यहून्नो 13:1 - लाहौली बाइबिल

¹ फसह त्यार बे तुहई, अपेहल यीशु ज़ि ञेंह केहरी, कि गिऊ टेम पिचे अंजा कि दि संसार केट्रा पिता परमेश्वरो कछंङ वापिस अच़ा योग, दंङ एनोह चेला तंङ साते अंऊ संसारारंङ तोईरे, छना ठ्रोह दाह दोई तहच़ते, हमेशा ध्वांए ठ्रोह दाह लहज़ाते,

यहून्नो 13:1 Iomraidhean Croise

मत्ती 26:45

दंङ दोई चेला तु कछंङ अंज़े दोतंङ कुह्ते, दाह ईम लांई, ए नाहचुंई; खांई दुह घड़ी पिचे इलज़ा दंङ मीहू योह, पापी तु गुहड़ रिंङ च़ुमसा योतो।

मत्ती 28:20

दंङ दोतिंङ भत्ते हुकुम अंऊ गेह केतिंङ रांहषी तातग, मनेक्च़ी कंड्रुंई; दंङ रेड्रुंई, गेह संसारो अनंत तचेक हमेशा केतंङ साते तोतोग।”

लूको 22:53

अपेहल गेह यहुदी मंदिरंङ रोज केतंङ साते तोईगा, दोहपल केहच़ी गिऊ टोईच़ी गुहड़ ला माह केंईन; पर दिह धह केहतु टेम शुह दंङ हंञारो हाकिमो राज तोह।”

लूको 9:51

अपेहल यीशु स्वर्गंङ इबिमी ध्याड़ा पिचे इलि, दोई यरूशलेम शहरो हखा इबिमी पक्‍का बिचार लहरी।

यहून्नो 11:55

यहुदी मीहतु फसह त्याहरो टेम पिचे अंज़े तोहई, दंङ महसे मीहरे फसह ओ त्यारा बे तुई यरूशलेम शहरो हखा इलिर कि यहुदी मंदिरंङ एनातु रिति रिवाज़ो हिसाबे शुद्धी लोहर।

यहून्नो 12:23

दिरंङ यीशु ज़ि दोतु हखा कुंई, “दुह टेम अच़ा अंजा कि गेह मीहू योहू महिमा शोतो।

यहून्नो 13:29

यहूदा ओ कछंङ ढबाह ओ बगुह्ड़ी शवाते, झांह लेह रेहच़ि झांह सोचेक्तिर, यीशु ज़ि दोरंङ साते कुट्रा कि, छिला ञेंतिंङ त्याहरो थल्जी जूंफा चुम्ज़े हता, छिता गरीबातिंङ छा छि रें च़रतु।

यहून्नो 13:3

यीशु दिह ञेंहच़ाते कि दोबि भत्ते चीज़ो टोहकठे अधिकार रांहषी ततो दंङ दिह ला कि दुह परमेश्वरो दोरच़ी अंज़े शुह दंङ परमेश्वरो कछंङ वापिस इबिमी तोह।

यहून्नो 13:34

गेह केतंङ इच्च़ा खरकोई हुकुम रन्ड्रातग कि इदिऊ अईदिऊ रंङ साते दाह लांही; ध्वांए छना गेह केतंङ साते लहज़ातग, ध्वांए केहच़ी ला इदिऊ अईदिऊ रंङ साते दाह लांही।

यहून्नो 14:28

गिऊ गप्पारे हिद तंई: गेह य्वातग दंङ केहतु कछंङ वापिस अपोग। अगर केहच़ी गेरंङ साते दाह लंहीयां ता दिह ञेंहच़ाते खुश शुहचंङ कि गेह पिता परमेश्वरो कछंङ य्वातोग, अरी गिह्बी लाह महस मोह्ड़े तोह।

यहून्नो 14:31

पर गेह ध्वांए लहज़ातग छना पिता परमेश्वरे गिह्बी हुकुम रंड्रा दिऊ थल्जी कि संसारो मीहतिंङ पता लेह्पोतो कि गेह पिता परमेश्वरारंङ साते दाह लहज़ातग। अहच़ुंई, देरच़ी योंह्‌ई।

यहून्नो 16:28

गेह पिता परमेश्वरो दोरच़ी संसारा रिंङ अंज़े शुगाह, यच़ाह संसार केट्रा पिता परमेश्वरो कछंङ वापिस अच़ा योग।”

यहून्नो 17:1

दीह गप्पार एनोह चेला तंङ साते कुट्रिमी थल, यीशु ज़ि स्वर्गो हखा खांई दंङ कुई, “हे पिता परमेश्वर, दुह टेम पिचे अंजा कि केनोह योहू महिमा लोहू कि योह ला कांह महिमा लोहतो,

यहून्नो 17:16

छना गेह दीह संसारो मा शुगाह ध्वांए दोहरेला दीह संसारो मा शुहर।

यहून्नो 17:26

गेह कनिंङ दोतु टोईच़ी प्रगट लहतग दंङ लोहवा लोहग कि अंऊ दाह कनिंङ गेरंङ साते तोहई, कि दुह दोतंङ शुबी जूंस दंङ गेह दोतंङ बंङज़ोग।

यहून्नो 17:5

दंङ हेंतेग, हे पिता परमेश्वर, केई केनोह तुईज़ी गिऊ महिमा लोहू, दुए महिमा अंऊ करंङ साते बंङज़ा दोहपल संसारो शुरुवात बे तुई गिऊ कछंङ तोहई।”

यहून्नो 18:4

दोथर यीशु दुहरे भत्ते गप्पार अंऊ दोरंङ साते शुहबिमी तोहई, ञेंहच़ाते दोरच़ी हुंच़िरी, दंङ दोतु हखा रुहक्ती, “अरी पेट्रातंई?”

यहून्नो 19:28

दिऊ थल यीशु ज़ि दीह ञेंहए कि धह दोई एनोह भत्ते कम पुरा लेह केहतो, दिऊ थल्जी कि पवित्रशास्त्रा रिंङ च़ेहसी भत्ते गप्पा हेले साबित शुबी जूंस, यीशु ज़ि कुंई, “गिह्बी तीस्कर लेहकी तोह।”

यहून्नो 2:13

यहुदी मीहतु फसह ओ त्यार कछंङ पिचे अंज़े तोहई, दंङ यीशु यरूशलेम शहरो हखा इलि।

यहून्नो 6:4

दंङ यहुदी मीहतु फसह ओ त्यार पिचे अंज़े तोहई।

यहून्नो 7:30

दिरंङ यहुदी सेंहणा ज़ि दोबि च़ुमज़ि तरेर तांला अच़िला दोबि गिरफ्तार माह लहरिर, छना कुचे दोऊ सिमी सही टेम अईता अंज़े माह तोहई।

यहून्नो 7:6

दोथल यीशु ज़ि दोतंङ साते कुंई, “केहतु सही टेम ता अपेहल अपि तरपोतो पर गिऊ सही टेम अईता अंज़े माह।

यहून्नो 8:20

दिह गप्पारे यीशु ज़ि यहुदी मंदिरो ल्वाड़िंङ शिक्षा रंड्रा मुक्का भंडार घरबारंङ कुहते, दंङ अच़िला दुह माह च़ुमनिर; छना कुचे दोऊ दुख उठाएच़िमी ए सीमी टेम अंज़े माह तोहई।

रोमियो 8:37

पर दि भत्ते गप्पारिंङ हेनर दोऊ दोरच़ी ए जयवंत ला शुहचे य्वातंई, अच़ि हेंदंङ साते दाह लहज़ा।

1 कुरिन्थियों 1:8

परमेश्वर केतिंङ थल मुक्का तचेक विशवासारिंङ पक्‍का लोहवा लोहतो, कि केरे दू ध्याड़ा अपेहल हेंदु प्रभु यीशु मसीह धरती ऊ टोईच़ी वापिस अपतो निर्दोष शोतो।

इब्रानियों 3:14

अगर हेनर हेंदु तुहई कि विशवासा बि थल मुक्का तचेक पक्‍का बणाके तोहनि, दंङ हेनर मसीहू सहभागी शुहचे योंई।

इब्रानियों 3:6

पर मसीह योह रूपारिंङ एनोह टबरातु थल्जी विशवासो जोगे तोह दंङ दू टबर हेनर शुई, अगर हेनर हेंदु उम्मीद रिंङ हिम्मत ए घमण्ड लहज़ी जारी तोहनि ता, दंङ हेनर परमेश्वरो मीहरे शुहनि।

इब्रानियों 6:11

ञेंहच़ी माह जुंज़ातंई कि केरे सुस्त शुई। पर ञेंहच़ी जुंज़ातंई कि केहच़ी महस मेहनत लहज़ा तु ठ्रोह दाह ओ कम लहज़ी ज़ारी तंही, थल मुक्का तचेक धीरज़ ए विशवासा रंङ पक्‍का बणेंके बंङज़ेंई। दंङ पक्‍का उम्मीद तंही ताकि परमेश्वरो वाईदा बि खोक्शे तरपोंई।

1 पतरस 1:13

झांह लेह, केरे मीहरे सोचेक्सिमी थल्जी तेयार शुचि इलांई। खबरदार बंङज़ुंई दंङ केनातु उम्मीद पूरा ठ्रोह दुह मोह्ड़े दाह ओ टोईच़ी लगाके तंही, अंऊ यीशु मसीहू प्रकट शुहबिमी मुक्का केतिंङ खोकसोतो।

1 यूहन्ना 4:19

हेनर परमेश्वरारंङ साते ए इदि-अईदि रंङ साते दाह लहज़ा तंई, छना कुचे मुन्डा परमेश्वरे हेन्दंङ साते दाह लहरी।

प्रकाशित वाक्य 1:5

दंङ यीशु मसीहू तरफे केतिंङ मोह्ड़े दाह ए शांति खोकसोतो, अतु बचनो टोईच़ी विशवास लेह तरपोंई दुह ए तोह सिमी थल यह्च़ा श्रींङे इलि दंङ दुह दि संसारो रज्ज़ा तु अधिकारी तोह। दोई हेंदंङ साते दाह लहज़ा दंङ हेंदिंङ बचाएच़ा, दोई एनोह शुहई दोरच़ी हेंदिंङ पापो दोरच़ी बचाएच़ा। दोई हेंदिंङ झांह ठ्रोह मीह बणाके चरच़तो, अतु परमेश्वर दोतु रज्ज़ा तोह दंङ दोई हेंदिंङ एनोह बाह परमेश्वरो थल्जी यहुदी पुरोहित बणाके च़रति। दोबि आदर ए अधिकार हमेशा खोकसा लोहतो। अमीन।