याकूब 2:8 - लाहौली बाइबिल

⁸ अगर केरे पवित्रशास्त्रो दि बचनो हिसाबे, “कि केई केनोह पड़ोसीरंङ साते केनोह बराबर दाह लोहू” दंङ हेले पवित्रशास्त्रो भत्ते बे खास कानून मनेक्च़ा ते रूठे लहज़ातंई।

याकूब 2:8 Iomraidhean Croise

मत्ती 22:39

दोऊ ठ्रोह अई दिह तो कि, केई केनोह पड़ोसीतंङ केनोह ठ्रोह दाह तोह।

मत्ती 25:21

दोऊ मालिका ज़ि दोबि कुहतो, धन्य शुनाह हे रूठे ए विशवासो जोगे परगरा कांह थोड़ेरिंङ टंगा ढबाह सोठेक्च़िमी थल्जी विशवास जोगे बंङज़िन; गेह कनिंङ महस धिरो अधिकारी लेह केओग। केनोह मालिको खुशीरिंङ शामिल शुह।

मत्ती 25:23

दोऊ मालिके दोबि कुहतो, धन्य, हे रूठे ए विशवासो जोगे परगरा कांह थोड़े अरे ढबाह सोठेक्च़िमी थल्जी विशवासो जोगे बंङज़िन; गेह कनिंङ मह्सधिरातु अधिकारी बंणाएपोग केनोह मालिको खुशीरिंङ शामिल शुह।

मत्ती 7:12

दिऊ थल्जी केहच़ी मीहतु दोरच़ी केन्दु थल्जी छना लह्जी जुंज़ातंई, केहच़ी ला दोतंङ साते ध्वांए लंहि, छना कुचे मूसाऊ कानून ए भविष्यवक्ताओ लेखो मतलब दिह तोह।

रोमियो 13:10

दाह पड़ोसीऊ छल्ले बुराई माह लहज़ा, झांह लेह अच़ि दाह लहज़ा, दोई कानून पूरा लहज़ा।

गलातियों 5:14

छना कुचे भत्ते मूसा ओ कानूनो निचोड़ सिर्फ इच्च़ा गप्पारिंङ ब्याके तोह: “कि काह केनोह पड़ोसीरंङ साते केनोह ठ्रोह दाह लोह।”

गलातियों 6:2

अपेहल हेंदु बिचंङ अरिया मुसीबता रिंङ शोतो ता, दंङ हेंदिंङ इदि-अई दिऊ मदत लेह जूंशी तोह, दंङ झांह लेह हेनर मसीहू कानूनो भाषे लहज़ातंई।

फिलिपियों 4:14

दंङ तांला केहच़ी रूठे लहरिन कि गिऊ कलेशा रिंङ गिह्बी ढबाह रंड्रीमी दोरच़ी गिऊ साथी शुहचे ईलांई,

1 थिस्सलुनीकियों 4:9

दंङ विशवासी भाईचाराऊ दाह ओ पाहठी दि ज़रूरी माह कि गेह केतिंङ छा च़ेओग, छना कुचे केनातु बिचंङ दाह तहच़ि केहच़ी केनाच़ि ए परमेश्वरो दोरच़ी सीखेसी तातंई;

याकूब 1:25

दुह मीह अंऊ परमेश्वरो सिद्ध कानूनो ध्याना रंङ साते अध्धयन लहज़ा अच़ि मीहतिंङ पापो दोरच़ी मुक्त लहज़ा, दोई एनोह कमरिंङ झांह लेह आशीष खोकपोतो कि रेड्राते माह पेहषा, पर ध्वांए ए कम लहज़ा।

याकूब 2:12

दुह मीहतु ठ्रोह कुंई दंङ व्यवहार लंहि, अतु फेंसला नियम कानूनो ठ्रोह शोतो अंऊ हेंदिंङ आज़ाद लेह च़रच़ा।

याकूब 2:19

कनिंङ विशवास तोह कि इच्च़ा ए परमेश्वर तोह; केई रूठे लहज़ातन; मांजी आत्माज़ि ला झांह ठ्रोह विशवास लहज़ातोर, दंङ डकेक्पा तोर।

याकूब 4:11

हे गिऊ प्यारे साथी विशवासी रे, इदि-अईदिऊ बदनामी थालंही, अंऊ एनोह न्वाऊ बदनामी लहज़ा, या न्वाऊ टोहकठे दोष लगाईचा; अपेहल केहच़ी नियम ए कानूनो टोहकठे दोष लगाएच़ातंई, दंङ काह नियम ए कानूनो माह मनेक्च़ा शुनाह, पर केनाह कानूनो न्याय लहज़ा बणेंके यवातन।

1 पतरस 2:9

पर केरे झांह ठ्रोह माह तोंई छना कुचे केरे परमेश्वरो अंङषी मीहरे शुई, केरे झांह ठ्रोह यहुदी पुरोहित शुई अंऊ परमेश्वरो रज्ज़ा रूपा रिंङ सेवा लहज़ातंई, केरे परमेश्वरो सेवा लहज़िमी थल्जी समर्पित तोतोंई, दंङ परमेश्वरो एनोह सम्पति शुई। दोई केतिंङ हंयारो दोरच़ी एनोह अद्धभुत छंङीरिंङ अंङषी ततो, ताकि केरे परमेश्वरो अद्धभुत कमो घोषणा लेह तरपोंई।