याकूब 5:10 - लाहौली बाइबिल

¹⁰ हे प्यारे साथी विशवासी रे, अंऊ भविष्यवक्ताज़ि प्रभु मिन्दु साते गप्पा लहरी, दोतिंङ दुख उठाएच़िमी धीरज़ रंङ साते बणेक्च़िमी आदर्श बणेक्तेंई।

याकूब 5:10 Iomraidhean Croise

लूको 13:34

हे यरूशलेम शहरो मीहरे! केहच़ी दोरे भविष्यवक्तारे सच़ी च़रतिर अंऊ महसे तुहई तोईरे दंङ दुह मीहतु टोहकठे रघ द्रहले केहनि, अतिंङ कांह कछंङ च़रसी तहरेर; अंयों ए फेरा गेह चेहकातेग कि छना कुकड़ी एनोह क्युकच़ारे एनोह पाखो पोयंङ ठ्रोहका लाह, ध्वांए गेह ला कांह कटुतु रखवाली लोहग।

लूको 6:23

दुह ध्याड़ारिंङ खुश शोनी, छना कुचे स्वर्गंङ केहतु थल्जी मोह्ड़े ईनाम तोह; दोतु बाह मेमे भविष्यवक्ता रंङ साते ध्वांए ए लह्ज़ते।

प्रेरित 3:21

यीशु ऊ स्वर्गंङ बंङज़ी दोहपल तचेक ज़रूरी तोह अपेहल तचेक कि परमेश्वर भत्ते धिर खरकोई बणाके च़रपोतो। महस तुहई ए परमेश्वरे मीहतिंङ दिह कंड्रिमी थल्जी पवित्र भविष्यवक्तातु दोरच़ी झांह लहज़िमी वाईदा लहरी।

प्रेरित 7:52

छि अपेहला अरिया झांह ठ्रोह भविष्यवक्ता शुंईआ, अतिंङ केहतु बाह-मेमेज़ि परेशान लहसी माह शोहर? देर तचेक कि दोच़ी दुह भविष्यवक्ताऊ ला हत्या लेह च़रतिर, अंऊ दोच़ी मसीहू अपिमी पाहठी तुईए कांहषी तरेर। अच़ि हमेशा दुह ए कम लहज़ाते अंऊ परमेश्वरा बि खुश लहज़ा। दंङ अपेहल मसीह अति, दोऊ हत्या लेह, केरे बिशवासघाती ए हत्यारे शुहचे इलिन।

इब्रानियों 13:7

अंऊ केहतु अगुवा तोईरे, दंङ अच़ि केतिंङ परमेश्वरो बचन सुनाच़ी तातोर, दोतिंङ हिद तंही; दंङ ध्याना रंङ साते दोतु जीवन खंई, कि छना दोच़ी एनोह जीवन‍‍ श्रींङमातोर, दंङ सिमी मुक्का तचेक परमेश्वरो विशवासा रिंङ पक्‍का बणेंके बंङज़िरे। झांह लेह हेंदिंङ ला परमेश्वरो टोईच़ी ध्वांए ठ्रोह विशवास लहज़ी लेह्पोतो छना दोच़ी लहसी तरेर।

याकूब 4:11

हे गिऊ प्यारे साथी विशवासी रे, इदि-अईदिऊ बदनामी थालंही, अंऊ एनोह न्वाऊ बदनामी लहज़ा, या न्वाऊ टोहकठे दोष लगाईचा; अपेहल केहच़ी नियम ए कानूनो टोहकठे दोष लगाएच़ातंई, दंङ काह नियम ए कानूनो माह मनेक्च़ा शुनाह, पर केनाह कानूनो न्याय लहज़ा बणेंके यवातन।

याकूब 5:13

अगर केहतु बिचंङ अरिया दुखी तोह ता दोई प्रार्थना लोहु; अगर खुश तोह ता, दोई स्तुतिऊ भजन कुंई।

याकूब 5:7

झांह लेह हे गिऊ प्यारे विशवासी साथी रे, प्रभु अपिमी तचेक ज़हके तंही। छना ज़मीनदार धरतीऊ रूठे फसलो उम्मीद तहच़ा मुण्डो ए थल मुक्को संदाण शुहबी तचेक धीरज़ा रंङ ज़हके तहच़ा।

याकूब 5:9

हे गिऊ प्यारे विशवासी साथी रे, इदि-अई दिऊ टोहकठे केनातु परेशानी रें दोष था लगाएतुंई, ताकि केरे दोषी माह शोंई; खंई न्याय लहज़ा दुह अपिमी थल्जी तेयार तोह।