यहून्नो 12:2 - लाहौली बाइबिल

² दोर्तिंङ दोच़ी यीशु ऊ थल्जी धाम तेयार लहरिर, दंङ मार्था यीशु ऊ आदर लहच़िमी थल्जी सेवा लहज़ी लेहकी तोहई, लाज़र ला यीशु रंङ साते बगत ज़जातु बिचंङ च़ि इच्च़ा तोहई।

यहून्नो 12:2 Iomraidhean Croise

मत्ती 26:6

अपेहल यीशु बैतनिय्याह नगरंङ शमौन कोढ़ी ऊ चुंङ बगत ज़ेई लेहकी तोहई,

मरकुसो 14:3

अपेहल यीशु बैतनिय्याह नगरंङ शमौन कोढ़ी ऊ चुंङ बगत ज़े लेहकी तोहई, दंङ इच्च़ा मेच़मी मंङे संगमरमरो कवचि बोतलो अंद्रेग जटामसिऊ महस शुद्ध रुठे मंङे इत्र रेंज़ा हति; दंङ लब थक्शे दुह इत्र दोऊ पूज़ंङ केहरिर।

लूको 12:37

धन्य शुह दुह परगर अरी एनोहो मालिको इंतज़ार लहज़ा दंङ दुह ध्याड़ो थल्जी तेयार तोह, गेह केतंङ साते हेले कुट्रातग कि दुह मालिक एनोह परगराबि बगत ज़ेइमी थल्जी बेठाएपोतो दंङ एनोह उम छ़ुचे दोऊ सेवा लोहतो।

लूको 14:12

दंङ यीशुज़ि एनोह शाहधेकच़ा फरिसी मीहबी ला कुहतो; “अपेहल केई नीरो ए रातो बगतो धाम रमोंन ता केनोह साथीरे, न्वारे, टबरारे, या ढबाहो घ्राक पड़ोसिरे थशाहधेकतु, कि झांह शुबी मेस कि दोच़िला कांह शाहधेकपोर, दंङ कांह खोरसा योतो।

लूको 22:27

छना कुचे मोह्ड़े अरी तोह, छि दोई ए अरी बगत जोआ, या दुह अच़ि सेवा लाह? छि दुह माह शुदाह अच़ि बगत जोआ? पर गेह केहतु बिचंङ परगरतु ठ्रोह तोतोग।

लूको 5:29

दंङ लेवी ज़ि दोऊ थल्जी एनोह चुंङ इच्च़ा मोह्ड़े भोज लहरी, दंङ चुंगी लेहपच़ा दोतु दंङ ऊई मीहतु अंऊ दोहरंङ साते बगत ज़ेई तोहई, इच्च़ा मोह्ड़े भीड़ तोहई।

प्रकाशित वाक्य 3:20

रेड्रुंई, केहतु सेहमरिंङ अपिमी थल्जी, गेह दुह मीहू ठ्रोह तोतोग अंऊ चुंङो धकते खड़े तोह दंङ पेतंङ ठुकठुक लहच़ी लेहकी तोह दंङ केरे गिऊ सग रेड्रातंई दंङ गिऊ थल्जी केनातु सेहम अलज़ातंई दंङ गेह तोंखा अपोग दंङ हेनर इदि-अई दिरंङ साते संगति लोहनि।