यहून्नो 1:4 - लाहौली बाइबिल

⁴ दुह भत्ते जीवनो आधार शुह दंङ दू, दुह ए शुह अच़ि मीहतिंङ छंङी रंड्री।

यहून्नो 1:4 Iomraidhean Croise

मत्ती 4:16

परमेश्वराबि माहञेंहच़ा हंञरिंङ बंङज़ा ऊईजाति तिंङ इच्च़ा मोह्ड़े छंङी तंङफोतो। दिह छंङी दोतिंङ मुक्तिऊ अम कंबोतो अरी परमेश्वराबि माह ञेंच़ातोर दंङ हमेशाओ सिमी अमरिंङ तोतोर।”

लूको 2:32

कि दुह ऊईजाति तिंङ सच्चाई कंड्रिमी थल्जी परमेश्वरा बि प्रगट लहज़ा छंङी शुह, दंङ कनु एनोह प्रजा इस्राएलो थल्जी महिमा शोतो।”

यहून्नो 11:25

यीशु ज़ि दोबि कुंई, “गेह दुह शुगाह अच़ि सीए मीहतिंङ यच़ाह जीवन रंड्रातग। अच़िला गिऊ टोहकठे विशवास लहज़ा दुह अगर सीए ला योतो तांला श्रींङे बंङज़ोतो।

यहून्नो 12:35

यीशु ज़ि दोतु हखा कुंई, “कि छंङी केहतु बिचंङ थोड़े ध्याड़ो शुह, अपेहल तचेक केतंङ साते छंङी तोह जोआ लांही; झांह शुबी मेस कि हंयार केतिंङ कपची च़रपोतो; अरी हंयारा रिंङ जोज़ा दोई माह ञेंहच़ा कि अंऊखा इपि लेहकी तोतोग।

यहून्नो 12:46

गेह संसारारंङ छंङी शुहचे अंज़े शुगाह, कि अच़िला गिऊ टोहकठे विशवास लोहतो दुह हंयारा रिंङ माह बंङज़ोतो।

यहून्नो 14:6

यीशु ज़ि दोरंङ साते कुंई, “अम, सच्चाई दंङ अनंत जीवन गेह ए शुगाह; गेह मेह अरीला पिता परमेश्वरो कछंङ पिचे मरपोतो।

यहून्नो 3:19

छना कुचे ऊई दण्डो हुकुमो दी बजह शुह कि छंङी संसार रिंङ अंज़े तोह, दंङ मीहज़ी हंयारा बि छंङी बे महस रूठे चेहतिर छना कुचे दोतु कम मांजी तोहई।

यहून्नो 5:21

छना पिता परमेश्वर सीए मीहतिंङ षीङे ला, ध्वांए गेह ला अतिंङ जुंज़ातग दोतिंङ षीङमी लहज़ातग।

यहून्नो 5:26

छना कुचे अंऊ रीतिरंङ पिता परमेश्वरे ऐनाह जीवन तहच़ा, ध्वांए दोई गिह्बी ला दिह अधिकार रांहषी ततो कि गेह घेंङा ए जीवन तोईग;

यहून्नो 8:12

यहुदी मंदिरंङ एनोह शिक्षा यच़ाह शुरू लेह यीशु ज़ि मीहतु हखा कुंई, “गेह ए दिह संसारो छंङी शुगाह; अरीला गिऊ थले जोज़ा दुह अपेहला हंयारा रिंङ माह ज़ोतो, पर दुह छंङी बि खोक्पोतो अच़ि अनंत जीवन रंड्रा।”

यहून्नो 9:5

अपेहल तचेक गेह संसारारंङ तोतोग, दोहपल तचेक गेह संसारो छंङी शुगाह।”

प्रेरित 26:23

कि मसीह बि दुख उठाएच़ीमी शोतो, दंङ दू ए भत्ते बे तुहई सिए दोतु बिचंङज़ि श्रींङे शुहचे, यहुदी ए ऊईजाति तु बिचंङ दि घोषणा लहज़िमी थल्जी कि दोरे बचेके योर, अंऊ कि छंङी ओ ठ्रोह तोतोर।

1 कुरिन्थियों 15:45

पवित्रशास्त्रा रिंङ दि ला च़ेहसी तोह कि, “दि धरतीऊ मुण्डो मीह, मतलब आदम, श्रींङे प्राणी बणेंके इलि,” दंङ थल मुखो आदम, अंऊ कि मसीह शुह, दि दुह ए शुह अच़ि अनंत जीवन रंड्रा।

इफिसियों 5:14

झांह लेह इच्च़ा कहावत तोह, अंऊ दि कंड्रा, “हे इमरिंङ इलज़ा रे, अच़ुई! दंङ मुर्दा तु बिचंङ ज़ि श्रींङे ईला; दंङ मसीह एनोह छंङी कांह टोईच़ी चमकेक्पोतो।”

कुलुस्सियों 3:4

अपेहल मसीह अंऊ केतिंङ खरकोई जीवन रंड्रा, दि धरतीऊ टोहकठे वापिस अपतो, दंङ केरे लाह अपोंई दंङ दोऊ महिमारिंङ सहभागी शोंई।

1 यूहन्ना 1:1

ञेंहरे इच्च़ा मीहू पाहठी केतिंङ च़ेहसी लेहकी तोतोंई, अंऊ जीवनो बचन शुह। दुह दिह संसारो शुरूआत बेहच़ी तोहई। अतिंङ ञेंहच़ी थाक्शी तातंई, दंङ अतिंङ ञेंहच़ी हेंदु टिरे तंङातंई पर ध्यानारंङ तंङातेंई दंङ हेंदु गुह्ट्रे दुह थोक्तेंई।

1 यूहन्ना 1:2

दि मीह अच़ि जीवन रंड्रा दुह दिह धरतीरिंङ अति, दंङ ञेंहच़ी दुह खंई, दंङ दोऊ गवाही रंड्रातंई, दंङ केतिंङ कंड्रातंई कि दि दुह ए शुह अंऊ अनंत जीवन शुह। दुह बाह परमेश्वरा रंङ साते तोहई, दंङ अपि परमेश्वरे हेंदिंङ कंङातो।

1 यूहन्ना 5:11

दंङ दुह गवाही दि तोह, कि परमेश्वरे हेन्दिंङ अनंत जीवन रांहषी ततो दंङ दि परमेश्वरो योह दोरच़ी ए तोह कि हेन्दिंङ अनंत जीवन खोकसिरी।

प्रकाशित वाक्य 22:1

दोहथर स्वर्गदूते गिह्बी इच्च़ा बेंडी कंड्रिरी अंऊ दोरिंङ जीवनो ती तोहई। ती साफ अरशीहू ठ्रोह चमकेक्पाते। दि बेंडी परमेश्वर ए कुरच़ो सिंहासनो दोरच़ी हुंच़ाते।

प्रकाशित वाक्य 22:16

“गेह यीशु ज़ि घेंङौ स्वर्गदूता बि केहतु कछंङ कलीसिया तु पाहठी दि गप्पा तिंङ प्रगट लहज़िमी थल्जी चरच़ातग। गेह रज्ज़ा दाऊद ओ खानदानो शुगाह; गेह ए शुगाह, अंऊ दुह कर तु ठ्रोह तोतोग अंऊ एके हुंच़िमी मुक्का चमकेपी।”