यहून्नो 10:4 - लाहौली बाइबिल

⁴ अपेहल दोई एनोह भत्ते त्रैंईरे रे धखतेका हुंच़े च़रच़ा, दंङ दोतु तुई-तुई जोआ, दंङ दोऊ त्रैंईरे रे दोऊ थल-थल शुहचे य्वातोर; छना कुचे दोच़ी दोऊ सग सह्चातोर।

यहून्नो 10:4 Iomraidhean Croise

मत्ती 16:24

दंङ यीशुज़ि एनोह चेला तिंङ कुहतो “अगर अरीला गिऊ चेला बणेकपी तातंई दोच़ी एनोह हिटी छोड़ेके एनोह दुख उठाके गिऊ थलेच़ि अच़ा अतंई।

यहून्नो 10:16

गिऊ ऊई ला त्रैंईर तोतोर, अरी दिह पोङों माशुहरे; गिह्बी दोरे ला हपि ज़रूरी तोह, दोरे गिह्बी सेहपोर; दंङ इच्च़ा ए थाच ए इच्च़ा पोहाल शोतो।

यहून्नो 10:27

गिऊ त्रैंई ज़ि गिऊ सग सेहचातोर दंङ गेह दोतिंङ सेहचातग, दंङ दोरे ला गिऊ थल-थल जोज़ातोर।

यहून्नो 10:3

दोऊ थल्जी पहरेदार ज़ि पितंङ अल्ज़ातोर दंङ त्रैंई ज़ि दोऊ सग सेहचातोर दोई एनोह मांतू मिन लेहपच़ी बुलाएचा दंङ धखतेका रेंज़ा शिलज़ा।

यहून्नो 10:5

दोरे ऊईतु थले माह जोज़ी, पर दोतु दोरच़ी ऊईतार पोह्कपोर, छना कुचे दोच़ी ऊईतु सग माह सेहच़ी।”

यहून्नो 10:8

अंयों ला गिहबे तुहई अंज़े तोतोर; दोरे भत्तेर चोर ए डाकुरे शुहरे पर गिऊ त्रैंई ज़ि दोतु माह रेड्रिर।

यहून्नो 12:26

अगर अच़िया गिऊ सेवा लोहतो, ता दोरे गिऊ चेलार बणेक्तुंई; दंङ अंऊर गेह बंङज़ोग दोर्तिंङ गिऊ सेवा लहज़ा ला शोतो; अगर अच़िया गिऊ सेवा लोहतो, ता पिता परमेश्वरे दोऊ आदर लोहतो।

यहून्नो 13:15

छना कुचे गेह केतिंङ उदाहरण कंड्रे केहतग, कि छना गेह केतंङ साते लहतग, केहरे ला ध्वांए लोहवा लांही।

यहून्नो 18:37

पिलातुसे दोरंङ साते कुई, “दंङ छि कांह रज्ज़ा शुनाह?” यीशु ज़ि जुबाब रेंई, केई कुट्रातन कि गेह रज्ज़ा शुगाह; गिऊ जन्म लेहपच़मि ए संसारारंङ अपिमी बजह दिह शुह कि गेह सच्चाई ऊ पाहठी सिखाएपोग। सच्चाई ऊ टोहकठे जोज़ा दोरे भत्तेर गिऊ गप्पा रेड्रातोर।

यहून्नो 3:29

ब्याहू ब्याहुत्रीह रंङ साते ब्याह लेह, पर ब्याहू साथी दोरंङ साते शुबी दंङ दोऊ गप्पा रेड्री रंङ साते खुश शुबी, ध्वांए गिऊ सेहम खुशी रंङ साते पिंङषा इलजी तोह।”

1 कुरिन्थियों 11:1

छना ठ्रोह गेह मसीहू ठ्रोह चाल ज़ोआतग, ध्वांए केरे ला गिऊ ठ्रोह चाल जोंई।

इफिसियों 5:1

केरे परमेश्वरो कटुरे शुई अतंङ साते दोई दाह लहज़ा, झांह लेह दोऊ ठ्रोह बणेक्पिमी कोशिश लंहि।

इब्रानियों 12:2

हेंदिंङ यीशु तरफे खंड्री जूंशी तोह, अंऊ हेंदिंङ विशवासो दोरच़ी तुंखा बढ़ाएच़ा दंङ हेंदु विशवास पूरा लहज़ा। दोई षेह्पिमी छा चिंद माह लहच़ी ते क्रूसो दुख सहन लहरी दंङ सिए इलि; छना कुचे दोई ञेंहच़ाते कि दोई झांह लहरी। हेंतेग दू परमेश्वरो सिंहासनो सुचंङ हासी बंङज़ा तोह।

इब्रानियों 6:20

यीशु हेंदु बे तुंखा ए दंङ हेंदु थल्जी स्वर्गंङ इलि। दू पुरोहित मलिकिसिद्को ठ्रोह हमेशा ओ थल्जी यहुदी महापुरोहित बणेंके इलि।

1 पतरस 2:21

परमेश्वरो दोरच़ी केरे अंङषी दोरच़ी इच्च़ा वहज़ा दि ला तोह कि केरे दोऊ थल्जी रूठे कम लहज़ा दुख सहन लेह च़रपोंई। मसीह, अच़ि केहतु थल्जी दुख सहन लहरी, दू एनाह ए केहतु थल्जी इच्च़ा उदाहरण रे च़रति, ताकि केरे दोऊ हिद लंहि।

1 पतरस 4:1

झांह लेह, अपेहल कि मसीह ज़ि एनोह फुकारिंङ बंङज़ा दुख सहन लहरी, दंङ केतिंङ ला ध्वांए ठ्रोह दुख सहन लहज़िमी थल्जी तेयार बंङज़ी जूंशी तोह। छना कुचे अगर हेनर मसीहू थल्जी दुख सहन लहज़िमी थल्जी तेयार तोतोंई, दंङ केहच़ी पाप माह लहज़िमी फेंसला लेह चरच़ातंई।

1 पतरस 5:3

अंऊ मीहरे केतिंङ सोंपेगी तोतोर, दोतु टोईच़ी इच्च़ा अधिकारी ठ्रोह था बणेक्तुंई, बल्कि दोतु थल्जी इच्च़ा रूठे उदाहरण बणेक्तुंई।