यहून्नो 1:16 - लाहौली बाइबिल

¹⁶ छना कुचे दोऊ मोह्ड़े दाह ओ परिपूर्णतारंङ साते हेंज़ी भत्ते धिर खोकषातंई मतलब आशीषो टोईच़ी आशीष।

यहून्नो 1:16 Iomraidhean Croise

मत्ती 13:12

छना कुचे अतु कछंङ समझ तोह, दोबि ऊई ला महस खोकसोतो, दंङ अतु दोहर छले माह, दोऊ दुह थोड़े समझ ला योह्सा योतो, अंऊ दोऊ कछंङ तोहई।

मत्ती 3:11

गेह केतिंङ ती ज़ि बपतिस्मा रंड्रातग अच़ि एनोह पापो दोरच़ी सेहम यहच़ातोर दंङ परमेश्वरो कछंङ अपातोर। गिऊ थल दुह अंजा शुह, अंऊ गिह्बी ला महस शक्तिशाली तोह, गेह दोऊ बूठ कुर्चिमी जोगे ला माह तोग। दंङ दुह केतिंङ पवित्र आत्मा रंङ बपतिस्मा रमतो।

मत्ती 3:14

पर यूहन्ना दि कुचे दोबि रोकेकचि लेहकी तोहई, “गिह्बी ताह कांह दोरच़ी बपतिस्मा लेहपच़ी जूंशी तोह, पर काह गिऊ कछंङ बपतिस्मा लेहपच़ी अंज़े तोतोन।”

लूको 21:15

छना कुचे गेह केतिंङ झांह ठ्रोह गप्पा ए समझ रमोर कि केहतु भत्ते बैरीर केहतु सामना लेह मरपोर।

यहून्नो 3:34

छना कुचे अतिंङ परमेश्वरे च़रति, दोई परमेश्वरो गप्पा लहज़ी: छना कुचे दिह ए दुह ए शुह अतिंङ परमेश्वरे पवित्र आत्मा भरपूरी रंङ साते रांहषी ततो।

रोमियो 5:17

छना कुचे अपेहल इच्च़ा मीहू अपराधो वहज़ा ज़ि भत्ते मीहतु टोहकठे मौत अच़ा अति, दंङ अंऊ मीहरे मोह्ड़े दाह ए धर्मिकता ओ वरदान महसे खोकपोर, दू इच्च़ा मीहू दोरच़ी, मतलब यीशु मसीह रंङ साते हेले ए अनंत जीवन खोकपोर दंङ यीशु मसीह रंङ साते राज लोहर छना कुचे दोच़ी दोऊ टोहकठे विशवास लहज़ातोर।

रोमियो 5:2

हेंदु विशवासो दोरच़ी, मसीह ज़ि हेंदिंङ दि मोह्ड़े दाह तचेक रैंज़ा हति अंऊर हेनर हेंतेग पिचे तोतोंई, ञेंरे दि गप्पारिंङ खुश शवातंई कि हेंदिंङ परमेश्वरो महिमा रि सहभागी शुहबिमी उम्मीद तोह।

रोमियो 5:20

थले मुसाओ कानून दिऊ थल्जी रेंईर ताकि भत्ते मीहरे खंड्री तरपोर कि दोरे अंयों पापी तोईरे। दंङ अपेहल मीहच़ी महसे बे महसे पाप लहज़ी लेहतिर, दंङ परमेश्वरे अंऊ मोह्ड़े दाह कंङाते दुह ला महसे बे महसे बणेंके इलि,

रोमियो 8:9

पर अपेहल पवित्र आत्मा केहतु अंदरेग वास लहज़ा, दंङ केरे पापमय स्वाभावो वशारिंङ माह तोहनि, पर आत्माओ वशारिंङ तोतोंई अगर अतिंङ पवित्र आत्मा माह दंङ दू मसीहू मीह माह शुह।

इफिसियों 1:23

कलीसिया मसीहू फुक शुह, मसीह हेंदु बिचंङ एनोह भत्ते सामर्थ इस्तेमाल ध्वांए लहज़ा छना दोई एनोह सामर्थो इस्तेमाल भत्ते ब्रहाम्डारिंङ लहज़ा।

इफिसियों 3:19

गेह प्रार्थना लहज़ातग कि, केरे मसीहू दि दाह ञेंए तरपोंई, अंऊ मीहु समझ बे धकते तोह, ताकि केहतु स्वाभाव परमेश्वरो स्वाभावो ठ्रोह शुहचे योतो।

कुलुस्सियों 1:19

छना कुचे बाह परमेश्वरो खुशी दिरिंङ ए तोह कि परमेश्वरो भत्ते स्वभाव मसीह रिंङ बंङज़ु।

कुलुस्सियों 2:3

छना कुचे दुह, दुह ए शुह अच़ि परमेश्वरो बुद्धि ए ज्ञानो पहचान लहज़ा अंऊ दुह, दुह ब्याके खज़ानो ठ्रोह तोह अंऊ ब्याके तोहई।

1 पतरस 1:11

मसीहू आत्मा भविष्यवक्ता तु अंदरेग तोह, अंऊ मसीहू दुख ए दू दुख थल खोकच़ा मोह्ड़े दाह ओ पाहठी दोतिंङ तुहई ए कंड्राते। भविष्यवक्ता ज़ि तुहई ए दि ञेंच़िमी कोशिश लहरिर, कि आत्मा दोतिंङ छि कंड्रा, दि भत्ते गप्पा अपेहल शोतो दंङ दि छना पूरे शोतो।

1 पतरस 1:2

बाह परमेश्वरे महसे तुहई केतिंङ एनोह मीहरे शुहबी थल्जी ए पवित्र आत्मा कमो दोरच़ी केतिंङ पवित्र शुहबिमी थल्जी अंङे चरच़तो। दोई दि दिऊ थल्जी लहरी ताकि केरे यीशु मसीहू हुकुमो भाषे लोहनि दंङ दोऊ शुहई दोरच़ी शुद्ध शुहचे तरपोंई। गेह प्रार्थना लहज़ातग कि परमेश्वर केतिंङ मोह्ड़े दाह ए भरपूर शांति रमतो।