याकूब 2:6 - लाहौली बाइबिल

⁶ पर केहच़ी दुह गरीबो अपमान लहरिन, केहच़ी ञेंच़ातंई कि दि साहुकार मीहरे अंऊ केहतु टोईच़ी अत्याचार लहज़ा तोर। दोरे ए शुहर अंऊ केतिंङ ज़बरदस्ती कोर्टंङ शिलज़ा तोर।

याकूब 2:6 Iomraidhean Croise

यहून्नो 8:49

यीशु ज़ि जुबाब रेंई, “गिऊ अंद्रेग मांजी आत्मा माह; पर गेह घेंङौ पिता परमेश्वरो आदर लोहवातग दंङ केहरे गिऊ निरादर लोहवातन।

प्रेरित 13:50

तांला यहुदी मीहतु सेंहणा ज़ि भक्त ए रूठे मेच़िमीतिंङ दंङ शहरो अगुवा तिंङ भड़काएतिर, कि दोच़ी पोलुस ए बरनबासा बि सताएपोर। दोच़ी दोतिंङ दुह एनोह इलाका ओ दोरच़ी धह्तेका हुंच़े च़रतिर।

प्रेरित 17:6

दंङ दोतिंङ दोहर माह खोकसिरी रंङ साते, दोरे दिह हाऊष रंड्रा यासोंन ए रेह विशवासी तिंङ नगरो अधिकारी तु तुईज़ी षोह्के हतिर, “दिरे मीहरे, अंऊ दोच़ी भत्ते ठहरि रिंङ तहस-नहस लेह च़रतिर, देहर ला अंज़े तोतोर।

प्रेरित 18:12

अपेहल गल्लियो अखाया प्रदेशो राज्यपाल तोहई दंङ यहुदी मीहरे ठ्रोहका शुहचे पोलुसो खिलाप खड़े शुहचे इलिर, दंङ दोबि कोर्टो तुहई ज़ि हंजे कुट्री लेहतिर,

प्रेरित 8:3

पर शाऊल कलीसियाओ मीहतिंङ परेशान लहज़ी लेहकी तोहई; दंङ हर इच्च़ा ओ चुंङ इलज़ा-इलज़ा बिशवासी मीह तिंङ च़ुमने जेलंङ केट्री चरच़ाते।

1 कुरिन्थियों 11:22

केरे केनातु चुंङ ज़ै ए तुंङमी तरपोंई! केतिंङ च़ेहसा कि परमेश्वरो कलीसिया खास माह, दंङ केरे दू मीहतिंङ शर्मिन्दा लहज़ातंई अंऊ गरीब तोतोर। गिह्बी केतिंङ छि कंड्री जूंशी तोह? छि गिह्बी केहतु तरीफ लेह जूंशी तोह आ? गेह झांह लहज़िमी थल्जी केहतु तरीफ माह लहज़ातग।

याकूब 2:3

दंङ केरे दुह रूठे खमज़ेर लेहसी दोबि महस आदर रंड्रा कुंई, “काह देर्तिंङ रूठे ठाहरीरिंङ बंङज़ु,” दंङ दुह गरीबो हखा कुंई, “काह देर खड़े बंङज़ु” या गिऊ “कोन्ज़ो कछंङ बंङज़ु।”

याकूब 5:4

खंई, अंऊ मज़दूरा ज़ि केहतु रिहऊ फसल वलज़ातेर, दोतु दुह मज़दूरी अंऊ केहच़ी धोखा रिंङ केनातु कछंङ तहसी तातंई, दोरे मज़दूर केहतु खिलाप परमेश्वरो तुईज़ी हाऊष रंड्री लेह्की तोतोर, दंङ फसल ट्रिकट्रा तु क्रपि सेनाओ प्रभु ज़ि थाक्शे चरच़तो।

याकूब 5:6

केहच़ी धर्मी बि दोषी ठहराइगी ते सच़ी च़रतिन; दंङ दोई केहतु छल्ले विरोध माह लहरी।