन दुहरे कांह चेलार ला खमोर।
दंङ अपेहल दोतंङ साते दोहरी ता दोतिंङ अन्ताकिया शहरो हखा वापिस रैंज़ा हति, दंङ झांह शुई कि शाऊल ए बरनबास इच्च़ा साल तचेक कलीसियाओ मीहतिंङ साते दोहा ए महस मीहतिंङ यीशु मसीहू पाहठी शिक्षा रंड्री लेहतिर, दंङ विशवासी भत्ते बे मुण्डा रिंङ अन्ताकिया शहरंङ ए मसीह कहलाएतिर।
दोथर अन्ताकिया ओ विशवासी ज़ि एनोह-एनोह टंगा-ढबाहो हिसाबे यहुदिया प्रदेशंङ बंङज़ा विशवासी तु मदत लहज़िमी फेंसला लहरिर।
गिऊ कुट्रीमी दि मतलब तोह, केरे चाहे ज़ोवातंई या तुंङमातंई, चाहे छिल्ला धिर लहज़ातंई, भत्ते धिर परमेश्वरो महिमा ओ थल्जी लोहवा लंहि।
अपेहल तचेक अरिया मेच़िमी ऊ गगसा श्रींङे बंङज़ा, दंङ दोबि धोंण तचेक दोरंङ साते बंङज़ी जूंस, पर अगर दोऊ गगसा सिए इलि ता, दंङ अतंङ साते जुंज़ा दोहरंङ साते ब्याह लेह तरपोतो, पर ज़रूरी दि तोह कि दू मीह ला प्रभु टोहकठे विशवास लहज़ा शुहबी जूंस।
दंङ अंऊ बचन ला केहच़ी कुट्रातंई या छिल्ल ला लहज़ा तंई भत्ते धिर प्रभु यीशु मिंदंङ साते लंहि, दंङ प्रभु यीशु दोरच़ी परमेश्वरो बाहऊ धन्यवाद लंहि।
ब्याह भत्ते मीहच़ी आदरो गप्पा समझेक्सी जूंस, दंङ दि नातारिंङ मेच़ा-गगसा इदि-अई दिऊ थल्जी वफादार शुहबी जूंस। छना कुचे परमेश्वर, कुकम लहज़ा, ए ऊई मेच़िमी तंङ नाज़ायज़ नाता तहज़ा दोतु न्याय लोहतो।
रेड्रुंई, केहतु सेहमरिंङ अपिमी थल्जी, गेह दुह मीहू ठ्रोह तोतोग अंऊ चुंङो धकते खड़े तोह दंङ पेतंङ ठुकठुक लहच़ी लेहकी तोह दंङ केरे गिऊ सग रेड्रातंई दंङ गिऊ थल्जी केनातु सेहम अलज़ातंई दंङ गेह तोंखा अपोग दंङ हेनर इदि-अई दिरंङ साते संगति लोहनि।
