यहून्नो 1:1 - लाहौली बाइबिल

¹ दिह भत्ते संसारो शुरुवात बेहच़ी तुहई दुह तोहई अतिंङ बचन कुट्री, दंङ दुह परमेश्वरारंङ साते तोहई दंङ दुह परमेश्वर तोहई।

यहून्नो 1:1 Iomraidhean Croise

मत्ती 1:23

“खंणुई, इच्च़ा ब्याह माह लहसी खोकटुंङ शोतो दंङ इच्च़ा गंङकटु जेह्पोतो, दंङ दोऊ मिन ‘इम्मानुएल’ शोतो अतु मतलब शुह, परमेश्वर हेन्दंङ साते तोह।”

लूको 24:53

दंङ दोरे लगातार यहुदी मंदिरंङ ठ्रोहका शुहचे परमेश्वरो स्तुति लोहवा लाहतेर।

यहून्नो 1:14

दंङ बचन इच्च़ा मीहू रुपंङ अति; दंङ मोह्ड़े दाह ए सच्चाईरङ परिपूर्ण शुहचे हेंदु बिचंङ डेरा लहरी, दंङ हेंज़ी दोऊ धिंङघा महिमा खंणी छना पिता (परमेश्वरो) इच्च़ा योह।

यहून्नो 1:18

परमेश्वरा बि अच़िला अपेहला तंङशी माह शुह। सिर्फ परमेश्वरो इच्च़ा योह अंऊ सच्चा परमेश्वर शुह दंङ अरी बाहो कछंङ तोह, अच़ि ञेंतिंङ कंङातो कि परमेश्वर छना ठ्रोह तोह।

यहून्नो 1:2

दुह शुरुवात बेहच़ी परमेश्वर रंङ साते तोहई।

यहून्नो 16:28

गेह पिता परमेश्वरो दोरच़ी संसारा रिंङ अंज़े शुगाह, यच़ाह संसार केट्रा पिता परमेश्वरो कछंङ वापिस अच़ा योग।”

यहून्नो 17:5

दंङ हेंतेग, हे पिता परमेश्वर, केई केनोह तुईज़ी गिऊ महिमा लोहू, दुए महिमा अंऊ करंङ साते बंङज़ा दोहपल संसारो शुरुवात बे तुई गिऊ कछंङ तोहई।”

यहून्नो 20:28

दीह रेड्रा थोमा ज़ि जुबाब रेंई, “हे गिऊ प्रभु, हे गिऊ परमेश्वर!”

यहून्नो 8:58

यीशु ज़ि दोतंङ साते कुंई, “गेह केतंङ साते हेले कुट्रातग कि गेह अब्राहमो जेहकपिमी बे तुहई शुगाह।”

रोमियो 9:5

अब्राहम, इसहाक ए याकूब दोतु पूर्वज शुरे, दंङ फुको हिसाबे मसीह दोतु ए खानदानो तोह। परमेश्वर, अंऊ भत्ते तु टोहकठे राज लहज़ा, दोऊ हमेशा ओ थल्जी षटणा शुहबी जूंस। आमीन।

इफिसियों 3:9

दंङ गिह्बी दि ब्याके योजना बि भत्ते तिंङ समझाच़िमी थल्जी ला अंङषी तोहई। परमेश्वर अंऊ भत्ते संसारो रचायिता शुह, दोई तुहई शुरूआत बेहच़ी ए दि योजना गुप्त तहसी तते,

फिलिपियों 2:6

हालांकि मसीह हेले रि परमेश्वर तोहई, तांला दोई परमेश्वरो बराबरी लहज़िमी जोर माह रांई।

कुलुस्सियों 1:15

अच़िला परमेश्वर बि खंड्री मरपोतो, पर अपेहल दोऊ योह इच्च़ा मीह बणेक्ति, दंङ दोई परमेश्वरा बि मीहतु तुहई ज़ि प्रगट लेह च़रति, अंऊ ला चीज़ा बणेक्पिमी तुहई दुह मौजूद तोहई दंङ भत्ते धरतीऊ टोहकठे भत्ते बे मोह्ड़े दोऊ अधिकार तोह।

कुलुस्सियों 1:17

छि लाह बणेक्च़िमी बे तुहई, मसीह तुहई बे मौजूद तोहई, दंङ धरतीऊ भत्ते चीज़ारे दोऊ ए मर्ज़ी रें बंङज़ातोर।

1 तीमुथियुस 3:16

दंङ दिरिंङ छल्ले शक माह कि हेंदु विशवासरिंङ पक्‍का भेद तोह, मसीह इच्च़ा मीहू रूपारिंङ प्रगट शुई, दंङ पवित्र आत्माज़ि दुह परमेश्वरो योह साबित लहरी, दंङ स्वर्गदूता ज़ि दुह तंङातेर, दंङ परमेश्वरे दुह स्वर्गंङ रैंज़ा शिली। चेलाज़ि भत्ते ठाहरिरिंङ दोऊ प्रचार लहरिर। दंङ संसारो मीहच़ी दोऊ टोहकठे विशवास लहरिर।

तीतुस 2:13

हेनर झांह ठ्रोह व्यवहार लोंहि कि अपेहल हेनर उम्मीदा रंङ साते दुह अद्धभुत ध्याड़ा बि रुमज़ा तोंई, अपेहल यीशु मसीह अंऊ हेंदु मोह्ड़े परमेश्वर ए उद्धारकर्ता शुह, एनोह भत्ते महिमा रंङ साते धरती ऊ टोहकठे प्रगट शोतो।

इब्रानियों 13:8

यीशु मसीह मुतंङ ए तोग ए युगानयुग इच्च़ा ठ्रोह तोह, दू अपेहल ला माह लेहक्सतो।

इब्रानियों 7:3

अतु माह बाह, माह याह, माह छा खानदान तोह, अतु माह ध्याड़ो शुरूआत तोह, दंङ माह ए जीवनो अंत तोह; पर परमेश्वरो योह ठ्रोह दू हमेशा ओ थल्जी यहुदी पुरोहित तोह।

2 पतरस 1:1

गेह, शमौन पतरस, अंऊ यीशु मसीहऊ दास ए प्रेरित शुगाह, केतिंङ चेहच़ातग। गेह केहतु भत्ते तु थल्जी चेहच़ातग। अंऊ दुह बहुमूल्य विशवास बि ठ्रोहका लहज़ातंई अंऊ हेंदु परमेश्वर ए उद्धार लहज़ा यीशु मसीहू दोरच़ी हेंदिंङ रांहषी तोह, अंऊ हेंदिंङ परमेश्वरा रंङ साते धर्मी ठहराच़ा।

1 यूहन्ना 5:20

दंङ दिला ला ञेंच़ातंई कि परमेश्वरो योह यीशु मसीह संसारारंङ अति, दंङ दोई हेन्दिंङ समझ रांहषी ततो, कि हेनर दुह सच्चे परमेश्वर बि सेहपोन; हेनर परमेश्वर रिंङ अंऊ हेले तोह बणेंके बंङज़ातंई। दंङ दोऊ योह यीशु मसीहरंङ बणेंके बंङज़ा तोंई, दुह ए सच्चा परमेश्वर शुह, दंङ दुह अनंत जीवन शुह।

1 यूहन्ना 5:7

गवाही रंड्रा दोरे षुम तोतोर।

प्रकाशित वाक्य 1:11

कि “छिल्ला केई खंड्रातन, दोबि कताबारिंङ च़ेहसी ते निह्ज़ी कलीसिया बि चरच़ि च़रतु, अंऊ दि शहरारिंङ तोह, इफिसुस, स्मुरना, पिरगमुन, थुआतीरा, सरदीस, फिलेदिलफिया ए लौदीकिया।”

प्रकाशित वाक्य 1:17

अपेहल गेह दोबि खंड्रातग ता दंङ गेह दोऊ कोंज़ो टोईच़ी दह्चे इलिगा। गेह इच्च़ा सिए मीहू ठ्रोह शुहचे इलिगा। दंङ दोई गिऊ टोईच़ी एनोह सुचंङ गुह्ट्र केहच़ी कुहतो, “बेऊ था; गेह मुण्डो ए थल मुखङ तचेक शुगाह, दंङ गेह दुह शुगाह अंऊ जहानो जुंशी शुगाह।”

प्रकाशित वाक्य 1:2

झांह लेह, गेह दुह भत्ते धिर चेआतग अंऊ गेह तंङातग। गेह दि लेख रिंङ परमेश्वरो वचन ए सच्चाई ओ शिक्षा चेआतग अतु जानकारी गिह्बी यीशु मसीह रांहषी ततो।

प्रकाशित वाक्य 1:8

प्रभु परमेश्वरे कुट्रा, “गेह अल्फा ए ओमेगा शुगाह, मतलब, शुरूआत ए अंत शुगाह। गेह ए शुगाह अंऊ तोतोग, अंऊ तोईगा, दंङ अंऊ एंतेग अपिमी तोह दंङ सर्वशक्तिमान तोह।”

प्रकाशित वाक्य 19:13

दुह शुहई रिंङ ठुह्मशी खमज़ेर लहज़ा, दंङ दोऊ मिन “परमेश्वरो बचन” तोह।

प्रकाशित वाक्य 2:8

स्मुरना शहरो विशवासी तु मंडली ओ स्वर्ग दूताबि दि चेऊ: “बेऊ था; गेह मुण्डो ए थल मुखंङ तचेक शुगाह, दंङ गेह दुह शुगाह अंऊ जहानो जुंशी शुगाह।” गेह इच्च़ा फेरा सिए इलजी तोईगा पर एंतेग गेह श्रींङे तोतोग दंङ हमेशा श्रींङे बंङज़ोग, अंऊ गेह कुट्रातग दुह रेड्रुंई।

प्रकाशित वाक्य 21:6

दंङ दोई गिऊ हखा कुई, “दि भत्ते गप्पा पूरे शुहचे इलज़ा। गेह अल्फा ए ओमेगा, आदि ए अनंत शुगाह। अरिला तिस्करे तोह, गेह दोबि दुह तिऊ सोता ओ दोरच़ी मुफ्ता रिंङ तुंङमिमी थल्जी रमोग अंऊ दोई अनंत जीवन रंड्रा।”

प्रकाशित वाक्य 22:13

“गेह अल्फा ए ओमेगा, पहला ए अन्तिम, शुरूआत ए अनंत शुगाह।”

प्रकाशित वाक्य 3:14

लौदीकिया शहरो कलीसिया ओ स्वर्गदूता बि दि चेऊ: “कि दि खबर दोऊ तरफे तोह अंऊ अमीन तोह। दुह विशवासो जोगे ए परमेश्वरो पाहठी सच्चाई बि प्रगट लहज़ा, दंङ गेह दुह तोतोग अतु दोरच़ी परमेश्वरे भत्ते चीज़ा तु रचना लहरी।”