यहून्नो 1:51 - लाहौली बाइबिल

⁵¹ दंङ दोरंङ साते कुंई, गेह केतंङ साते हेले कुट्रातग कि केहच़ी स्वर्ग बि अल्सा ए परमेश्वरो स्वर्ग दूतातिंङ खेका इबि ए गेह मीहू योहू टोईच़ी तक्सी खमोंई।

यहून्नो 1:51 Iomraidhean Croise

मत्ती 25:31

अपेहल गेह मीहू योह यच़ाह अपोग, दंङ गेह घेंङौ महिमारंङ साते अपोग दंङ भत्ते स्वर्गदूतारे घेंङौ साते हपोग। दोहपल गेह भत्ते मीहतु न्याय लहच़िमी थल्जी घेंङौ महिमो सिहासनो टोईच़ी बंङज़ोग।

मत्ती 26:24

गेह मीहू योह सिए योग छना कुचे दि पवित्र शास्त्ररंङ च़ेहसी तोह। दंङ परमेश्वर दुह मीहबी भयानक सज़ा रमतो अच़ि गेह धोखारंङ साते च़ुमज़ि लोहतो। दुह मीह ऊ थल्जी रुठे तोहई कि दोऊ जन्म ए माह शुहचा आ।”

मत्ती 3:16

दंङ यीशु बपतिस्मा लेहपच़ा दोहथरे तिरिंङ ज़ि हुंज़ा धक्तेक्का अति, दंङ दोऊ थल्जी सर्ग अल्सा इलि, दंङ दोई परमेश्वरो आत्मा कबूतरो ठ्रोह तहकसी एनोह टोईच़ी अपि तंङतो।

मत्ती 4:11

दंङ शेतान यीशु कछंङ ज़ि अच्च़ा इलि, दंङ स्वर्गदूतारे अंज़े दोऊ सेवा टहल लहज़ी लेहतिरे।

मत्ती 8:20

यीशु ज़ि दोरंङ साते कुतोह, “गव्वा तु गुफा ए प्यारेतु बंङज़िमी थल्जी बंङ शुहबी पर गेह मीहू योह बि बंङज़िमी थल्जी घरबार ला माह।”

मत्ती 9:6

पर दिऊ थल्जी कि केहच़ी दिह ञेंए केहई कि गेह मीहू योह बि धरतीऊ टोईच़ी पाप माफ लहज़िमी ला अधिकार तोह।” दोई नम्क्योंन टेहची दंङ दोबि कुतोह, “गेह करंङ साते कुट्रातग, अहच़ु केनोह मंजी कुरच़े चुंखा अच़ा इला।”

मरकुसो 1:10

अंऊ मुका यीशु ती ज़ि हुंच़े तोरिंङ अति, दोहथल दोई सर्ग अल्सी दंङ पवित्र आत्मा कबूतरो ठ्रोह एनोह टोईच़ी अपि तंङतो।

मरकुसो 14:62

यीशुज़ि कुहतो, “गेह शुगाह; दंङ केहच़ी खमोंई कि गेह मीहू योह, सर्वशक्तिमान परमेश्वरो सुचंङ हासी बंङज़ा राज लोहग, दंङ सर्गंङज़ि डुह बिचंङ अपोग।”

लूको 2:13

दंङ अचानक दुह स्वर्गदूता रंङ साते स्वर्गदूतो मंडलीबि परमेश्वरो स्तुति लहज़ा ए दी कुट्री तंङरीरे,

लूको 2:9

दंङ प्रभुऊ इच्च़ा दूत दोतु कछंङ अंज़े खड़े शुई; दंङ प्रभुऊ महिमा ऊ छंङी दोतु पिला हासी चमकेपी, दंङ दोरे महसे बेवा इलिरे।

लूको 22:43

दंङ सर्गंङज़ि इच्च़ा दूत अति अच़ि दोबि सामर्थ रंड्राते।

लूको 22:69

“पर दिऊ थलबे गेह मीहू योह सर्वशक्तिमान परमेश्वरो सुचंङ हासी बंङज़ोतो।”

लूको 24:4

दंङ दोरे दिह गप्पा ज़ि ठट् शुहचे इलिर, दंङ खांई, झुह्ट गंङमीहरे छंङी खमज़े लहज़ा दोतु तुईज़ी अंज़े खड़े शुईरे।

लूको 3:21

अपेहल भत्ते मीहज़ी बपतिस्मा लेहप्ती, दंङ यीशु ला बपतिस्मा लेहपच़ा प्रार्थना लहज़ी लेहकी तोहई दुह मुका स्वर्ग अल्सा इलि,

यहून्नो 1:50

यीशु ज़ि दोबि जुबाब रेंई, “गेह करंङ साते छिला कुहतेग केना अंजीरो बुटो पोयंङ तंङरिगा, छि केई दिऊ थल्जी विशवास लहज़ातन? केई दिबे ला मोह्ड़े-मोह्ड़े कम खमोंन।”

यहून्नो 10:1

गेह केतंङ साते हेले कुट्रातग, कि अरीला पितंङ ज़ि त्रैंईतु पोंङा रिंङ माह य्वाह, पर ऊई अमज़ि अपत, दुह चोर ए डाकू शुह।

यहून्नो 10:7

दंङ यीशु ज़ि दोतंङ यच़ाह कुंई, “गेह केतंङ हेले कुट्रातग, कि त्रैंई ञेंए च़रपोतो कि पितंङ गेह शुगाह।

यहून्नो 13:16

गेह केतंङ साते हेले कुट्रातग, परगर एनोह मालिका बे मोह्ड़े माह शुहबी, दंङ अच़ि दुह च़रसी शुह, दोई एनाबि दोबि मोह्ड़े च़ेहसी माह जूंस।

यहून्नो 13:38

यीशु ज़ि जुबाब रेंई, “छि कांह गिऊ थल्जी सीओन आ? गेह करंङ साते हेले कुट्रातग कि कुकड़ो हाऊष बे तुई केई षुमु फेरा गिऊ इन्कार लोहन।”

यहून्नो 14:12

गेह केतंङ साते हेले कुट्रातग, कि अच़ि गिऊ टोहकठे विशवास तहच़ा, दिह कम अंऊ गेह लहज़ातग दोई ला लोहतो, पर दिहबे मोह्ड़े-मोह्ड़े कम लोहतो, छना कुचे धह गेह घेंङौ पिता परमेश्वरो कछंङ य्वातग।

यहून्नो 16:20

गेह केतंङ साते हेले कुट्रातग; कि केहरे गिऊ सिमी थल क्रपोंई दंङ दुख लोहनी, पर संसारो मीहरे खुशी मनाएपोर: केतिंङ दुख शोतो, पर अपेहल गेह सिमी दोरच़ी यच़ाह श्रींङे शुहचे वापिस अपोग, ता केहतु दुख, खुशी रिंङ शुहचे योतो।

यहून्नो 16:23

दुह मुका अपेहल गेह केतिंङ यच़ाह तंङपोग ता केहरे गेरंङ साते छले माह रुहक्पोंई; गेह केतंङ साते हेले कुट्रातग, अगर पिता परमेश्वरो दोरच़ी छा पेपोंई, ता दोई केतिंङ गिऊ चेलार शुहबिमी रंङ साते रमतो।

यहून्नो 21:18

गेह करंङ साते हेले कुट्रातग, अपेहल कांह जवान तोईन ता केनोह उम छ़ुचा अंऊर हिटी तोहई दोखा य्वातेन; पर अपेहल कांह यंङदे शॉन ता गुहड़ फेलाएपोन, दंङ ऊई मीहरे कांह उम छुचातोर दंङ कनिंङ दोर्तिंङ रेंज़ा शोहर, अंऊर केई इपि माह जुंज़ातन।”

यहून्नो 3:3

यीशु ज़ि दोबि जुबाब रेंई, गेह करंङ साते हेले कुट्र्तग, अगर अच़िया खरकोई जन्म माह लेप्ति ता दोई परमेश्वरो राज्यो अनुभव लेह मरपोतो।

यहून्नो 3:5

यीशु ज़ि जुबाब रेंई, गेह केतंङ साते हेले कुट्रातग, अपेहल तचेक अरीया मीह ती ए पवित्र आत्मा रंङ साते माह जेह्कपोतो ता दुह परमेश्वरो राज्य रिंङ इबि लेह मरपोतो।

यहून्नो 5:19

दिरंङ यीशु ज़ि दोतंङ साते कुंई, गेह केतंङ साते हेले कुट्रातग, गेह घेंङौ दोरच़ी छले लेह मरच़ि, सिर्फ दुह ए अंऊ पिता परमेश्वरा बि लेही खंड्रातग, छना कुचे अंऊ-अंऊ कम दोई लहज़ा दोतिंङ गेह ला ध्वांए लहज़ातोग।

यहून्नो 5:27

छना कुचे गेह मीहू योह शुगाह, पिता परमेश्वरे गिह्बी भत्ते मीहतु न्याय लहज़िमी अधिकार रांहषी ततो।

यहून्नो 6:26

यीशु ज़ि दोतिंङ जुबाब रेंई, “गेह केहतु हखा हेले कुट्रातग, केहरे गिह्बी दिऊ थल्जी माह पेट्रातोन कि केहच़ी हेरानी ऊ कम खंड्रातंई, पर दिऊ थल्जी कि केहरे रोटी ज़े कांहषी इल्दोन।

यहून्नो 6:32

यीशु ज़ि दोतंङ साते कुंई, “गेह केतंङ साते हेले कुट्रातग कि मूसा ज़ि दुह रोटी केतिंङ स्वर्गंङ च़ि माह रोंऊ, पर गिऊ पिता परमेश्वर केतिंङ सच्चे रोटी स्वर्गंङच़ि रंड्रा।

यहून्नो 6:47

गेह केतंङ साते हेले कुट्रातग अच़िला गिऊ टोहकठे विशवास लज़तोर, अनंत जीवन दोतु शुह।

यहून्नो 6:53

यीशु ज़ि दोतंङ साते कुंई, “गेह केतंङ साते हेले कुट्रातग अपेहल तचेक केहच़ी गेह मीहू योह ओ फुक माह ज़ोऊनी दंङ गिऊ शुहई माह तुंङमोन, केनाह तिंङ जीवन माह।

यहून्नो 8:34

यीशु ज़ि दोतिंङ जुबाब रेंई, “गेह केतंङ साते हेले कुट्रातग कि अच़िला पाप लाह दुह पापो गुलाम शुह।

यहून्नो 8:51

गेह केतंङ हेले कुट्रातग, कि अगर अच़िया मीहे गिऊ शिक्षा मनेकपोतो ता दुह अनंत काल तचेक माह सीओतो।”

यहून्नो 8:58

यीशु ज़ि दोतंङ साते कुंई, “गेह केतंङ साते हेले कुट्रातग कि गेह अब्राहमो जेहकपिमी बे तुहई शुगाह।”

प्रेरित 10:11

दंङ दोई खांई कि सर्ग अलसा इलज़ा; दंङ इच्च़ा मोह्ड़े चादरो ठ्रोह चीज़, पिला कुंणीऊ दोरच़ी टोमषी धरतीऊ हखा तक्सी लेह्की तोह।

प्रेरित 7:56

“खंणुई, गेह स्वर्गा बि अलसा, ए मीहू योह बि परमेश्वरो सुचंङ हासी खड़े खंड्री लेहकी तोतोग।”

2 थिस्सलुनीकियों 1:7

अंऊ दुख केहच़ी हेंतेग सहन लहज़ी लेहकी तोतोंई, केतिंङ ए अंऊ ञेंतिंङ तस्सली रमतो, दि दुह मुक्का शोतो अपेहल प्रभु एनोह सामर्थी दूतातंङ साते, महस मेहू बिचंङ स्वर्गो दोरच़ी अपतो।

2 थिस्सलुनीकियों 1:9

दंङ दोरे अनंत जीवन थल्जी प्रभु दोरच़ी शत्‌ह शुहचे योर दंङ दोऊ महिमारंङ शक्ति ऊ भागीदार माह शोर। दोई दोतिंङ अनंत विनाशो सज़ा रमतो।

1 तीमुथियुस 3:16

दंङ दिरिंङ छल्ले शक माह कि हेंदु विशवासरिंङ पक्‍का भेद तोह, मसीह इच्च़ा मीहू रूपारिंङ प्रगट शुई, दंङ पवित्र आत्माज़ि दुह परमेश्वरो योह साबित लहरी, दंङ स्वर्गदूता ज़ि दुह तंङातेर, दंङ परमेश्वरे दुह स्वर्गंङ रैंज़ा शिली। चेलाज़ि भत्ते ठाहरिरिंङ दोऊ प्रचार लहरिर। दंङ संसारो मीहच़ी दोऊ टोहकठे विशवास लहरिर।

इब्रानियों 1:14

दोथर स्वर्गदूतातु शुहबिमी छि मकसद तोह? दोरे सिर्फ परमेश्वरो सेवक शुरे, परमेश्वरे दोतिंङ दू मीहतु देखभालो थल्जी च़रच़ा अंऊ दोतिंङ उद्धार खोकसा।

यहूदा 1:14

हनोके ला अंऊ आदम बे निह्ज पीढ़ी रिंङ जेह्की तोहई, दि मीहतु पाहठी भविष्य वाणी लहसी तते, कि “खंई, प्रभु पक्‍का रूपा रिंङ एनोह महसे पवित्र स्वर्गदूता तंङ साते अपतो,

प्रकाशित वाक्य 19:11

दंङ गेह स्वर्गा बि अलसी तंङरिगा, दोर्तिंङ गिऊ तुईज़ी छंङसी रहंङ तोह; दंङ दोऊ टोईच़ी इच्च़ा सवार तोह, अंऊ परमेश्वरो विशवासो जोगे ए सच्चा सेवक शुह; दंङ धर्मिक हिसाबे दोई दोऊ बैरीतु फेंसला लहज़ा दंङ दोतु खिलाप लड़ाई लड़ेक्पा।

प्रकाशित वाक्य 4:1

दि भत्ते गप्पा खंड्रिमी थल, गेह स्वर्गो इच्च़ा पेतंङ अलसी तंङरिगा। दंङ अरिया गिऊ हखा गप्पा लहज़ी लेहकी तोहई दंङ कुट्रा दुह ए तोहई अतिंङ गेह तुहई ला रेड्रातेग, अतु सग तुरही सगो ठ्रोह तोहई। दंङ दोई गिऊ हखा कुई, “गिऊ कछंङ देर खेका अता: दंङ गेह कनिंङ दुह गप्पा कमोग, अतु दिह गप्पो थल पूरा शुहबी ज़रूरी तोह।”