याकूब 5:5 - लाहौली बाइबिल

⁵ दंङ केरे धरतीऊ टोहकठे भोग-विलासरिंङ लेहकी बंङज़ुंई दंङ मोह्ड़े सुख भोगेकतंई; केरे सिर्फ केनातु ऐश-आरामो थल्जी श्रींङमातंई, दंङ झांह लेह, केहच़ी केनाज़ि परमेश्वरो दोरच़ी रंड्रा भयानक सज़ाओ थल्जी तेयार लेह चरच़ातंई।

याकूब 5:5 Iomraidhean Croise

लूको 16:19

यीशु ज़ि अई इच्च़ा कथा कुंई, “इच्च़ा साहुकार मीह तोहई अच़ि मंहङे-मंहङे मखमलो खमज़ेर लेहच़ते दंङ हर इच्च़ा ध्याड़ा रुठे-रुठे बगत ज़ोवाते।”

लूको 16:25

पर अब्राहमे कुहतो, हे योह, हिद लोहऊ कि केई केनोह ज़िन्दगीरिंङ रूठे चीज़ा रंङ साते आराम लहतन। दंङ दिह लाज़रे ला महसे दुख उठाके चरच़तो, दा हेंतेग दिह देर्तिंङ सुख शांतिरंङ साते तोह दंङ कांह टेहषीरिंङ तंड़पेक्पी लेहकी तोतन।

रोमियो 13:13

अतंई हेनर हेंदु स्वाभाव ठीक लहज़िमी कोशिश लोहनि, दू मीहतु ठ्रोह अंऊ छंङीरिंङ बंङज़ातोर दंङ हंञारारिंङ माह हेनर मांजी कम ए नशाबाज़ी, कुकम ए भोगविलास, झगड़ा ए जलनो दोरच़ी शत्‌ह बंङज़ोंई।

1 तीमुथियुस 5:6

पर दुह रंणी मेच़िमीर अंऊ एनोह भत्ते टेम ऐश-आरामा रिंङ हुंच़ातेर, दोरे फुकारिंङ ता श्रींङे तोतोर पर आत्मिक रूपारिंङ सिए तोतोर।

2 तीमुथियुस 3:4

विशवासघाती, ढीठ, घमण्डी, या परमेश्वरा रंङ साते दाह माह लहज़ार पर भोगविलास जुंज़ा शोरे।

2 पतरस 2:13

दोतु विनाश दुह नुकसानो प्रतिफल शुह अंऊ दोच़ी लहसी शुह। दोरे दिन दोहपर भोग-विलास रिंङ बंङज़ी रूठे चेहच़ातोर। दोरे केहतु बिचंङ इच्च़ा कलंक ए दाग तोतोर। धोखा रंड्री रंङ खुशी मनेक्च़ातेर, अपेहल कि दोरे केतंङ साते ज़ोवा-तुंङमातोर।

यहूदा 1:12

छना समुंद्र ब्याके चटान नावो थल्जी खतरनाक शवाह ध्वांए ठ्रोह दिरे मीहरे केहतु संगति ए धामो थल्जी खतरनाक तोतोर। चाहे दोरे दि धामा रिंङ षेह्द अपिमी जोगे कम लहज़ातोर, पर दोरे एनोह षेह्द अपिमी जोगे कमो वहज़ा ज़ि छिल्ला बेह्द ए षेह्द महसूस माह लहज़ातोर। दोरे दुह पोहाल तु ठ्रोह तोतोर अंऊ सिर्फ एनोह देख-भाल लहज़ातोर; दोच़ी ऊईतु मदत माह लहज़ातोर। दोरे दुह डुह ठ्रोह तोतोर अंऊ दोबि लन्न ज़ि करची ज़मीनारिंङ संदाण मेह करचे रैंज़ा शिलज़ा। दोच़ी वाईदा महस लहज़ातोर, पर रंड्रातोर छल्ले माह। दोरे फसलो मुक्का ओ बुटो ठ्रोह तोतोर अतु टोईच़ी छल्ले फल माह‍ शवाह दंङ अंऊ दोतिंङ फोंज़े चरच़ि, मतलब दोरे पूरे तरीकरिङ सिए इलजी तोतोर।

प्रकाशित वाक्य 18:7

दोई अंयों बढाई लहरी ए भोगविलास लहरी, दोबि धोंण दुख ए धोंण शोक रांई। दोई एनोह सेहमरिंङ दि कुट्रा, “गेह रानी ओ ठ्रोह सिंहासनो टोईच़ी विराजमान तोतोग।” गेह रंणी माहशुहगा दंङ अपेहल ला शोक माह लोहग।