यहून्नो 11:4 - लाहौली बाइबिल

⁴ दिह रेड्राते यीशु ज़ि कुई, “दिह बीमारीऊ अंत सी माह शुह, पर दिह परमेश्वरो महिमा थल्जी शोतो, कि दोऊ दोरच़ी गेह परमेश्वरो योहू महिमा शोतो।”

यहून्नो 11:4 Iomraidhean Croise

यहून्नो 10:38

पर अगर गेह कुट्रातग, ता गिऊ विशवास ला था लांही, पर दुह कमो टोहकठे विशवास लोहनी दंङ केतिंङ पता लेह्पोतो कि परमेश्वर गेरंङ तोह दंङ गेह परमेश्वरारंङ।”

यहून्नो 11:40

यीशु ज़ि दोऊ हखा कुंई, “छि गेह करंङ साते माह कुहतेगा कि अगर केई विशवास लहरीनता परमेश्वरो महिमा खमोंन।”

यहून्नो 12:28

हे पिता परमेश्वर प्रगट लोह कि कांह अंयों महिमा ओ जोगे तोतोन।” दंङ सर्गंङ ज़ि दिह आकाशवाणी शुई, गेह कंङातग कि गेह अंयों महिमा ओ जोगे तोतोग दंङ गेह दिह्बी यह्च़ा प्रगट लोहग।

यहून्नो 17:1

दीह गप्पार एनोह चेला तंङ साते कुट्रिमी थल, यीशु ज़ि स्वर्गो हखा खांई दंङ कुई, “हे पिता परमेश्वर, दुह टेम पिचे अंजा कि केनोह योहू महिमा लोहू कि योह ला कांह महिमा लोहतो,

यहून्नो 17:10

दंङ गिऊ तोह दुह भत्ते कांह शुह; दंङ कांह तोह दुह गिऊ शुह; दंङ दिऊ दोरच़ी गिऊ महिमा प्रगट शुई।

यहून्नो 17:5

दंङ हेंतेग, हे पिता परमेश्वर, केई केनोह तुईज़ी गिऊ महिमा लोहू, दुए महिमा अंऊ करंङ साते बंङज़ा दोहपल संसारो शुरुवात बे तुई गिऊ कछंङ तोहई।”

यहून्नो 2:11

यीशु ज़ि गलील प्रदेशो काना नगरंङ एनोह मुण्डो चमत्कार कंज़े एनोह महिमा प्रगट लहरी दंङ दोऊ चेलाज़ि दोऊ टोईच़ी विशवास लहरीर कि दुह ए मसीह शुह।

यहून्नो 8:54

यीशु ज़ि जुबाब रेंई, “अगर गेह घेहें घेंङौ तारीफ लोहग ता गिऊ तारीफ छले माह शुह, पर अच़ि गिऊ तारीफ लहज़ा दुह गिऊ पिता परमेश्वर शुह, दंङ केहच़ी कुट्रातन कि दुह केहतु परमेश्वर शुह।

यहून्नो 9:24

दंङ यहुदी सेंहणा ज़ि दुह मीह अरी कांणे तोहई यह्च़ा बुलाके दोऊ हखा कुईर, “परमेश्वरो तुईज़ी वाईदा लोहू कि केई हेले कोहन; ञेंतिंङ ता पता तोह कि दुह मीह पापी शुह।”

यहून्नो 9:3

यीशु ज़ि जुबाब रेंई, “माह दि पाप लहते, माह दिऊ याह बाह ज़ि पर दिह दिऊ थल्जी कांणे जेह्के शुह, कि परमेश्वरो सामर्थ दोऊ दोरच़ी प्रगट शवाह लोहतो।

रोमियो 11:11

दंङ गेह रूहक्च़ातग, “छि यहुदी ठोकर लेहपी रंङ साते दहचे इलिर? माह! बिल्कुल ला माह! पर दोतु अविशवासो दोरच़ी ऊईजाति बि उद्धार खोकसिरी, दंङ इस्राएली मीहतिंङ जलन शोतो।

फिलिपियों 1:11

छना इच्च़ा बुट फल पैदा लहज़ा ध्वांए केहच़ी धर्मिकताऊ कम लोहवा लंहि अंऊ प्रभु यीशु मसीहू दोरच़ी शवाह दोरंङ साते भरपूर शुचे इलेंई अतु दोरच़ी यीशु मसीहू महिमा ए षटणा शुहबी जूंस।

फिलिपियों 1:20

गिऊ सेहमो हिटी ए उम्मीद दि तोह, कि गेह अंऊ लाह गप्पा रिंङ शर्मिन्दा माह शुगाह, पर गिह्बी मसीहू पाहठी कुट्री हिम्मत शवाह छना कि गेह बितेगी टेमारिंङ कुहतेग। चाहे गेह श्रींङी बंङज़ोग या सिए योग, गेह घेंङौ भत्ते ज़िंदगी ऊ दोरच़ी मसीह बि आदर रम्मा लोहग।

1 पतरस 1:21

यीशु मसीह ज़ि अंऊ हेंदु थल्जी लाहते दोऊ वहज़ा केरे हेंतेग परमेश्वरो टोईच़ी विशवास लहज़ा तंई। दू, दू ए शुह अच़ि यीशु मसीह बि दोऊ सिमी थल यहच़ा‍‍ श्रींङमी लहरी दंङ दोबि महिमा रें। झांह लेह केहच़ी विशवास लहज़ातंई दंङ परमेश्वरो टोईच़ी केहतु विशवास हेंतेग पक्‍का तोह।

1 पतरस 4:11

अगर केहतु कछंङ प्रचार लहज़िमी वरदान तोह, दंङ केतिंङ परमेश्वरो बचनो प्रचार लहज़ी जूंशी तोह। अगर केहतु कछंङ ऊईतु मदत लहज़िमी वरदान तोह, दंङ दू, दू सामर्थ रंङ साते लंहि अंऊ परमेश्वर केतिंङ रंड्रा। तांला छिल्ला धिर केहच़ी लोहनि दू यीशु मसीहू दोरच़ी परमेश्वरा बि महिमा रमतो। भत्ते महिमा ए सामर्थ हमेशा-हमेशा ओ थल्जी दोऊ शुह। अमीन।

1 पतरस 4:14

दंङ अगर मसीहू मिन्दु थल्जी केहतु निन्दा शवाह, दंङ केरे धन्य शुई; छना कुचे परमेश्वरो महिमा ओ आत्मा केहतु अंदरेग बंङज़ा।