याकूब 5:7 - लाहौली बाइबिल

⁷ झांह लेह हे गिऊ प्यारे विशवासी साथी रे, प्रभु अपिमी तचेक ज़हके तंही। छना ज़मीनदार धरतीऊ रूठे फसलो उम्मीद तहच़ा मुण्डो ए थल मुक्को संदाण शुहबी तचेक धीरज़ा रंङ ज़हके तहच़ा।

याकूब 5:7 Iomraidhean Croise

मत्ती 16:27

मीहू योह एनोह स्वर्गदूत तंङ साते एनोह बाहऊ महिमारंङ अपतो, दंङ दोई दोहथर भत्तेतिंङ दोतु काहमो हिसाबे फल रमोतो।

मत्ती 16:28

गेह केतंङ साते हेले कुट्रातग कि देर खड़े मीहतु बिचंङज़ि रेइरे झांह तोतोर दोच़ी अपेहल तचेक मीहू योह बि दोऊ राजंङ अपि माह तंङमोर धोंण तचेक सिओर माह।”

मत्ती 24:27

छना बिजली पूर्व दिशाज़ि हुंज़े पशिचम दिशा तचेक चमकेपी, ध्वांए गेह मीहू योह अपिला शोतो।

मत्ती 24:44

दिऊ थल्जी केरे लाह त्याहर तोंई, छना कुचे अंऊ घड़ीऊ पाहठी केहच़ी सोचेक्सी मा, दुहए घड़ी गेह मीहू योह अच्च़ा अपोग।

लूको 18:8

“गेह केतंङ साते कुट्रातग दुह दोथरे दोतु थल्जी न्याय लोहतो, पर गेह मीहू योह अपेहल वापिस अपोग, ता गिह्बी धरती रिंङ अंयों मीहरेर खमोग कि अच़ि गिऊ टोहकठे विशवास लोहातोर?”

लूको 21:27

दंङ दोरे मीहरे गेह मीहू योह बि सामर्थ ए मोह्ड़े महिमारंङ बद्ड़ातु टोईच़ी अपि तंङमोर।

लूको 8:15

अंऊ बैएजा रुठे ज़मीनारिंङ दचाते, दुह महसे फलेक्ति। दिऊ मतलब दिह शुह कि रेह मीहच़ी परमेश्वरो बचन रुठे रंङ साते रेड्रा दोऊ टोहकठे जोज़ी दंङ विशवासारिंङ बड़ेक्पातोर।

यहून्नो 21:22

यीशु ज़ि दोरंङ साते कुंई, “अगर गेह ज़ुफोंग कि दुह गिऊ यच़ाह अबिमी तचेक श्रींङे बंङज़ोतो, ता कनिंङ छि तोह? कांह गिऊ चेला शुहचे तोह।”

यहून्नो 21:23

दिऊ थल्जी ऊई साथी चेला तु बिचंङ दीह गप्पा फेलेके इलि, कि दुह अई चेला माह सीओतो; पर यीशु ज़ि दोरंङ साते दिह माह कुहते कि दुह माह सीओतो, पर दीह कुहते, “कि अगर गेह ज़ुफोंग कि दुह गिऊ यच़ाह अबिमी तचेक श्रींङे बंङज़ोतो, ता कनिङ दिरंङ छि तोह?”

रोमियो 15:4

अंयों गप्पा तुहई बेहच़ी पवित्रशास्त्रारिंङ च़ेहसी तोह, दू हेंदु ए शिक्षा ओ थल्जी च़ेहसी तोह, ताकि हेनर धीरज़ ए पवित्रशास्त्रो दोरच़ी छि याहब ओ दोरच़ी उम्मीद लोंहई, कि पवित्रशास्त्रे छि वाईदा लाहते, दू पूरा लोहतो।

रोमियो 2:7

अंऊ मीहरे ड्काह बंङज़ा ते भलाई लहज़ा ते महिमा ए आदरो, अपेहल ला माह योह्सा जीवनो खोजारिंङ लेहकी बंङज़ातोर, परमेश्वर दोतिंङ अनंत जीवन रमतो;

1 कुरिन्थियों 1:7

दिए वहज़ा तोह कि पवित्र आत्माज़ि केतिंङ दू भत्ते वरदान रांहषी ततो अतु केतिंङ ज़रूरत तोह, देर तचेक कि केरे हेंदु प्रभु यीशु मसीहू वापिस अपिमी थल्जी रूमज़ा तोतोंई।

गलातियों 5:5

गेह झांह कुट्री तरच़ातग छना कुचे हेंदिंङ पवित्र आत्माओ दोरच़ी पूरा भरोसा तोह कि परमेश्वर हेंदिंङ धर्मी रूपारिंङ ग्रहण लोहतो छना कुचे हेनर यीशु मसीहू टोहकठे विशवास लहज़ातंई।

गलातियों 6:9

हेनर रूठे कम लहज़िमी रंङ साते परेशान शुहबी माह जूंस, छना कुचे अगर हेनर परेशान माह शोंई, दंङ परमेश्वरो ठीक टेमारिंङ ईनाम खोकपोंई।

कुलुस्सियों 1:11

ञेंहच़ी प्रार्थना लहज़ातेंई कि परमेश्वर एनोह महिमा ओ शक्ति ऊ हिसाबे केतिंङ महस बलवन्त लोहतो, ताकि केरे सामर्थ ए खुशी रंङ साते केनातु दुख सहन लेह तरपोंई,

1 थिस्सलुनीकियों 1:3

अपेहल ञेंहच़ी हेंदु बाह परमेश्वरो हखा प्रार्थना लहज़ातंई अंऊ कम केहच़ी विशवासो दोरच़ी लहज़ातंई, दंङ विशवासी तु मदत लहज़िमी थल्जी महस मेहनत लहज़ातंई, दंङ प्रभु यीशु मसीहू वापिस अपिमी उम्मीद रिंङ केहच़ी धीरज़ ला लगातार हिद लोहवातंई।

1 थिस्सलुनीकियों 2:19

ञेंहतु उम्मीद, ए महस खुशी ए षटणो मुकुट अरि शुह? दि केरे ए शोंई अपेहल हेंदु प्रभु यीशु मसीह यह्च़ा वापिस अपतो, दोऊ तुईज़ी केरे माह शोंई?

1 थिस्सलुनीकियों 3:13

दंङ ञेंहच़ी प्रार्थना लहज़ातंई कि हेंदु प्रभु यीशु मसीह केहतु सेहम झांह ठ्रोह पक्‍का लोहतो, कि अपेहल दुह एनोह भत्ते पवित्र मीहतंङ साते वापिस अपतो, दंङ दुह हेंदु बाह परमेश्वरो तुईज़ी पवित्रतारिंङ निर्दोष ठहरेसोतो।

इब्रानियों 6:15

अब्राहमे धीरज़ा रंङ साते लम्हें टेम तचेक इंतज़ार लहरी। दोहपल दोइ, दू खोकसिरी अतु वाईदा परमेश्वरे दोरंङ साते लाहते।

याकूब 4:11

हे गिऊ प्यारे साथी विशवासी रे, इदि-अईदिऊ बदनामी थालंही, अंऊ एनोह न्वाऊ बदनामी लहज़ा, या न्वाऊ टोहकठे दोष लगाईचा; अपेहल केहच़ी नियम ए कानूनो टोहकठे दोष लगाएच़ातंई, दंङ काह नियम ए कानूनो माह मनेक्च़ा शुनाह, पर केनाह कानूनो न्याय लहज़ा बणेंके यवातन।

याकूब 5:10

हे प्यारे साथी विशवासी रे, अंऊ भविष्यवक्ताज़ि प्रभु मिन्दु साते गप्पा लहरी, दोतिंङ दुख उठाएच़िमी धीरज़ रंङ साते बणेक्च़िमी आदर्श बणेक्तेंई।

याकूब 5:3

केहतु ज़ंङ ए मुल तिंङ जंग लेहके इलज़ा; दंङ दुह जंग न्यायो मुक्का केहतु खिलाप गवाही रमतो, दंङ केहतु फुका बि मेहू ठ्रोह रोह्चे च़रपोतो। केहच़ी अन्तिम जुगारिंङ ढबाह ठ्रोहका लाहतंई।

2 पतरस 3:4

दंङ दोच़ी कोहर, “दोऊ अपिमी वाईदा हेले माह! दुह अपेहल ला माह अपतो, छना कुचे अपेहल बे मसीह अगुवार सिए इलोर, अंऊ महसे तुहई बंङज़ातेर, दोहपल बेहच़ी भत्ते धिर ध्वांए तोह। चीज़ारे ध्वांए तोतोर छना दोरे हमेशा तोईरे अपेहल बेहच़ी परमेश्वरे संसारो रचना लहरी।”