यहून्नो 13:5 - लाहौली बाइबिल

⁵ दंङ इच्च़ा नंनदेऊ अंद्रेग ती बिंङे एनोह चेला तु कोंज़ा शुहल्ज़ी लेहती दंङ दोई अंऊ यहद एनोह ऊम रिंङ छ़ुह्च़ी तरेह दोरंङ साते दोतु कोंज़ा साफ लहज़ी लेहती।

यहून्नो 13:5 Iomraidhean Croise

लूको 7:38

दंङ दोऊ कोंज़ो कछंङ, थ्ल्का खड़े शुहचे, क्रप्चाते दोऊ कोन्ज़ा तिंङ मिक्ति साते अल्ले लहज़ा एनोह पुंज़ो क्रा रंङ साते साफ लहज़ी लेहती दंङ यीशु कोन्ज़ंङ उकू रें रुठे बासंङ इत्र च्वाचि लेहती।

लूको 7:44

दंङ दुह मेच़मीऊ हखा किरज़े यीशुज़ि शमौनो रंङ साते कुतोह, “छि केई तङातेन आ कि दिह मेच़िमी छि लहतो? गेह कांह चुंङ अतिगा पर ञेंहतु रिवाज़ो हिसाबे केई गिऊ कोन्ज़ा शुलज़िमी थल्जी ती ला मा रेंई, पर दीह मेच़मी गिऊ कोन्ज़ा मिक्ति रंङ अलेग लहरी दंङ क्राए रंङ साते दुह साफ लहरी।”

यहून्नो 13:10

यीशु ज़ि दोबि कुंई, “अरी सुज़ा इल्जी तोह दोबि कोंज़ो सिवा छले शुलज़िमी ज़रूरत माह, पर दुह बिल्कुल शुद्ध तोह, दंङ केहरे भत्ते शुद्ध तोतोन, सिर्फ इच्च़ा बि छोड़ेके।

यहून्नो 13:6

अपेहल दुह शमौन पतरसो कछंङ अति, दंङ पतरसे यीशु हखा कुंई, हे प्रभु, छि केई गिऊ कोंज़ा शुहल्ज़ातन आ?

यहून्नो 13:8

पतरसे यीशु हखा कुंई, “केई गिऊ कोंज़ा अपेहल ला शुहल्ज़े मरपोंन!” दिह रेड्रा यीशु ज़ि दोबि कुंई, अगर गेह कांह कोन्ज़ा मा शुहल्पोग ता कांह साते गिऊ छले नाता माह।

यहून्नो 19:34

पर सेनिकातु बिचंङ च़ि इदि बरछे रंङ साते दोऊ रिस्पा तिर्ज़े च़रति दंङ ध्वांए दोऊ अंद्रेग च़ि शुहई ए ती हुंच़िरी।

प्रेरित 22:16

हेंतेग छिल्ले झाड़ा लहज़ातन? अहच़ु, बपतिस्मा लेहप्तु, दंङ दोऊ मिन लेहपच़ा केनोह पापो माफी ओ थल्जी, माफी पेट्रु।

1 कुरिन्थियों 6:11

तुहई केहतु बिचंङ रे ध्यांए ठ्रोह श्रींङमातेर, पर केरे प्रभु यीशु मसीहू मिंदंङ साते ए हेंदु परमेश्वरो आत्मा रंङ साते केहतु पाप शुहल्ज़े चरच़तो, दंङ केतिंङ एनोह थल्जी शत्‌ह लहरी दंङ केतिंङ एनोह नज़ारारिंङ धर्मी बणाके चरच़तो।

इफिसियों 5:26

ताकि दोरे कलीसिया बि परमेश्वरो बचनो ति रंङ च़िए शुद्ध लेह पवित्र बणाके तरपोर।

1 तीमुथियुस 5:10

दंङ एनोह रूठे कमो वहज़ा ज़ि दोऊ मिन शोतो, मतलब अच़ि एनोह कटुतु पालन-पोषण रूठे रंङ लहसी शोतो, दंङ पौहना तु सेवा लहसी शोतो, दोई ऊई विशवासी तु सेवा इच्च़ा परगरो ठ्रोह लहसी शोतो, दंङ दुखी मीहतु सेवा लहसी शोतो, दंङ हर पाहठी ऊ रूठे कमरिंङ सेहम लेहकी शोतो।

इब्रानियों 10:22

दंङ अतंई हेनर, मसीहू शुई पुरच़ि ते हेंदु सेहम शुद्ध लहच़ी दंङ साफ ती रें हेंदु फुक शुहल्ज़े संङा सेहम ए पक्‍का विशवासा रंङ साते परमेश्वरो कछंङ योंई।

1 यूहन्ना 1:7

अगर हेनर सही तरीका रंङ जीवन श्रींङमोंई, छना परमेश्वर सिद्ध रूपा रिंङ हेले तोह ध्वांए हेनर ला हेलेरिंङ श्रींङमोंई, दंङ इदि-अईदिरंङ साते संगति तहज़ातंई। दंङ परमेश्वरो योह यीशु मसीहू शुहई हेन्दिंङ भत्ते पापो दोरच़ी शुद्ध लहज़ा।

1 यूहन्ना 5:6

दिह यीशु मसीह शुह, अतिंङ दि संसारा रिंङ परमेश्वरे च़रसी शुह, दंङ तिऊ दोरच़ी बपतिस्मा रांहषी शुह, दंङ दोऊ थल शुहई बहाएकी सिए इलि। दुह माह सिर्फ बपतिस्मा लेहपच़ी अति, पर क्रूसो टोहकठे शुहई बहाके सिमी थल्जी अति। पवित्र आत्माज़ि कंड्रा कि यीशु मसीह परमेश्वरो दोरच़ी अंज़े शुह दंङ अंऊ पवित्र आत्माज़ि कुट्रा दुह हमेशा हेले शुह।

प्रकाशित वाक्य 1:5

दंङ यीशु मसीहू तरफे केतिंङ मोह्ड़े दाह ए शांति खोकसोतो, अतु बचनो टोईच़ी विशवास लेह तरपोंई दुह ए तोह सिमी थल यह्च़ा श्रींङे इलि दंङ दुह दि संसारो रज्ज़ा तु अधिकारी तोह। दोई हेंदंङ साते दाह लहज़ा दंङ हेंदिंङ बचाएच़ा, दोई एनोह शुहई दोरच़ी हेंदिंङ पापो दोरच़ी बचाएच़ा। दोई हेंदिंङ झांह ठ्रोह मीह बणाके चरच़तो, अतु परमेश्वर दोतु रज्ज़ा तोह दंङ दोई हेंदिंङ एनोह बाह परमेश्वरो थल्जी यहुदी पुरोहित बणाके च़रति। दोबि आदर ए अधिकार हमेशा खोकसा लोहतो। अमीन।

प्रकाशित वाक्य 7:14

दंङ दोतंङ साते कुड़िगा, “हे मालिका, गेह माह ञेंच़ातग पर केई ए ञेंच़ातन,” दोई गिऊ हखा कुई, “दिरे दुह मीहरे शुरे अंऊ दोच़ी महस दुखो अनुभव लहसी शुह। दोच़ी एनोह खमज़ेर कुरच़ो शुहई रें शुहल्ज़े चरच़ातोर दंङ हेंतेग दोरे छंङसी शुहचे इलोर, दिऊ मतलब दि तोह कि दोतु पाप मिटाके केहषी तोह।”