याकूब 5:9 - लाहौली बाइबिल

⁹ हे गिऊ प्यारे विशवासी साथी रे, इदि-अई दिऊ टोहकठे केनातु परेशानी रें दोष था लगाएतुंई, ताकि केरे दोषी माह शोंई; खंई न्याय लहज़ा दुह अपिमी थल्जी तेयार तोह।

याकूब 5:9 Iomraidhean Croise

मत्ती 24:33

झांह अपेहल केहच़ी भत्ते गप्पा रेह शुहबी खमोंई दंङ ञेंहनी च़रतेनि कि गेह मीहू योह अबिमी तोह देर तचेक कि अच़ा ए अंजा।

मरकुसो 13:29

झांह अपेहल केहच़ी दी गप्पा रेह शुहबी खमोंई दंङ ञेंहनी च़रतेनि कि गेह मीहू योह अबिमी तोह देर तचेक कि अच़ा ए अंजा।

मरकुसो 6:19

झांह लेह हेरोदियास यूहन्ना रंङ साते नफरत लहज़ाते दंङ दोबि सच़िमी तते पर दोई झांह लेह माहरति,

1 कुरिन्थियों 10:11

पर दि भत्ते गप्पारे, अंऊ दोतु टोईच़ी शुई, इच्च़ा चेतावनीऊ ठ्रोह तोहई; दंङ दू हेंदिंङ चेतावनी रंड्रीमी थल्जी च़ेहसी तोह, अंऊ दि संसारो अन्तो मुक्कारिंङ बंङज़ा तोतोर।

1 कुरिन्थियों 4:5

झांह लेह अपेहल तचेक प्रभु दोबारा वापिस माह अपा दू मुक्का तचेक अतुला न्याय थालंही। छना कुचे प्रभु साफ तरीका रंङ साते दू भत्ते विचार कम्बोतो, अंऊ मीहतु अंदरेग तोह, अतु पाहठी ऊई अच़िला माह ञेंओर। दू दोतु इरादा बि प्रगट लोहतो अंऊ दोतु सेहमरिंङ तोह, दोहपल परमेश्वरे दोतु षटणा शोतो।

2 कुरिन्थियों 9:7

हर इच्च़ा मीह छना सेहम रिंङ सोचेक्पोतो ध्वांए ए दान लोह; माह कुढकुढ लहच़ी, दंङ माह ए दबाबा रंङ साते, छना कुचे परमेश्वरे खुशी रंङ साते रंड्रा दोतंङ साते दाह लहज़ा।

गलातियों 5:14

छना कुचे भत्ते मूसा ओ कानूनो निचोड़ सिर्फ इच्च़ा गप्पारिंङ ब्याके तोह: “कि काह केनोह पड़ोसीरंङ साते केनोह ठ्रोह दाह लोह।”

गलातियों 5:26

हेंदिंङ घमण्ड लेह माह जूंस, दंङ माह ए हेंदिंङ इदि-अई दिरंङ साते जलन लहज़ी जूंशी तोह।

याकूब 4:11

हे गिऊ प्यारे साथी विशवासी रे, इदि-अईदिऊ बदनामी थालंही, अंऊ एनोह न्वाऊ बदनामी लहज़ा, या न्वाऊ टोहकठे दोष लगाईचा; अपेहल केहच़ी नियम ए कानूनो टोहकठे दोष लगाएच़ातंई, दंङ काह नियम ए कानूनो माह मनेक्च़ा शुनाह, पर केनाह कानूनो न्याय लहज़ा बणेंके यवातन।

याकूब 4:12

नियम ए कानून रंड्रा दंङ न्याय लहज़ा ता इच्च़ा ए शुह दंङ दुह परमेश्वर शुह, अतु कछंङ बचाएच़िमी ए नाश लहज़िमी सामर्थ तोह; पर काह अरि शुनाह, अंऊ एनोह पड़ोसी टोहकठे दोष लगाएच़ातन?

याकूब 5:10

हे प्यारे साथी विशवासी रे, अंऊ भविष्यवक्ताज़ि प्रभु मिन्दु साते गप्पा लहरी, दोतिंङ दुख उठाएच़िमी धीरज़ रंङ साते बणेक्च़िमी आदर्श बणेक्तेंई।

याकूब 5:7

झांह लेह हे गिऊ प्यारे विशवासी साथी रे, प्रभु अपिमी तचेक ज़हके तंही। छना ज़मीनदार धरतीऊ रूठे फसलो उम्मीद तहच़ा मुण्डो ए थल मुक्को संदाण शुहबी तचेक धीरज़ा रंङ ज़हके तहच़ा।

1 पतरस 4:5

पर दू ध्याड़ा अपतो अपेहल दू मीहतिंङ दू कमो पाहठी परमेश्वरा बि जबाब रंड्री लेह्पोतो। छना कुचे परमेश्वर भत्ते मीहतु न्याय लहज़िमी थल्जी तेयार तोह, चाहे दोरे अंऊ हेंतेग श्रींङी तोतोर या दोरे अंऊ सिए इलजी तोतोर।

1 पतरस 4:9

मीहतु केनातु चुंङ स्वागत लंहि दंङ झांह चिड़चिड़ापन मेह लोहवा लंहि।

प्रकाशित वाक्य 3:20

रेड्रुंई, केहतु सेहमरिंङ अपिमी थल्जी, गेह दुह मीहू ठ्रोह तोतोग अंऊ चुंङो धकते खड़े तोह दंङ पेतंङ ठुकठुक लहच़ी लेहकी तोह दंङ केरे गिऊ सग रेड्रातंई दंङ गिऊ थल्जी केनातु सेहम अलज़ातंई दंङ गेह तोंखा अपोग दंङ हेनर इदि-अई दिरंङ साते संगति लोहनि।