यहून्नो 17:3 - लाहौली बाइबिल

³ दंङ अनंत जीवन दीह शुह कि मीहरे कनिंङ सेहपोर, मतलब सिर्फ इच्च़ा सच्चा परमेश्वरा बि, दंङ दोरे गिह्बी सेहपोर, मतलब यीशु मसीह बि, अरी केई च़रसी शुह।

यहून्नो 17:3 Iomraidhean Croise

मरकुसो 9:37

अगर अच़िया गिऊ चेला शुहबिमी बज़ाहज़ि अरीया कटु अपनाच़ा, “दंङ दोई गेह अपनाच़ा दंङ अच़िला गेह अपनाच़ा दोई परमेश्वरा बि अपनाच़ा।”

लूको 9:48

दंङ दोतंङ साते कुंई, “अगर अच़िया गिऊ चेला शुहबिमी बज़ाहज़ि अरीया कटु अपनाच़ा, दंङ दोई गेह अपनाच़ा, दंङ अच़िला गेह अपनाच़ा दोई परमेश्वरा बि अपनाच़ा, छना कू सा ता अंऊ केहतु बिचंङ ज़ि भत्ते बे कवचि तो, दुह ए मोह्ड़े शुह।”

यहून्नो 11:42

दंङ गेह ञेंहच़ातेग, कि केई गिऊ प्रार्थना हमेशा रेड्रातन, पर अंऊ मीहतु भीड़ कछंङ खड़े तोह, दोतु बजह च़ि गेह जोरे कुहतेग, कि दोरे विशवास लोहर कि केई गेह च़रसी शुनाह।”

यहून्नो 14:26

पर केहतु मदतगार मतलब दुह पवित्र आत्मा अतिंङ पिता परमेश्वरे गिऊ अधिकारंङ च़रपोतो, दुह पवित्र आत्मा ए केतिंङ भत्ते गप्पा सिखाएपोतो, दंङ छिला धिर गेह केतंङ साते कुहषी तातग, दुह भत्ते धिर केतिंङ हिद दिलाएपोतो।”

यहून्नो 17:18

छना केई गिह्बी दीह संसारारंङ चर्तिना, ध्वांए गेह दोतिंङ ला दीह संसारारंङ च़रतिगा।

यहून्नो 17:21

कि दोरे भत्तेर इच्च़ा शुहबी जूंस; छना हे पिता परमेश्वर कांह गेरंङ तोतोन, दंङ गेह करंङ, ध्वांए दोरे ला हेन्दंङ शोहर, दिऊ थल्जी कि संसारो मीहरे विशवास लोहर कि केई ए गेह च़रसी शुगाह।

यहून्नो 17:23

गेह दोतंङ दंङ कांह गेरंङ तोतोन कि दोरे पवित्र शुहचे इच्च़ा शुहबी जूंस, दंङ संसारो मीहरे ञेंहपोर कि केई ए गेह चरच़ि शुगाह, दंङ छना केई गेरंङ साते दाह लहरिन, ध्वांए दोतंङ साते ला लहरिन।

यहून्नो 17:25

हे धर्मिक पिता परमेश्वर, संसारो मीहज़ी गेह माह ञेंहरे, पर गेह कांह ञेंहच़ातग दंङ दिह चेलाज़ि ला ञेंह केहतोर कि केईंए गेह च़रसी शुगाह।

यहून्नो 17:8

अंऊ खबर केई गिह्बी रेंईन, दुह गेह दोतिंङ रेह च़रतिग। दोच़ी दुह ग्रहण लेह हेले दिह ञेंए केईर कि गेह कांह दोरच़ी अंज़े शुगाह दंङ दोच़ी दिह विशवास लहरिर कि केई ए गेह च़रसी शुगाह।

यहून्नो 3:17

छना कुचे परमेश्वरे एनोह योह बि संसारारंङ दिऊ थल्जी चरच़ि माह शुह कि संसारो मीहतिंङ दण्डो आज्ञा रमतो, पर दिऊ थल्जी कि संसारो मीहरे दोऊ दोरच़ी उद्धार खोक्पोर।

यहून्नो 3:34

छना कुचे अतिंङ परमेश्वरे च़रति, दोई परमेश्वरो गप्पा लहज़ी: छना कुचे दिह ए दुह ए शुह अतिंङ परमेश्वरे पवित्र आत्मा भरपूरी रंङ साते रांहषी ततो।

यहून्नो 5:44

केहरे गिऊ टोहकठे विशवास ले मरपोंई, छना कुचे केहच़ी इदिऊ अईदिऊ षटणा जुंज़ातंई, दंङ केहरे इच्च़ा परमेश्वरो दोरच़ी षटणा खोखकसिमी कोशिश माह लहज़ातंई।

यहून्नो 6:57

गिऊ पिता परमेश्वर अच़ि गेह च़रसी शुगाह, दोई जीवन रंड्री। छना ठ्रोह दोई गिह्बी जीवन रंदो, ध्वांए गेह ला दुह मीहबी जीवन रमोग अच़ि गिऊ फुक ज़ोतो।

यहून्नो 7:29

पर गेह दोबि ञेंहच़ातग; छना कुचे गेह दोऊ दोरच़ी शुगाह दंङ दोई गेह च़रसी शुगाह।”

यहून्नो 8:19

दोथल दोच़ी यीशु रुहक्ती, “कांह पिता परमेश्वर अंऊर तोह?” यीशु ज़ि जुबाब रेंई, “माह केहरे गिह्बी ञेंहच़ातोन माह गिऊ पिता परमेश्वर बि, अगर केहच़ी गिह्बी सेहशङ, ता पिता परमेश्वर बि सेहच़ी तोहई।”

1 कुरिन्थियों 15:34

खबरदार शुचे इलांई, पाप लहज़ी छोड़ेके च़रतुंई, गेह केतिंङ शार्मिंदा लहज़िमी थल्जी कुट्रातग, छना कुचे केहतु बिचंङ ज़ि रेह तु परमेश्वरा रंङ साते रूठे नाता माह।

1 कुरिन्थियों 8:4

दंङ हेंतेग, गेह बलि ज़ेइमी पाहठी सवालो जबाब रंड्री जुंज़ातग। ञेंहच़ी ञेंहच़ातंई कि मुर्ति सच्चा भगवान माह शुह, दंङ सिर्फ इच्च़ा ए सच्चा परमेश्वर तोह।

2 कुरिन्थियों 4:6

झांह लेह कि परमेश्वरे कुहते, “हंयारो दोरच़ी छंङी चमकेक्पोतो,” दंङ परमेश्वरे छंङी ठ्रोह हेंदु सेहमरिंङ समझ रें च़रति, ताकि हेनर परमेश्वरो महिमा बि खंड्री तरपोंई अंऊ यीशु मसीह रिंङ प्रगट शवाह।

फिलिपियों 3:10

गेह दि जुंज़ातग कि मसीह बि ञेंए च़रपोग दोऊ सिमी दोरच़ी श्रींङे इबिमी सामर्थ महसूस लेह तरपोग दंङ लगातार दुख सहन लोहग छना दोई लाहतो, दंङ सिमी मुक्का दोऊ ठ्रोह बणेंके योग।

फिलिपियों 3:8

छना कुचे गेह मसीह यीशु घेंङौ प्रभु ञेंहच़ी रंङ साते ऊई भत्ते धिर बे मोह्ड़े तोह, गेह भत्ते चीज़ा तिंङ बेकार चेहच़ातग। अतु वहज़ा ज़ि गेह भत्ते चीज़ारे छोड़ेके केहतग, दंङ दोतिंङ कूड़ा समझेक्च़ातग, ताकि गेह मसीह बि ञेंए तरपोग।

1 थिस्सलुनीकियों 1:9

छना कुचे दोच़ी ऊईतिंङ कंड्रातोर कि अपेहल ञेंरे केहतु कछंङ अंदेंई, दंङ केहच़ी छना ठ्रोह ञेंहतु स्वागत लहज़ातंई। दंङ केरे छना मुर्ति पूजा ओ दोरच़ी शत्‌ह शुहचे परमेश्वरो हखा किरच़ातंई, ताकि श्रींङे ए सच्चे परमेश्वरो सेवा लोंहई,

2 थिस्सलुनीकियों 1:8

दंङ अंऊ परमेश्वराबि माह सेहचातोर, दंङ हेंदु प्रभु यीशु मसीहू रूठे खबर स्वीकार माह लहज़ातोर दोतिंङ दोई सज़ा रमतो।

इब्रानियों 3:1

झांह लेह, हे गिऊ प्यारे साथी विशवासी रे, केरे अंऊ स्वर्गा रिंङ दोरंङ साते शामिल शुहबिमी थल्जी बुलासी शुईं, मसीह यीशु टोईच़ी ध्यान रांही! दुह हेंदु थल्जी परमेश्वरो रूठे खबरो प्रेरित यहुदी महापुरोहित शुह।

2 पतरस 1:2

गेह प्रार्थना लहज़ातग कि परमेश्वर केतिंङ महसे बे महसे मोह्ड़े दाह ए शांति रम्मा लोहतो छना-छना केरे परमेश्वर ए हेंदु प्रभु यीशु ज्ञानारिंङ तुंखा शवातंई।

2 पतरस 1:3

परमेश्वरे एनोह सामर्थो दोरच़ी हेंदिंङ दुह भत्ते रांहषी ततो अंऊ हेंदिंङ जीवन श्रींङमिमी थल्जी जूंशी तोह, अंऊ परमेश्वरा बि खुश लहज़ा। दि जूंशी तोह छना कुचे हेनर परमेश्वरा बि ञेंहच़ातंई दंङ दि दुह ए शुह अच़ि हेंदिंङ एनोह महिमा ए रूठे ओ वहज़ा ज़ि बुलासी शुह।

2 पतरस 1:8

अगर दि भत्ते गप्पारे केहतु अंदरेग तोह, दंङ दि केतिंङ हेंदु प्रभु यीशु मसीहू ज्ञानो थल्जी महस जूंशी ए फलदायी शुहबिमी थल्जी मदत लोहतो।

1 यूहन्ना 1:2

दि मीह अच़ि जीवन रंड्रा दुह दिह धरतीरिंङ अति, दंङ ञेंहच़ी दुह खंई, दंङ दोऊ गवाही रंड्रातंई, दंङ केतिंङ कंड्रातंई कि दि दुह ए शुह अंऊ अनंत जीवन शुह। दुह बाह परमेश्वरा रंङ साते तोहई, दंङ अपि परमेश्वरे हेंदिंङ कंङातो।

1 यूहन्ना 1:3

ञेंहच़ी यीशु मसीहू पाहठी छिल्ला ञेंहच़ी तंङातेंई या रेहशी तातंई दोऊ गवाही केतिंङ रंड्रातंई, झांह लेह कि ञेंतंङ साते केहतु संगति शुहबी जूंस। दंङ ञेंहतु दिह संगति बाह परमेश्वरा रंङ साते ए दोऊ योह यीशु मसीह रंङ साते तोह।

1 यूहन्ना 2:23

दंङ अच़िला योह इन्कार लहज़ा दुह बाह परमेश्वरा रंङ साते बणेंके माह। अच़ि योह बि मनेके केट्रा, दुह बाह परमेश्वरा रंङ साते बणेंके बंङज़ा।

1 यूहन्ना 4:6

हेनर परमेश्वरो शुई, अच़ि परमेश्वर बि ञेंहच़ा, दोई ञेंहतु रेड्रा; दंङ अच़ि परमेश्वरा बि माह ञेंहच़ा दोई ञेंहतु माह रेड्रा; झांह लेह हेंज़ी सच्चाई ऊ आत्मा ए धोखा ओ आत्मा सेहच़ी केट्रातंई।

1 यूहन्ना 5:20

दंङ दिला ला ञेंच़ातंई कि परमेश्वरो योह यीशु मसीह संसारारंङ अति, दंङ दोई हेन्दिंङ समझ रांहषी ततो, कि हेनर दुह सच्चे परमेश्वर बि सेहपोन; हेनर परमेश्वर रिंङ अंऊ हेले तोह बणेंके बंङज़ातंई। दंङ दोऊ योह यीशु मसीहरंङ बणेंके बंङज़ा तोंई, दुह ए सच्चा परमेश्वर शुह, दंङ दुह अनंत जीवन शुह।