यहून्नो 1:10 - लाहौली बाइबिल

¹⁰ दुह संसारारंङ तोहई, दंङ संसार दोऊ दोरच़ी बणाएषी तोहई, दंङ संसारो मीहज़ी दुह सेहच़ी मरतिरे।

यहून्नो 1:10 Iomraidhean Croise

मत्ती 11:27

गिऊ बाहे गिह्बी भत्तेधिर रांहषी ततो, बाह ए तोह अंऊ दोई योह बि सेहचा, सिर्फ इच्च़ाए योह तोह अंऊ दोई हेले बाहबि सेहचा, दंङ अंऊ मीहतिंङ गेह योह, अंङषातोग दोरे मीहरे बाहबि सेहपोर।

यहून्नो 1:11

दुह एनोह मीहतु चुंङ अति दंङ दोऊ ऐनोह ए मीहज़ी दुह ठुकराके च़रतिर।

यहून्नो 1:18

परमेश्वरा बि अच़िला अपेहला तंङशी माह शुह। सिर्फ परमेश्वरो इच्च़ा योह अंऊ सच्चा परमेश्वर शुह दंङ अरी बाहो कछंङ तोह, अच़ि ञेंतिंङ कंङातो कि परमेश्वर छना ठ्रोह तोह।

यहून्नो 1:3

परमेश्वरे दोऊ दोरच़ी भत्ते धिर बणाएठ्री शुह, दंङ छिला धिर दुह मेह बणाएषी माह शुह।

यहून्नो 1:5

दंङ छंङी हंञारारंङ चमकेक्फी; हंयारे दोबि सच़ी मरति।

यहून्नो 17:25

हे धर्मिक पिता परमेश्वर, संसारो मीहज़ी गेह माह ञेंहरे, पर गेह कांह ञेंहच़ातग दंङ दिह चेलाज़ि ला ञेंह केहतोर कि केईंए गेह च़रसी शुगाह।

यहून्नो 5:17

दिरंङ यीशु ज़ि दोतंङ कुंई, गिऊ बाह हमेशा कम लहज़ा दिऊ थल्जी गिह्बी ला कम लंहि जूंस,

प्रेरित 14:17

तांला दोई एनोह रूठे कमो दोरच़ी एनोह पाहठी गवाही रंड्रा लहरी: दुह केहतु थल्जी सर्गंङ च़ि संदा दंङ मौसमो हिसाबे फसल रंड्रा; केहतु थल्जी बगत रंड्रा दंङ केहतु सेहम खुश लहज़ा।”

1 कुरिन्थियों 1:21

परमेश्वरे एनोह ज्ञाना रिंङ दि खंई कि दि संसार मीहतु ज्ञानो दोरच़ी दोबि अपेहल ला ञेंई मरपोतो, झांह लेह दोई दू मीहतिंङ बचाच़िमी थल्जी अंऊ विशवास लहज़ातोर दि रूठे खबरो प्रचारो इस्तेमाल लहरिर, हालांकि रे मीहरे दिबी मुर्खता चेहच़ातोर।

1 कुरिन्थियों 2:8

अतिंङ दि संसारो अधिकारी तु बिचंङ अच़िला परमेश्वरो योजना माह ञेंरिर, छना कुचे अगर दोच़ी ञेंईयां, ता तेजोमय प्रभु बि क्रूसो टोईच़ी माह चढ़ाएतिंया।

कुलुस्सियों 1:16

छना कुचे मसीहरिंङ ए भत्ते चीज़ो सृष्टि शुई, स्वर्ग शुह या धरतीऊ, तंङषे या माह तंङषे, छि रज्ज़ा, छि प्रधानताऐ, छि अधिकार भत्ते चीज़ा रे दोऊ सेवा ओ थल्जी बणेषी शुह।

इब्रानियों 11:3

विशवासो दोरच़ी ए ञेंहच़ी ञेंच़ातंई, कि भत्ते संसारो रचना परमेश्वरो बचनो दोरच़ी शुहचे शुह। झांह लेह हेंज़ी छिल्ला खंड्रातंई दू चीज़ो दोरच़ी बणेषी शुह अतिंङ खंड्री मरपोंई।

1 यूहन्ना 3:1

विचार ता लंहि, कि बाह परमेश्वरे हेन्दंङ साते अंयों दाह लहसी ततो, कि हेनर परमेश्वरो कटुरे शोंई दंङ हेनर दोऊ ए कटुरे शुंई, पर रेह मीहरे दि संसारो शुहरे दोरे दिह माह ञेंच़ातोर कि हेनर परमेश्वरो कटुरे शुंई, छना कुचे दोच़ी बाह परमेश्वर बि माह ञेंच़ातोर।