यहून्नो 12:3 - लाहौली बाइबिल

³ दंङ मरियमे अधा लीटर जटामसिऊ महस शुद्ध रुठे मंङे इत्र रेंज़ा हति दंङ यीशु कोंज़ारिंङ थोरच़ी च़रति, दंङ एनोह क्राहज़ि दोऊ कोन्ज़ारे साफ लहरिर, दंङ दुह इत्रो बासे भत्त्ते घरबारंङ रूह्ठे बास अपि लेहती।

यहून्नो 12:3 Iomraidhean Croise

लूको 10:42

सिर्फ इच्च़ा गप्पा चिंद लहज़िमी जोगे तोह। दंङ दुह रुठे हिस्सा बि मरियमे अंङे च़रति अंऊ दोऊ दोरच़ी अपेहला कूज़ा मा शोर।”

लूको 7:46

केई गिऊ पुंज़ंङ इत्र मा केहरी, पर दी गिऊ कोंज़ो टोईच़ी रुठे बासंङ मंङे तेल चह्री।

यहून्नो 11:2

दीह दुहए मरियम तोहई अच़ि थोड़े टेमो थल प्रभुऊ कोन्ज़ा रिंङ मंङे ईत्र चाए एनोह क्राहज़ि साफ लाहते, दोऊ ए न्वा लाज़र टेहची तोहई।

यहून्नो 11:28

दिह कुचे मार्था अच़ा इलि, दंङ एनोह न्वाशक मरियम बि बुलाके सूले कुंई, “गुरु दिह ए शुह, दंङ कनिंङ बुलाए च़ि लेहकी तोह।”

यहून्नो 11:32

अपेहल मरियम दोर्तिंङ पिचाते अंऊर यीशु तोहई, ता दोबि खंड्री रंङ साते, दोऊ कोन्ज़ारिङ दह्चे इलि दंङ कुंई, “हे प्रभु! अगर कांह देर्तिंङ शुहचंङ ता गिऊ न्वा माह सीए तोहई।”

यहून्नो 19:39

नीकुदेमुस ला अरी तुई यीशु ऊ कछंङ रातारिंङ इल्दे, लगभग 33 किलो गंदरस ए रुठे बासंङ चीज़रे रेंज़ा हति।