याकूब 4:4 - लाहौली बाइबिल

⁴ हे विशवास घाती रे, छि केहच़ी दि माह ञेंच़ातंई आ कि संसार रंङ साते मित्रता लहच़ी परमेश्वरारंङ साते बैर लहज़ी शुह? झांह लेह अंऊ संसारो मित्रता रिंङ शोतो, दोई एनाबि परमेश्वरो बैरी बणाके चरच़तो।

याकूब 4:4 Iomraidhean Croise

मत्ती 12:39

यीशुज़ि दोतिंङ जुबाब रेंहई, “दिह पीढ़ीऊ मांजी ए कुकम लहज़ा मीहरे निशानी पेट्रातोर, पर दोतिंङ योना भविष्यवक्तारंङ साते छि शुते दुह चमत्कारो अलावा ऊहई छल्ले चिन्ह मखोकसोतो।

मत्ती 16:4

दीह जुगो मांजी मीहरे ए कुकम लहज़ा मीहरे स्वर्गो निशानी पेट्रातोर पर योना ओ निशानी छोड़ेके दोतिंङ ऊहई छल्ले निशानी माह खोकसोतो।” दंङ दोहथल यीशुज़ि दोतिंङ छोड़ेके अच्च़ा इलि।

मत्ती 6:24

छना कुचे अच़िला मीहज़ी इच्च़ा टेमारिंङ झुह्ट मालिको सेवा लेह मरछी, छना कुचे दोई इदिरंङ मांजी लोहतो ऊईरंङ दाह लोहतो, छिता इदिरंङ मिलेकी बंङ जोतो ऊई दिबी कवचि चेहपोतो केहच़ी परमेश्वरे ए ढबाह झुह्ट लोह सेवा लेह मरच़ि।

लूको 19:27

पर गिऊ दुह बेरीतिंङ अच़ि माह जुंज़ातेर कि गेह दोतु रज्ज़ा बणेक्पोग, दोतिंङ गिऊ तुईज़ी हंजे सचे च़रतुंई।”

यहून्नो 15:19

अगर केहरे संसारो मीहतु ठ्रोह शुहचंङ, ता संसारो मीह ज़ि केतंङ साते दाह लहज़ी तोहई, पर दिह बजह च़ि कि केहरे दिह संसारो मीहतंङ साते नाता माह तहच़ातंई, पर गेह केतिंङ संसारो मीहतु बिचंङ च़ि अंङे केहतग; दिऊ थल्जी संसारो मीहरे केतंङ साते बैर लहज़ातोर।

यहून्नो 17:14

गेह कांह बचन दोतु कछंङ पिचे च़रतग, दंङ संसारो मीह ज़ि दोतंङ साते बैर लहरिर, छना कुचे, छना गेह दिह संसारो माह शुगाह, ध्वांए दोरे ला दिह संसारो माह शोहर।

यहून्नो 7:7

संसारो मीहरे केतंङ साते बैर लेह मरपोर पर दोरे गेरंङ साते बैर लहज़ातोर, छना कुचे गेह दोतु खिलाप दिह गवाही रंड्रातग, कि दोतु कम मांजी तोह।

रोमियो 5:10

छना कुईनता बेरी शुहबी दशारिंङ दोऊ मीह सिऊ दोरच़ी हेंदु मेल परमेश्वरो साते शुई, ता यच़ाह मेल शुहचे इबिरंङ साते दोऊ जीवन कारणे हेंज़ी उद्धार छना मा खोकपोंई?

रोमियो 8:7

पापमय स्वाभावो टोईच़ी सेहम लगाईचि ता परमेश्वरारंङ साते बैर लहज़ी शुह, छना कुचे पापमय स्वाभाव माह ता परमेश्वरो कानूनो अधीन तोह, दंङ माह मुसाओ कानून भाषे लेह तरपोतो;

1 कुरिन्थियों 1:20

दंङ दि गप्पो दोरच़ी ञेंहच़ी समझेक्च़ातंई कि अंऊ ज्ञानवान तोह दोतु ज्ञानो छल्ले कीमत माह; दंङ धरतीऊ टोईच़ी अंऊ मीहच़ी पढेक्च़ातोर दंङ अंऊ मीहच़ी ञेंहच़ातोर कि छना कुट्री तोह, दोतु समझो ला छल्ले फायदा माह। छना कुचे परमेश्वरे दि प्रगट लहसी ततो कि अंऊ ज्ञान देर धरतीऊ टोईच़ी अपा, दोऊ, दोऊ तुईज़ी छल्ले कीमत माह।

1 कुरिन्थियों 1:21

परमेश्वरे एनोह ज्ञाना रिंङ दि खंई कि दि संसार मीहतु ज्ञानो दोरच़ी दोबि अपेहल ला ञेंई मरपोतो, झांह लेह दोई दू मीहतिंङ बचाच़िमी थल्जी अंऊ विशवास लहज़ातोर दि रूठे खबरो प्रचारो इस्तेमाल लहरिर, हालांकि रे मीहरे दिबी मुर्खता चेहच़ातोर।

गलातियों 1:10

साफ तरीका रंङ, गेह मीहतिंङ खुश लहज़िमी कोशिश माह लहज़ातग, पर गेह बाह परमेश्वरा बि खुश लहज़ी तातग। अगर गेह एंतेग तचेक मीहतिंङ ए खुश लहज़ा शुचंङ ता गेह मसीहू सेवक माह शुचंङ।

याकूब 1:27

हेंदु बाह परमेश्वरो कछंङ रूठे ए निर्मल भक्ति दि तोह, कि याह मेह बाह मेह ए रंणीतु झगड़ारिंङ दोतु सुधि लेहप्तुंई, दंङ केनातिंङ संसारो दोरच़ी निष्कलंक तंही।