यहून्नो 16:2 - लाहौली बाइबिल

² दोरे केतिंङ यहुदी सभा घरबारंङ च़ि धह्तेका हुंच़े च़रपोर, देहर तचेक कि दिह झांह ठ्रोह टेम ला अपतो, अच़िला केतंङ सचे च़रपोर ता दोच़ी चेहपोर कि दोच़ी झांह लेह परमेश्वरो सेवा लहज़ातोर।

यहून्नो 16:2 Iomraidhean Croise

मत्ती 10:28

अच़ि फुको घात लाह्तोर, पर आत्मो नुकसान लेह मरच़ि, दोतंङ साते थाबेंई पर परमेश्वरारंङ साते बेंईन अच्च़ी फुके आत्मा झुल्ला नरकंङ खत्म लेह तरच़ा।

मत्ती 24:9

दंङ दोरे मीहरे अंऊ केहतु बिरोध लाहतोर बरदो रंड्रीमी थल्जी केरे च़ुमयतो केरे सचे केओर, दंङ गिऊ टोहकठे बिशवास लहज़िमी रंङ साते भत्ते जातिऊ मीहच़ी केतंङ साते बैर लोहर।

लूको 6:22

“धन्य शुंई केरे अपेहल गेह मीहू योहू बजह सी मीहरे केतंङ साते बैर लेपोर दंङ केतिंङ हुन्ज़े च़रपोर, दंङ केहतु बुराई लोहतो, दंङ केहतु मिन मदम चेहके ट्रिके च़रपोर।”

यहून्नो 12:42

तांला यहुदी सेंहणातु बिचंङ च़ि महसे ज़ि दोऊ टोहकठे विशवास लहरिर पर फरिसी मीहतु बजह च़ि बिचंङ मह्सेज विशवास लहरीर, पर फरीसीतु वह्ज च़ि दोरे भत्तेतु तुईज़ी दोबि माह मनेक्च़ातेर दिह बेह्द चेहके कि दोतिंङ यहुदी सभा घरबारंङ च़ि धह्कते हुंच़े च़रपोर।

यहून्नो 16:25

“गेह दीह गप्पारे केतंङ साते कथारिंङ कुहषी तातग, पर दुह टेम अपि लेहकी तोह अपेहल गेह केतंङ साते कथारिंङ छले माह कोहग पर केतिंङ पिता परमेश्वरो पाहठी साफ-साफ कमोग।

यहून्नो 16:32

खंणुई, दुह टेम पिचे अंज़े तोह, कि केहरे भत्ते देखा नोखा शुहचे एनोह-एनोह अमरिंङ अच़ा योंई, दंङ गिह्बी इच्च़ा केट्रे केओन, तांला गेह इच्च़ा मा शोग छना कुचे पिता परमेश्वर गेरंङ साते तोह।

यहून्नो 4:21

यीशु ज़ि दोबि कुंई, “हे न्वाशा, गिऊ गप्पो टोहकठे विशवास लोहू कि दुह टेम अपि लेहकी तोह कि केहरे माह दी गोऊ टोहकठे बाहो अराधना लोहन, माह यरूशलेम शहरा रिंङ।

यहून्नो 4:23

पर दुह टेम अपि लेहकी तोह पर अच़ा ए अंज़े तोह, अपेहल सच्चा भक्त रे पिता परमेश्वरो अराधना आत्मा ए सच्चाई रंङ साते लोहर, छना कुचे बाह एनोह थल्जी ध्यांए ठ्रोह भक्ता तिंङ पेट्रा।

यहून्नो 9:22

दिह गप्पारे दोऊ याह बाह ज़ि दिऊ थल्जी कुह्तेर छना कुचे दोरे यहुदी सेंहणा तंङ साते बेवातेर; छना कुचे दोरे भत्ते इच्च़ा शुहचे तोईरे, कि अच़िया विशवास लहरिर ता यीशु ए मसीह शुह ता यहुदी सभा घरबारंङ च़ि धह्कते हुंच़े च़रपोर।

यहून्नो 9:34

दोच़ी दोबि जुबाब रेंईर, कांह ता पापो दोरच़ी जेह्की शुनाह, “केई ञेंतिंङ छि कंड्रातन?” दंङ दोच़ी दुह मीह यहुदी सभा घरबारंङ च़ि धह्तेका हुंच़े च़रतिर।

प्रेरित 5:33

अपेहल सभा ओ मीहज़ी दिह रेड्रिर दोरे हट्रा इलिर, दंङ दोरे प्रेरितातिंङ सच़ी तरेर।

प्रेरित 7:56

“खंणुई, गेह स्वर्गा बि अलसा, ए मीहू योह बि परमेश्वरो सुचंङ हासी खड़े खंड्री लेहकी तोतोग।”

1 कुरिन्थियों 4:13

मीहच़ी ञेंहतु निन्दा लहज़ातोर दंङ ञेंरे नम्रता रंङ साते दोतंङ गप्पा लहज़ातंई। मीहरे हेंतेग ला हेंदंङ साते झांह ठ्रोह बर्ताब लहज़ातोर, माना कि हेनर संसारारंङ भत्ते चीज़ो जगत्रको ठ्रोह तोतोंई।

फिलिपियों 3:6

खुशीऊ पाहठी गेह कोग ता कलीसियाबि सताएच़ा दुह; दंङ यहुदी कानून मनेक्च़ा तु, इच्च़ा धर्मी मीह तोहई, छना कुचे गेह दोऊ भत्ते पालन लाहतेर।

प्रकाशित वाक्य 6:9

अपेहल कुरच़े पांचवीं मुहर युप्ति, दंङ गेह वेदी ऊ योंहने च़ि खंईगा, दोर दुह मीहतु आत्मा तोहई अंऊ सच़ी च़रसी तोईरे छना कुचे दोच़ी परमेश्वरो वचन प्रचार लहसी तरेर दोच़ी यीशु बि प्रभु कुचे गवाही रेंईर।