याकूब 4:5 - लाहौली बाइबिल

⁵ छि केहच़ी दि ता सोचेक्च़ातंईयां कि पवित्र शास्त्रारिंङ शुह्के दि कुहषी तोह कि “दुह आत्मा, अपि दोई हेंदु अन्द्रेग केहषी ततो, मोह्ड़े हिटी रंङ साते हेंदु थल्जी कामना लहज़ा।”

याकूब 4:5 Iomraidhean Croise

यहून्नो 10:35

अगर दोई दोतिंङ सद कुहतो अतु कछंङ परमेश्वरो बचन पिचाते, दंङ पवित्रशास्त्रो गप्पा हप्सी शुहबी मरच़ि। अपेहल गेह कुट्रातग, “गेह परमेश्वरो योह शुगाह” ता केहरे गिह्बी छिला कुट्रातंई कि, “केई बुराई लहज़ातन।” गेह दुहए शुगाह अच़ि पिता परमेश्वरे शत्‌ह लहतो दंङ गिह्बी संसार रिंङ चरच़तो।

यहून्नो 19:37

दंङ अई इच्च़ा ठहरि रिंङ पवित्रशास्त्रा रिंङ दीह ला च़ेहसी तोह, “अंऊ दोच़ी दुह तिरज़ीर, दोरे दोऊ ए हखा खमोर।”

यहून्नो 7:42

पर पवित्रशास्त्रा रिंङ दिह च़ेहसी तोह कि मसीह रज्ज़ा दाऊदो खानदान ए बेतलहम नगरंङ च़ि अपतो, अंऊर रज्ज़ा दाऊद बंङज़ा।”

प्रेरित 7:9

“दंङ दि याकूबो सनी योहज़ि एनोह न्वा यूसुफ रंङ साते रोह्षेक्च़े दुह मिस्त्र देशो हखा इलज़ा मीहतिंङ लंङे च़रति, पर परमेश्वर दोरंङ साते तोहई।”

रोमियो 1:29

झांह लेह दुह भत्ते अधर्म, दुष्टता, लोभ, वैरभाव रंङ पिंङी इलिरे; दंङ जेगद्न्सी, हत्या, झगड़ा, छल, डाह रंङ साते भरपूर शुहचे इलिरे, दंङ चुगलखोर,

रोमियो 9:17

छना कुचे पवित्रशास्त्र रिंङ रज्ज़ा फिरोनो हखा प्रभु ज़ि कुहषी ताहरे, “गेह कनिंङ रज्ज़ा दिऊ थल्जी बणाएक्तग, कि कनिंङ घेंङौ सामर्थ कंबोग, दंङ गिऊ मिन्दु प्रचार भत्ते संसारो टोईच़ी शुहबी जूंस।”

1 कुरिन्थियों 6:19

छि केहच़ी माह ञेंच़ातंई आ, कि केहतु फुक मन्दिर शुह अंऊर पवित्र आत्मा बंङज़ा, दंङ पवित्र आत्मा अंऊ केतिंङ परमेश्वरो तरफे खोकसा तोह, अंऊ केहतु अंदरेग बसेकी तोह, दंङ केरे परमेश्वरो शुई।

2 कुरिन्थियों 6:16

परमेश्वरो मन्दिरंङ मुर्तितु थल्जी छल्ले ठहरि माह। छना कुचे हेनर ता श्रींङे परमेश्वरो मन्दिर शुई; छना परमेश्वरे पवित्रशास्त्रा रिंङ च़ेहसी तोह, “गेह दि मीहतंङ साते बंङज़ोग दंङ दोतु बिचंङ ज़ोज़ा लोहग; दंङ गेह दोतु परमेश्वर शोहग, दंङ दोरे गिऊ मीहरे शोर।”

गलातियों 3:8

दंङ पवित्रशास्त्र रिंङ महस तुहई दि च़ेहसी तोहई कि, “कि परमेश्वर ऊईजाति तु दोतिंङ विशवासो हिसाबे धर्मी ठहराएपोतो, दिए वहज़ा तोह कि पवित्र शास्त्रारिंङ, अपेहल परमेश्वरे तुहई ए अब्राहमा बि दि रूठे खबर रंदे कि दंङ दोई दोरंङ साते कुई” “कनु दोरच़ी, गेह दि संसारो भत्ते मीहतिंङ आशीष रमोग।”

तीतुस 3:3

छना कुचे हेनर ला तुहई, मुर्ख ए परमेश्वरो हुकुम माह मनेक्च़ा मीहरे, मीहतु दोरच़ी धोखा खोकसिमी तातंई, दंङ हेनर मदम हिटी ए संसारो चीज़ा तु गुलाम तोईरे, छना बैर-भाव, दंङ जलन तहच़ि रिंङ एनोह जीवन श्रींङज़ातेर, दंङ मीहतंङ साते नफरत लहज़ातेर, दंङ इदि-अई दिरंङ साते बैर तहच़ातेर।