यहून्नो 1:9 - लाहौली बाइबिल

⁹ “मसीह अंऊ सच्चे छंङी तोह” अच़ि हर इच्च़ा मीहबी छंङी लहज़ाते, संसारारंङ अपि लेहकी तोहई।

यहून्नो 1:9 Iomraidhean Croise

मत्ती 6:23

पर अगर कांह टिरारे मदम शुई ता, कांह भत्ते फुकला हंञारारिंङ शोतो; दिऊ थल्जी, अगर केई गलतीरंङ साते ला दिह सोचेक्च़ातन कि कांह दिमाग छंङी तोह, पर असल मेह दुह हंञारारिंङ तोह, केहतु अंद्रेग हंयार महसे रोह्की तोह।

लूको 11:36

झांह लेह अगर कांह फुक पुरे छंङी तोह सा ता, दंङ दोऊ अंऊ ला हिस्सा हंयार माह ता दंङ दोई भत्ते ठाहरीरिंङ छंङी रमतो, छना दुह मुका तोहई अपेहल संजवा एनोह छंङी रंङ साते केतिंङ छंङी रमतो।”

यहून्नो 1:4

दुह भत्ते जीवनो आधार शुह दंङ दू, दुह ए शुह अच़ि मीहतिंङ छंङी रंड्री।

यहून्नो 1:7

दुह दिऊ थल्जी अंजा कि छंङीऊ गवाही रमतो, कि भत्ते दोऊ गवाही ओ दोरच़ी दुह छंङीऊ टोहकठे विशवास लोहर।

यहून्नो 12:46

गेह संसारारंङ छंङी शुहचे अंज़े शुगाह, कि अच़िला गिऊ टोहकठे विशवास लोहतो दुह हंयारा रिंङ माह बंङज़ोतो।

यहून्नो 14:6

यीशु ज़ि दोरंङ साते कुंई, “अम, सच्चाई दंङ अनंत जीवन गेह ए शुगाह; गेह मेह अरीला पिता परमेश्वरो कछंङ पिचे मरपोतो।

यहून्नो 15:1

सच्चे दाखो ब्रन्ज़ गेह शुगाह; दंङ गिऊ पिता परमेश्वर ज़िमदार शुह।

यहून्नो 6:32

यीशु ज़ि दोतंङ साते कुंई, “गेह केतंङ साते हेले कुट्रातग कि मूसा ज़ि दुह रोटी केतिंङ स्वर्गंङ च़ि माह रोंऊ, पर गिऊ पिता परमेश्वर केतिंङ सच्चे रोटी स्वर्गंङच़ि रंड्रा।

यहून्नो 7:12

दंङ मीहतु बिचंङ यीशु ऊ पाहठी गप्पा शुबी लेहती। अच़िया कुट्रातेर, “कि दुह रुठे मीह शुह” दंङ अतुआ कुट्री तोहई, “कि दुह भरमाएच़ा मीह शुह दंङ भत्ते तंङ साते धोखा लहज़ा।”

1 यूहन्ना 1:8

अगर ञेंहच़ी कुंई कि हेंदिंङ छिल्ला पाप माह लंई दंङ घेंङाबि धोखा रंड्रातंई, दंङ ञेंहच़ी कांह सच्चाई टोहकठे विशवास माह लहज़ा तंई अंऊ परमेश्वरे कुट्रा।

1 यूहन्ना 2:8

तांला अंऊ हुकुम गेह केतिंङ च़ेहच़ी लेहकी तोतोग दुह खरकोई हुकुम शुह, छना कुचे दिऊ सच्चाई मसीह रिंङ ए केतिंङ लाह तंङफोतो छना कुचे हंयार योह्सा यवात पर सच्चाई ऊ छंङी हेंतेग चमकेपी लेहकी तोह।

1 यूहन्ना 5:20

दंङ दिला ला ञेंच़ातंई कि परमेश्वरो योह यीशु मसीह संसारारंङ अति, दंङ दोई हेन्दिंङ समझ रांहषी ततो, कि हेनर दुह सच्चे परमेश्वर बि सेहपोन; हेनर परमेश्वर रिंङ अंऊ हेले तोह बणेंके बंङज़ातंई। दंङ दोऊ योह यीशु मसीहरंङ बणेंके बंङज़ा तोंई, दुह ए सच्चा परमेश्वर शुह, दंङ दुह अनंत जीवन शुह।