याकूब 4:11 - लाहौली बाइबिल

¹¹ हे गिऊ प्यारे साथी विशवासी रे, इदि-अईदिऊ बदनामी थालंही, अंऊ एनोह न्वाऊ बदनामी लहज़ा, या न्वाऊ टोहकठे दोष लगाईचा; अपेहल केहच़ी नियम ए कानूनो टोहकठे दोष लगाएच़ातंई, दंङ काह नियम ए कानूनो माह मनेक्च़ा शुनाह, पर केनाह कानूनो न्याय लहज़ा बणेंके यवातन।

याकूब 4:11 Iomraidhean Croise

लूको 6:37

“दोष था लगाएतुंई; दंङ परमेश्वरे ला केहतु टोईच़ी दोष माह लगाएकपोतो। दोषी थाशुंई, ता परमेश्वरे ला केहतु फेंसला लोहतो। माफ लांही ता परमेश्वर ला केतिंङ माफ लोहतो।

रोमियो 2:1

झांह लेह, हे ऊईतु टोहकठे दोष लगाएच़ा! केरे चाहे अरिला छारिंङ माह शोंई, बहाना लेह मरपोंई। अंऊ गप्पा रिंङ केरे ऊईतिंङ दोष लगाएच़ातंई, दुह ए गप्पारिंङ केनातिंङ ला दोषी ठहराएच़ातंई। छना कुचे केरे, अंऊ ऊईतु टोहकठे दोष लगाएच़ातंई, केनाह ए दुह कम लहज़ातन।

रोमियो 2:13

छना कुचे परमेश्वरो नज़रारिंङ धर्मी दोरे माह शोर, अंऊ मुसाओ कानून रेड्रातोर पर धर्मी दोरे तोतोर, अंऊ मुसाओ कानूनो भाषे लहज़ातोर।

रोमियो 7:7

दंङ छि दिऊ मतलब दि तोह आ कि कानून पाप शुह? माह! बिल्कुल माह! पर दिए कानूनो दोरच़ी गेह पाप बि ञेंए केहतग। गेह ञेंए चरच़ातग कि लालच लहज़ी पाप शुह, छना कुचे कानूनारिंङ दि च़ेहसी तोह कि, “लालच थालोहू।”

1 कुरिन्थियों 4:5

झांह लेह अपेहल तचेक प्रभु दोबारा वापिस माह अपा दू मुक्का तचेक अतुला न्याय थालंही। छना कुचे प्रभु साफ तरीका रंङ साते दू भत्ते विचार कम्बोतो, अंऊ मीहतु अंदरेग तोह, अतु पाहठी ऊई अच़िला माह ञेंओर। दू दोतु इरादा बि प्रगट लोहतो अंऊ दोतु सेहमरिंङ तोह, दोहपल परमेश्वरे दोतु षटणा शोतो।

2 कुरिन्थियों 12:20

दंङ गिह्बी दिला बेह्द तोह, कि झांह शुहबी मेस, कि गेह अंज़े छना जुंज़ातग, ध्वांए केतिंङ माह खोकपोग; दंङ गिह्बी ला छना केहच़ी माह जुन्ज़ातंई ध्वांए खोकपोंई, दंङ गिह्बी दि ला बेह्द तोह कि केहतु बिचंङ झगड़ा, जलन, रोहष, विरोध, चुगली, घमण्ड ए बखेड़ा लहज़िमी ठ्रोह स्वाभाव खोकपोग।

इफिसियों 4:31

भत्ते पाहठी कड़वाहट ए प्रकोप ए रोहष ए लड़ाई-झगड़ा, दंङ निन्दा भत्ते नफरत केहतु दोरच़ी शत्‌ह लेह चरच़ि।

1 तीमुथियुस 3:11

झांह ए दोतु मेच़ातिंङ ला आदरो जोगे शुहबी जूंस; दंङ ऊईतु पाहठी मदम कुट्रा शुहबी मेस, पर हर हालातरिंङ एनोह टोहकठे काबू लहज़ा, दंङ भत्ते रिति रिंङ विशवासो जोगे शुहबी जूंस।

2 तीमुथियुस 3:3

दया माह लहज़ार, माफ माह लहज़ार, दोष लगाएच़ा, एनोह हिटी रिंङ काबू माह लहज़ार, डगडगी, भलाई ओ बैरीर,

तीतुस 2:3

झांह ए ठ्रोह यंङषी मेच़िमीरे ला झांह ठ्रोह व्यवहार लंहि अतु वहज़ा ज़ि परमेश्वराबि आदर खोकसोतो। दंङ ऊईतु पाहठी मदम कुट्रा ठ्रोह शुहबी मेस, माह सरा तुंङज़ाड़, पर ऊईतिंङ रूठे गप्पारे सिखाएच़ा शुहबी जूंस

याकूब 1:16

हे गिऊ प्यारे साथी विशवासी रे, धोखा थाज़ई।

याकूब 1:19

हे गिऊ प्यारे साथी विशवासी रे, दि गप्पा केहच़ी ञेंई च़रतुंई; हर इच्च़ा मीह रेड्रीमी थल्जी तेयार दंङ कुट्री ए रोहष सूले शुहबी जूंस।

याकूब 1:25

दुह मीह अंऊ परमेश्वरो सिद्ध कानूनो ध्याना रंङ साते अध्धयन लहज़ा अच़ि मीहतिंङ पापो दोरच़ी मुक्त लहज़ा, दोई एनोह कमरिंङ झांह लेह आशीष खोकपोतो कि रेड्राते माह पेहषा, पर ध्वांए ए कम लहज़ा।

याकूब 2:8

अगर केरे पवित्रशास्त्रो दि बचनो हिसाबे, “कि केई केनोह पड़ोसीरंङ साते केनोह बराबर दाह लोहू” दंङ हेले पवित्रशास्त्रो भत्ते बे खास कानून मनेक्च़ा ते रूठे लहज़ातंई।

याकूब 5:10

हे प्यारे साथी विशवासी रे, अंऊ भविष्यवक्ताज़ि प्रभु मिन्दु साते गप्पा लहरी, दोतिंङ दुख उठाएच़िमी धीरज़ रंङ साते बणेक्च़िमी आदर्श बणेक्तेंई।

याकूब 5:7

झांह लेह हे गिऊ प्यारे विशवासी साथी रे, प्रभु अपिमी तचेक ज़हके तंही। छना ज़मीनदार धरतीऊ रूठे फसलो उम्मीद तहच़ा मुण्डो ए थल मुक्को संदाण शुहबी तचेक धीरज़ा रंङ ज़हके तहच़ा।

याकूब 5:9

हे गिऊ प्यारे विशवासी साथी रे, इदि-अई दिऊ टोहकठे केनातु परेशानी रें दोष था लगाएतुंई, ताकि केरे दोषी माह शोंई; खंई न्याय लहज़ा दुह अपिमी थल्जी तेयार तोह।

1 पतरस 2:1

झांह लेह भत्ते पाहठी मदम व्यवहार छोड़ेके च़रतुंई। ऊईतिंङ धोखा थारांई, पाखंडी थाशुंई। ऊईतिंङ साते जलन थालंही। ऊई मीहतु पाहठी मदम गप्पा था कुंई।