यहून्नो 2:11 - लाहौली बाइबिल

¹¹ यीशु ज़ि गलील प्रदेशो काना नगरंङ एनोह मुण्डो चमत्कार कंज़े एनोह महिमा प्रगट लहरी दंङ दोऊ चेलाज़ि दोऊ टोईच़ी विशवास लहरीर कि दुह ए मसीह शुह।

यहून्नो 2:11 Iomraidhean Croise

यहून्नो 1:14

दंङ बचन इच्च़ा मीहू रुपंङ अति; दंङ मोह्ड़े दाह ए सच्चाईरङ परिपूर्ण शुहचे हेंदु बिचंङ डेरा लहरी, दंङ हेंज़ी दोऊ धिंङघा महिमा खंणी छना पिता (परमेश्वरो) इच्च़ा योह।

यहून्नो 1:17

दिऊ थल्जी कि कानून ता मूसा ओ दोरच़ी रांहषी शुह, पर परमेश्वरे मोह्ड़े दाह ए सच्चाई यीशु मसीहू दोरच़ी कंङातो।

यहून्नो 1:43

दोऊ ओइरग यीशु ज़ि गलील प्रदेशो हखा इबिमी सेहम लहरी, दंङ फिलिप्पुस रंङ साते दोई कुहतो, गिऊ चेला बणेक्पिमी थल्जी, “गिऊ थले शुहचे इला।”

यहून्नो 1:50

यीशु ज़ि दोबि जुबाब रेंई, “गेह करंङ साते छिला कुहतेग केना अंजीरो बुटो पोयंङ तंङरिगा, छि केई दिऊ थल्जी विशवास लहज़ातन? केई दिबे ला मोह्ड़े-मोह्ड़े कम खमोंन।”

यहून्नो 10:41

दंङ महस मीहरे दोऊ कछंङ अंज़े कुट्रातेर, “यूहन्ना ज़ि ता इच्च़ा ला चिह्न चमत्कार माह कंजते, पर अंऊ ला धिर यूहन्नाज़ि दिऊ पाहठी कुहते भत्ते हेले तोहई।”

यहून्नो 11:15

दंङ गेह केहतु फायदा ओ थल्जी खुश तोतोग कि गेह दोर्तिंङ माह तोईग दिऊ थल्जी कि केहच़ी विशवास लांही। पर अतंई हेनर दोऊ कछंङ योंई।”

यहून्नो 11:47

दिरंङ यहुदी मोह्ड़े पुरोहित ज़ि ए फरीसी मीहज़ी यहुदी सभा ओ मीहतिंङ ठ्रोहका लहरिर दंङ कुईर, “ञेंहच़ी छि लोहनी? दिह मीहे ता महसे चिन्ह चमत्कार कंड्री लेहकी तोह।

यहून्नो 12:18

दिऊ थल्जी महसे मीहरे यीशु रंङ साते दोहई अतिर, छना कुचे दोच़ी दिह चमत्कारो पाहठी थाशातेर।

यहून्नो 12:37

यीशु ज़ि दोतु तुईज़ी धोंण चिन्ह चमत्कार लहते, तांला दोच़ी दोऊ टोहकठे विशवास माह लहरिर;

यहून्नो 12:41

यशायाह ज़ि दिह गप्पारे दिऊ थल्जी कुई, कि दोई यीशु ऊ भविष्य ऊ महिमा तंङरी, दंङ दोई दोऊ पाहठी गप्पा लहरी।

यहून्नो 14:13

दंङ छिला धिर केहरे गिऊ मिन्ज़ी पेट्रोनी, दुहए गेह लोहग कि गेह मीहू योह दोरच़ी पिता परमेश्वरो महिमा शोतो।

यहून्नो 16:27

छना कुचे पिता परमेश्वर ऐनाह ए केतंङ साते दाह लहज़ा, दिऊ थल्जी कि केहरे गेरंङ साते दाह लहज़ातंई, दंङ दिह ला विशवास लहरी कि गेह पिता परमेश्वरो दोरच़ी अंज़े शुगाह।

यहून्नो 16:30

दा ञेंहच़ी दीह ञेंह केहतन कि केई भत्ते धिर ञेंहच़ातन, दंङ कनिंङ अतुला ज़रूरत माह कि अरीया कनिंङ छा सवाल रुहक्पोर, दिऊ दोरच़ी ञेंहरे विशवास लहज़ातंई, कि कांह परमेश्वरो दोरच़ी शुनाह।

यहून्नो 2:1

झुह्ट ध्याड़ो थल गलील प्रदेशो काना नगरंङ अतुआ ब्याह तोहई, दंङ यीशु याह ला दोर्तिंङ तोहई।

यहून्नो 2:23

अपेहल यीशु यरूशलेम शहरंङ फसहो त्याहरो मुक्का तोहई, दंङ दोऊ दोरच़ी लहसी महस चिन्ह चमत्कार खंड्राते महसे मीहज़ी दोऊ टोहकठे विशवास लहरिर।

यहून्नो 3:2

दोई राता रिंङ यीशु कछंङ अंज़े कुंई, हे गुरु, ञेंहच़ी ञेंहनी कि परमेश्वरे कांह ञेंहतिंङ सिखाएच़िमी थल्जी चरच़ि शुनाह; छना कुचे अच़िला झांह ठ्रोह चिन्ह चमत्कार अंऊ केई लहज़ातन, अगर परमेश्वर दोरंङ साते माह शुई ता लेह मरच़ि।”

यहून्नो 4:3

दंङ यीशु यहुदिया प्रदेश केट्रा गलील प्रदेशो हखा अच़ा इलि,

यहून्नो 4:46

दंङ यीशु यह्च़ा गलील प्रदेशो काना नगरंङ अति, अंऊर दोई तिऊ दोरच़ी दाखो रस बणाएक्ते। दोर्तिंङ रज्ज़ा ओ इच्च़ा अधिकारी तोहई अतु गंङकटु कफरनहूम शहरंङ टेहची तोहई।

यहून्नो 4:54

दीह अई चिन्ह चमत्कार तोहई अंऊ यीशु ज़ि यहुदिया प्रदेशंङ च़ि वापिस अंज़े गलील प्रदेशंङ लहते।

यहून्नो 6:14

दंङ अंऊ हेरानी ऊ कम दोई लहते दुह खांई ते मीहरेर कुट्री लेहतिर; कि “दुह भविष्यवक्ता अरी संसारा रिंङ अपि तोहई पक्‍का दिह ए शुह।”

यहून्नो 6:2

दंङ इच्च़ा मोह्ड़े भीड़ दोऊ थले शुहचे इलि छना कुचे अंऊ हेरान लहज़िमी कम दोई टेहची दोतु टोईच़ी लहज़ाते दोच़ी दुह खंड्रातेर।

यहून्नो 6:26

यीशु ज़ि दोतिंङ जुबाब रेंई, “गेह केहतु हखा हेले कुट्रातग, केहरे गिह्बी दिऊ थल्जी माह पेट्रातोन कि केहच़ी हेरानी ऊ कम खंड्रातंई, पर दिऊ थल्जी कि केहरे रोटी ज़े कांहषी इल्दोन।

यहून्नो 6:30

दंङ दोच़ी यीशु हखा कुईर, “दंङ केई छि चिन्ह चमत्कार कंड्री तरपोन कि ञेंहरे दुह खांई कांह टोहकठे विशवास लोहन? दुह कम छि तोह?

यहून्नो 7:31

दंङ भीड़ो बिचंङ च़ि महसे मीहज़ी दोऊ टोहकठे विशवास लहरिर, दंङ कुट्री लेहतिर, “मसीह अंऊ मुक्का अपतो, ता छि दिहबे ला महसे चिन्ह चमत्कार कंबोतो आ?”

यहून्नो 9:16

दिरंङ महस फरीसी मीहरेर कुट्री लेहतिर, “दी मीह परमेश्वरो दोरच़ी माह शुह, छना कुचे दीह अरामो ध्याड़ा माह मनेक्च़ा।” ऊई मीहरे कुट्री लेहतिर, “दिह ठ्रोह पापी मीहे झांह ठ्रोह चिन्ह चमत्कार छना लेह तरपा?” दोऊ थल दोतु बिचंङ अनबन शुहचे इलि।

2 कुरिन्थियों 3:18

हेनर भत्तेर इच्च़ा अर्शिऊ ठ्रोह तोतोंई, अंऊ परमेश्वरो तेज झांह ठ्रोह मोह्दु खंड्रातंई अंऊ दोतु टोहकठे परदा पड़ेके तोह, दंङ परमेश्वर हेंदिंङ लगातार बढाईक्च़ा तेज रिंङ महस बे महस एनोह ठ्रोह बणाएच़ा। दि तेज प्रभु दोरच़ी खोकसा, अंऊ पवित्र आत्मा तोह।

2 कुरिन्थियों 4:17

हेंदु दि कवचि ए थोड़े हरे दुख हेंदु थल्जी झांह ठ्रोह अनंत महिमा पैदा लहज़ा, अतु पाहठी हेंज़ी सोचेक्सी माहरच़ातंई।

2 कुरिन्थियों 4:6

झांह लेह कि परमेश्वरे कुहते, “हंयारो दोरच़ी छंङी चमकेक्पोतो,” दंङ परमेश्वरे छंङी ठ्रोह हेंदु सेहमरिंङ समझ रें च़रति, ताकि हेनर परमेश्वरो महिमा बि खंड्री तरपोंई अंऊ यीशु मसीह रिंङ प्रगट शवाह।

1 यूहन्ना 5:13

गेह दिह डाक केतिंङ च़ेहच़ी लेहकी तोतोग अंऊ परमेश्वरो योह मिंदंङ विशवास लहज़ातोर ताकि केहच़ी ञेंओनि कि केहतु दोर अनंत जीवन तोह।