यहून्नो 13:3 - लाहौली बाइबिल

³ यीशु दिह ञेंहच़ाते कि दोबि भत्ते चीज़ो टोहकठे अधिकार रांहषी ततो दंङ दिह ला कि दुह परमेश्वरो दोरच़ी अंज़े शुह दंङ परमेश्वरो कछंङ वापिस इबिमी तोह।

यहून्नो 13:3 Iomraidhean Croise

मत्ती 11:27

गिऊ बाहे गिह्बी भत्तेधिर रांहषी ततो, बाह ए तोह अंऊ दोई योह बि सेहचा, सिर्फ इच्च़ाए योह तोह अंऊ दोई हेले बाहबि सेहचा, दंङ अंऊ मीहतिंङ गेह योह, अंङषातोग दोरे मीहरे बाहबि सेहपोर।

मत्ती 28:18

यीशुज़ि दोतु कछंङ अंज़े कुंई, “स्वर्ग ए धरतीऊ भत्ते अधिकार गिह्बी रांहषी तोह।

लूको 10:22

“गिऊ बाहे गिह्बी भत्तेधिर रांहषी ततो, सिर्फ बाह ए तोह अंऊ दोई योह बि सेहचा, सिर्फ इच्च़ाए योह तोह अंऊ दोई हेले बाहबि सेहचा, दंङ अंऊ मीहतिंङ गेह योह, अंङषातोग दोरे मीहरे बाहबि सेहपोर।”

यहून्नो 1:18

परमेश्वरा बि अच़िला अपेहला तंङशी माह शुह। सिर्फ परमेश्वरो इच्च़ा योह अंऊ सच्चा परमेश्वर शुह दंङ अरी बाहो कछंङ तोह, अच़ि ञेंतिंङ कंङातो कि परमेश्वर छना ठ्रोह तोह।

यहून्नो 13:1

फसह त्यार बे तुहई, अपेहल यीशु ज़ि ञेंह केहरी, कि गिऊ टेम पिचे अंजा कि दि संसार केट्रा पिता परमेश्वरो कछंङ वापिस अच़ा योग, दंङ एनोह चेला तंङ साते अंऊ संसारारंङ तोईरे, छना ठ्रोह दाह दोई तहच़ते, हमेशा ध्वांए ठ्रोह दाह लहज़ाते,

यहून्नो 17:2

छना कुचे केई दोबि भत्ते मीहतु टोहकठे राज लहज़िमी अधिकार रांहषी तातन, कि दोई दोतिंङ अनंत जीवन रमतो, अतिंङ केई दोऊ हवाले लहसी तातन।

यहून्नो 3:13

अरीला स्वर्गंङ मेली, पर सिर्फ गेह मीहू योह इच्च़ा स्वर्ग च़ि योंखा अंज़े शुगाह।

यहून्नो 3:35

पिता परमेश्वरो योह रंङ साते दाह लहज़ा, दंङ दोई भत्ते चीज़र दोऊ गुहड़िंङ रें च़रति।

यहून्नो 7:29

पर गेह दोबि ञेंहच़ातग; छना कुचे गेह दोऊ दोरच़ी शुगाह दंङ दोई गेह च़रसी शुगाह।”

यहून्नो 7:33

दिरंङ यीशु ज़ि कुंई, “गेह थोड़े अरे टेमो थल्जी केतंङ साते शुगाह; दोऊ थल गेह, गिह्बी च़रच़ा ओ कछंङ वापिस अच़ा योग।

यहून्नो 8:14

यीशु ज़ि दोतिंङ जुबाब रेंई; “अगर गेह घेंङौ गवाही घेङे रड्रातग, तांला गिऊ गवाही ठीक शुह, छना कुचे गेह ञेंहगा कि गेह अंऊरच़ि अंज़े शुगाह दंङ अंऊखा योग? पर केहरे माह कि गेह अंऊरच़ि अंज़े शुगाह दंङ अंऊखा योग।

यहून्नो 8:42

यीशु ज़ि दोतंङ साते कुंई, “अगर परमेश्वर केहतु बाह शुहचंङ ता केहच़ी गेरंङ साते दाह लंहीयां; छना कुचे गेह परमेश्वरो दोरच़ी अंज़े शुगाह; गेह घेंङा ए अंज़े माह शुगाह, पर दोइए च़रसी शुगाह।

प्रेरित 2:36

दिऊ थल्जी इस्राएल देशो भत्ते मीहतिंङ दि ञेंई च़रतुंई कि परमेश्वरे दिह ए यीशु बि अतिंङ केहच़ी क्रूसो टोईच़ी चढ़ाएकातेंई, “प्रभु ला ठहराएति दंङ मसीह ला ठहराएति।”

1 कुरिन्थियों 15:27

पवित्रशास्त्रे कुट्रा कि, परमेश्वरे भत्ते धिर दोऊ सामर्थो अधीन लेह च़रपोतो ता दिरिंङ परमेश्वर शामिल माह छना कुचे दि परमेश्वर ए तोहई अच़ि भत्ते धिर मसीहू सामर्थो अधीन लेह चरच़ाते।

इब्रानियों 1:2

पर दि अन्तिम ध्याड़ारिंङ ञेंहच़ी हेंदु योह दोरच़ी गप्पा लहरिन। परमेश्वरे एनोह योह दोरच़ी भत्ते संसारो रचना लहरी दंङ दोबि भत्ते चीज़ा तु वारिस बणाके च़रति।