यहून्नो 1:12 - लाहौली बाइबिल

¹² पर अच़िला दुह अपनाएक्तोर, दोई दोतिंङ परमेश्वरो कटुरे शुहबिमी अधिकार रेंई, या दोरे अच़ि दोऊ टोहकठे विशवास लहज़ातोर।

यहून्नो 1:12 Iomraidhean Croise

मत्ती 10:40

अच़ि केरे ग्रहण लाह दोई गेह ग्रहण दंङ अच़िला गेह ग्रहण दोई परमेश्वरा बि अपनाच़ा।

मत्ती 12:21

दंङ ऊई जातिरे दोऊ टोईच़ी उम्मीद तोहर।”

मत्ती 18:5

अगर अच़िया गिऊ चेला शुहबिमी बज़ाहज़ि अरीया कटु अपनाच़ा, दंङ दोई गेह अपनाच़ा।

यहून्नो 1:11

दुह एनोह मीहतु चुंङ अति दंङ दोऊ ऐनोह ए मीहज़ी दुह ठुकराके च़रतिर।

यहून्नो 1:7

दुह दिऊ थल्जी अंजा कि छंङीऊ गवाही रमतो, कि भत्ते दोऊ गवाही ओ दोरच़ी दुह छंङीऊ टोहकठे विशवास लोहर।

यहून्नो 11:52

पर सिर्फ दोतु ए थल्जी मशत। दुह परमेश्वरो ऊई कटुतु थल्जी ला सीओतो अरी दिह संसार रिंङ देखा नोखा शुहचे इल्जी तोतोर, कि दोतिंङ ठ्रोहका लोहतो।

यहून्नो 2:23

अपेहल यीशु यरूशलेम शहरंङ फसहो त्याहरो मुक्का तोहई, दंङ दोऊ दोरच़ी लहसी महस चिन्ह चमत्कार खंड्राते महसे मीहज़ी दोऊ टोहकठे विशवास लहरिर।

यहून्नो 20:31

पर दीह दिऊ थल्जी च़ेहसी तोह कि केहच़ी विशवास लांही, कि यीशु ए परमेश्वरो योह मसीह शुह: दंङ दोऊ टोहकठे विशवास लेह दोऊ मिंदंङ अनंत जीवन खोक्पोंई।

यहून्नो 3:18

अच़ि परमेश्वरो योहू टोहकठे विशवास लहज़ा, दोऊ टोईच़ी दण्डो आज्ञा माह शुहबी, पर अंऊ दोऊ टोहकठे विशवास माह लहज़ा, दुह दोषी शुहचे इलजी तोह; दिऊ थल्जी कि दोई परमेश्वरो इच्च़ा योहू मिन्दु टोईच़ी विशवास माह लहरिर।

प्रेरित 3:16

मसीहू मिंदंङ बिशवास लहज़िमी दोरच़ी दिह मीह बि अतिंङ केहच़ी खंड्रातंई ए ञेंहच़ातंई ताकत रांहषी ततो। दिह मीह यीशु ऊ मिंदंङ ए यीशु ऊ टोहकठे बिशवास लहज़िमी रंङ साते बिल्कुल अईन शुहचे इलि।

रोमियो 8:14

झांह लेह कि अंयों मीहरे परमेश्वरो आत्मारिंङ जोज़ातोर, दोरे ए परमेश्वरो कटु शुरे।

रोमियो 8:16

पवित्र आत्मा एनेह ए केहतु आत्मा रंङ साते गवाही रंड्रा, कि हेनर परमेश्वरो कटुरे शुई।

रोमियो 8:19

छना कुचे भत्ते संसार मोह्ड़े उम्मीदा रंङ साते दू टेमाबि रूमज़ा तोह, अपेहल परमेश्वरे एनोह कटुरे प्रगट लोहतो।

गलातियों 3:26

अपेहल केहच़ी मसीहू मिंदिंङ बपतिस्मा लेहपच़ातेंई, दंङ केहच़ी मसीहू खरकोई जीवन लेहकी चरच़ातंई। झांह लेह, अपेहल केहच़ी यीशु मसीहू टोईच़ी विशवास लाहतंई, दोहपल केरे भत्तेर परमेश्वरो कटुरे बणेंके इलोंई।

गलातियों 4:6

छना कुचे हेनर परमेश्वरो कटुरे शुई दिऊ थल्जी परमेश्वरे एनोह योह ऊ आत्माबि हेंदु सेहमरिंङ च़रति, अंऊ परमेश्वरा बि “हे अब्बा, ‘हे बाह’ कुचे ते हाऊष रंड्रातंई।”

कुलुस्सियों 2:6

दंङ छना केहच़ी मसीह यीशु बि प्रभु लहच़ी ग्रहण लेह केहरिन, ध्वांए लगातार दोऊ थलेच़ि ज़ोजा लंहि,

2 पतरस 1:4

दि भत्ते धिरो दोरच़ी परमेश्वरे हेंदिंङ महसे महान ए अनमोल वरदान रांहषी ततो अतु दोई वाईदा लहसी तते। ताकि दि वरदाना तु इस्तेमाल लहज़ी हेनर संसारो दुह मदम हिटी ओ दोरच़ी बचेके तरपोंई अंऊ मीहतिंङ नाश लहज़ा, दंङ परमेश्वरो व्यवहार सहभागी शुहचे योंई।

1 यूहन्ना 3:1

विचार ता लंहि, कि बाह परमेश्वरे हेन्दंङ साते अंयों दाह लहसी ततो, कि हेनर परमेश्वरो कटुरे शोंई दंङ हेनर दोऊ ए कटुरे शुंई, पर रेह मीहरे दि संसारो शुहरे दोरे दिह माह ञेंच़ातोर कि हेनर परमेश्वरो कटुरे शुंई, छना कुचे दोच़ी बाह परमेश्वर बि माह ञेंच़ातोर।

1 यूहन्ना 3:10

झांह लेह दिरंङ परमेश्वरो कटुरे ए शेतानो कटुरे ञेंच़ातेंई अंऊ मीहरे धर्मो कम लहज़ातोर, दोरे परमेश्वरो दोरच़ी शुरे, दंङ दोरे लाह अंऊ एनोह न्वा रंङ साते दाह तहच़ातोर।

1 यूहन्ना 3:2

हे गिऊ प्यारे साथी विशवासी रे, हेंतेग हेनर परमेश्वरो कटुरे शुहचे तोनि, दंङ हेंतेग तचेक दिह प्रगट शुहचे माह कि हेनर छना शोंई! ञेंहच़ी दिह ञेंच़ातंई कि अपेहल यीशु मसीह प्रगट शोतो ता हेनर लाह दोऊ ठ्रोह शुहचे योंई, छना कुचे हेंज़ी दुह ध्वांए ए खमोंई छना दुह तोह।

1 यूहन्ना 3:23

दंङ दोऊ हुकुम दि तोह कि हेनर दोऊ योह यीशु मसीहू मिंदंङ विशवास लोंई, दंङ छना दोई हेन्दिंङ हुकुम रांहषी ततो दोऊ ए हिसाबे हेंदु बिचंङ दाह लोहनि।