याकूब 5:6 - लाहौली बाइबिल

⁶ केहच़ी धर्मी बि दोषी ठहराइगी ते सच़ी च़रतिन; दंङ दोई केहतु छल्ले विरोध माह लहरी।

याकूब 5:6 Iomraidhean Croise

मत्ती 21:38

पर ज़िमेदारा ज़ि योह खंऐ एनातु बिचंङ कुह्तोर दिए ता दिह ज़मीनो वारिस शुह। अतंई, हेंज़ी दी ला स्चे च़रपोंई, दंङ दिऊ हिस्सा लेहपच़े च़रपोंई।

मत्ती 27:20

यहुदी मोह्ड़े पुरोहितरे ए यहुदी सेंहणाज़ि मीहतिंङ दी कुट्रिमी थल्जी जोर रेह कि बरअब्बा बि पेट्रुंई दंङ यीशु सच़ी लांई।

मत्ती 5:39

पर गेह केतंङ कुट्रातग मांजीऊ बदला थाह लेहप्तुंई; पर अच़िआ कांह सुचंङ चरनी रिंङ चट्टेक रमतो दोऊ हखा अईसंङ ला किरज़े चर्तु।

प्रेरित 22:14

दोहपल दोई कुई, ञेंहतु बाह-मेमेतु परमेश्वरे कनिंङ दिऊ थल्जी ठहराएसी ततो कि केई दोऊ हिटी बि ञेंई, दंङ दू धर्मी, मसीह बि खंणु, दंङ दोऊ सग रेड्रुं।

प्रेरित 7:52

छि अपेहला अरिया झांह ठ्रोह भविष्यवक्ता शुंईआ, अतिंङ केहतु बाह-मेमेज़ि परेशान लहसी माह शोहर? देर तचेक कि दोच़ी दुह भविष्यवक्ताऊ ला हत्या लेह च़रतिर, अंऊ दोच़ी मसीहू अपिमी पाहठी तुईए कांहषी तरेर। अच़ि हमेशा दुह ए कम लहज़ाते अंऊ परमेश्वरा बि खुश लहज़ा। दंङ अपेहल मसीह अति, दोऊ हत्या लेह, केरे बिशवासघाती ए हत्यारे शुहचे इलिन।

प्रेरित 8:32

दंङ पवित्रशास्त्रो अंऊ पाठ दुह पढेक्पी लेहकी तोहई, दुह दिह तोहई: “दोबि त्रैंईतु ठ्रोह सच़िमी थल्जी रेंज़ा शिलिर, दंङ छना कुरच़ा एनोह च़म ञेलंड्रा दोतु तुईज़ी चुपे बंङज़ा, ध्वांए अपेहल मीहज़ी दोबि दुख रेंईर ता दोई ला एनोह आह मा अलज़िरी।”

इब्रानियों 10:38

पर गिऊ मीहरे अंऊ विशवासो दोरच़ी धर्मी बणाके इलजी तोतोर, श्रींङे बंङज़ोर, अगर अच़िया परमेश्वरो टोईच़ी विशवास लहज़ी छोड़ेके च़रच़ा, दंङ गिऊ सेहम दोतंङ साते खुश माह शोतो।

याकूब 2:6

पर केहच़ी दुह गरीबो अपमान लहरिन, केहच़ी ञेंच़ातंई कि दि साहुकार मीहरे अंऊ केहतु टोईच़ी अत्याचार लहज़ा तोर। दोरे ए शुहर अंऊ केतिंङ ज़बरदस्ती कोर्टंङ शिलज़ा तोर।

याकूब 4:2

केहच़ी उम्मीद तहच़ातंई, पर केतिंङ खोकसा माह; झांह लेह केरे हत्या लहज़िमी थल्जी तेयार बंङज़ातंई, दंङ ऊईतु चीज़ा तु थल्जी लालच लहज़ातंई, पर छिल्ला खोकषातंई माह; केरे झगड़ा ए लड़ाई लहज़ातंई। केतिंङ झांह लेह माह खोकसा, छना कुचे केहच़ी दि परमेश्वरो दोरच़ी माह पेट्रातंई।

1 पतरस 4:18

“छना कि पवित्र शास्त्रे कुट्रा, अगर धर्मी बि मुशकिलारंङ साते मुक्ति खोकसा, दंङ मदम मीह ए पापी पक्‍का रूपा रिंङ योंहंषा योर।”