याकूब 3:13 - लाहौली बाइबिल

¹³ केहतु बिचंङ ज्ञानवान ए समझदार अरि तोह? अगर केरे तोतोंई ता, केतिंङ दि रूठे जीवन श्रींङमी रंङ साबित लेह जूंशी तोह दंङ भत्ते नम्रता रंङ साते अंऊ केहतु ज्ञान बुद्धि रंङ साते अपा रूठे कमो दोरच़ी साबित लेह जूंशी तोह।

याकूब 3:13 Iomraidhean Croise

मत्ती 11:29

गिऊ जुम केनातु टोईच़ी उठातुंई, दंङ गिऊ दोरच़ी ञेंई। छना कुचे गेह शांत ए सेहमो रूठे तोतोग: दंङ केहच़ी केनातु सेहमरिंङ आराम खोकपोंई।

मत्ती 21:5

“खंणु सिय्योंनो मिओ रंङ कुंई, खंणु कांह रज्ज़ा कांह कछंङ अपा; दुह नम्र तोह दंङ करेटु टोईच़ी तोह; करेटु टोईच़ी।”

मत्ती 5:5

धन्य शुहरे दोरे, अरी नम्र तोतोर परमेश्वर दोतु दोरच़ी एनोह वाईदा पूरा लोहतो।

मत्ती 7:24

दिऊ थल्जी अच़िला गिऊ गप्पा रेड्राते मनेक्च़ा, दोरे दुह बुद्धिमान मीहू ठ्रोह तोतोर अच़ि एनोह घरबारो मुयांद चट्टानो टोहकठे केहषी तोह।

1 कुरिन्थियों 6:5

गेह केतिंङ षेह्पिमी थल्जी दि कुट्रातग। छि केहतु बिचंङ इच्च़ा ला झांह ठ्रोह बुद्धिमान मीह माह, अंऊ विशवासी न्वारेतु बिचंङ शुहचे झगड़ो फेंसला लेह तरपोतो?

2 कुरिन्थियों 10:1

गेह दू ए पोलुस शुगाह अंऊ केहतु तुईज़ी डरपोक तोतोग, पर थाह्को थले केहतु हखा याहब लहज़ातग; गेह केतंङ साते मसीहू नम्रता, दंङ नगी शुहचे निवेदन लहज़ातग।

2 कुरिन्थियों 8:24

झांह लेह एनोह दाह ए हेंदु घमण्ड अंऊ केहतु पाहठी तोह कलीसिया तु तुईज़ी सिद्ध लेह दोतिंङ कंड्रु।

गलातियों 5:23

झांह ठ्रोह अंऊ ला मूसा ओ कानून माह अंऊ दि गप्पो खिलाप तोह।

गलातियों 6:1

हे गिऊ प्यारे साथी विशवासी रे, अगर केतिंङ दि पता शोतो कि अरिया मीह छा अपराध लहसी ततो, दंङ केरे अंऊ आत्मिक तोतोंई, दोबि नम्रतारंङ साते सही अमरिंङ वापिस हपिमी थल्जी दोऊ मदत लंहि, ध्यान तंही कि केरे ला दुह पापा रिंङ पढेक्पि माह जूंस।

गलातियों 6:4

पर हर इच्च़ा मीह एनोह कम खमतो छि दू रूठे तोह आ, दंङ दू एनोह कमरिंङ घमण्ड लेह तरपोतो। पर दोबि एनोह कमो बराबरी ऊई मीहतंङ साते लेह माह जूंस।

इफिसियों 4:2

मतलब भत्ते दीनता ए नम्रता रंङ साते, दंङ धीरज़ तहच़ि दाह रंङ साते इदि-अई दिऊ व्यवहार सहन लंहि।

फिलिपियों 1:27

सिर्फ धोंण ए लंहि कि केहतु चाल-चलन मसीहू रूठे खबरो जोगे शोतो। कि चाहे गेह अंज़े ते केतिंङ खमोग, चाहे गेह अपोग ए माह, केहतु पाहठी दि रेड्रोग कि केरे इच्च़ा इरादारिंङ पक्‍का तोहईं दंङ इच्च़ा सेहम शुहचे रूठे खबरो विशवासो थल्जी मेहनत लोहवा तंही।

कुलुस्सियों 3:12

झांह लेह अपेहल केरे परमेश्वरे केतिंङ एनोह पवित्र मीह शुहबिमी थल्जी अंङे चरच़तो, दंङ दोई केतंङ साते दाह लहज़ा, केरे मोह्ड़े दाह ए, दंङ भलाई, दंङ दीनता, नम्रता, दंङ सहनशीलता धारण लंहि।

1 तीमुथियुस 4:12

अच़िया काह तुच्छ (बेकार) समझेक्सी माह जूंस छना कुचे काह जवान तोतोन पर कांह बोल-चाल ए चाल-चलनारिंङ, ऊईतु थल्जी दाह रिंङ मसीहू टोहकठे कनु विशवासरिंङ दंङ कनु निर्दोष जीवनारिंङ, विशवासी मीहतु थल्जी इच्च़ा उदाहरण बणेंक्तु।

1 तीमुथियुस 6:11

पर हे तीमुथियुस, कांह परमेश्वरो मीह शुनाह, कनिंङ दि भत्ते चीज़ लहच़िमी दोरच़ी बचेक्पी जूंशी तोह, दंङ धर्मिकता, भक्ति, विशवास, दाह, धीरज़, ए नम्रता रिंङ लेहकी बंङज़ु।

2 तीमुथियुस 2:25

हेंदिंङ दुह मीहतिंङ नम्रतारंङ साते समझाएक्ची जूंशी तोह अंऊ दोच़ी विरोध लहज़ातोर, झांह शुहबी तरपोतो कि परमेश्वर ए दोतिंङ सच्चाई ञेंहच़ी ए दोऊ हखा किरच़िमी मौका रमतो।

तीतुस 3:2

दोच़ी अरिया बदनाम लेह मेस; लड़ाई-झगड़ा लहज़ा शुहबी मेस, पर ऊई मीहतु थल्जी नम्र स्वभाव शुहबी जूंस, दंङ भत्ते मीहतंङ साते नम्रतारंङ साते बंङज़ी जूंशी तोह।

इब्रानियों 13:5

केरे केनातु जीवन बि टंगा-ढबाहो लालचो दोरच़ी शत्‌ह तंही अंऊ केहतु दोर तोह दोरंङ ए खुश बंङज़ुंई। छना कुचे परमेश्वरे एनेह कुहषी ततो, “गेह कनिंङ अपेहला माह छोड़ेकपोग, दंङ कनिंङ अपेहला माह छोड़ेक्पोग।”

याकूब 1:21

झांह लेह भत्ते मांजी ए बैर भाव शत्‌ह लेह च़रतेंई, दुह परमेश्वरो बचन नम्रतारंङ साते ग्रहण लेह च़रतेंई, अंऊ सेहमरिंङ केहषी तोह दंङ अच़ि केहतु प्राणो उद्धार लेह च़रच़ा।

याकूब 2:18

अगर अच़िया झांह कुट्रा कि, “कनिंङ विशवास तोह, दंङ गेह रूठे कम लहज़ातग।” पर गेह कुट्रतग कि केई केनोह विशवास गिह्बी रूठे कम मेह साबित लोह; दंङ गेह घेंङौ विशवास घेंङौ कमो दोरच़ी कनिंङ साबित लोहग।

याकूब 3:1

हे गिऊ प्यारे साथी विशवासी रे, केहतु बिचंङ महस मीहरे कलीसिया रिंङ उपदेशक था बणेक्तुंई, छना कुचे केहच़ी ञेंच़ातंई, कि हेनर उपदेशको ऊई ला सख्ती रंङ साते न्याय शोतो।

याकूब 3:17

पर अंऊ ज्ञान परमेश्वरो दोरच़ी अपा दुह मुण्डारिंङ ता पवित्र शवाह, दंङ मिलनसार, नेकी ए रूठे स्वभाव, दया, दंङ रूठे कमरंङ साते पिंङषा दंङ ईमानदार ए कपट मेह शवाह।

1 पतरस 1:15

पर हेंतेग केतिंङ भत्ते कम रिंङ अंऊ केहच़ी लहज़ातंई पवित्र शुहबी जूंस, छना कि परमेश्वर पवित्र तोह, अच़ि केतिंङ एनोह कटुरे शुहबिमी थल्जी अंङषी ततो।

1 पतरस 2:12

ऊई जातिऊ मीहतु बिचंङ केहतु व्यवहार रूठे शुहबी जूंस। छना कुचे एंतेग अच़ि केतिंङ मदम कम लहज़ा कुट्रा मीहरे कुचे दोष लगाएपोर, दोरे मीहरे अपेहल परमेश्वर अपतो दुह ध्याड़ा केहतु रूठे कम खंड्रा परमेश्वरो महिमा लोहर।

1 पतरस 2:9

पर केरे झांह ठ्रोह माह तोंई छना कुचे केरे परमेश्वरो अंङषी मीहरे शुई, केरे झांह ठ्रोह यहुदी पुरोहित शुई अंऊ परमेश्वरो रज्ज़ा रूपा रिंङ सेवा लहज़ातंई, केरे परमेश्वरो सेवा लहज़िमी थल्जी समर्पित तोतोंई, दंङ परमेश्वरो एनोह सम्पति शुई। दोई केतिंङ हंयारो दोरच़ी एनोह अद्धभुत छंङीरिंङ अंङषी ततो, ताकि केरे परमेश्वरो अद्धभुत कमो घोषणा लेह तरपोंई।

1 पतरस 3:4

पर केतिंङ केनातु नह्की ए शांत व्यवहारो दोरच़ी केनातिंङ सलटे लेह जूंशी तोह अंऊ सलटे अपेहल ला योहसिमी माह। दंङ अंऊ परमेश्वरो नज़रारिंङ महस कीमती तोह।