याकूब 2:5 - लाहौली बाइबिल

⁵ हे गिऊ प्यारे साथी विशवासी रे रेड्रुंई। छि परमेश्वरे दि संसारो गरीबातिंङ अंङे चरच़तो कि दोरे विशवासरिंङ साहुकार, दंङ दुह राज्यऊ अधिकारी शोर, अतु वाईदा परमेश्वरे दोतंङ साते लहसी ततो, अंऊ दोहरंङ साते दाह लहज़ा तोर?

याकूब 2:5 Iomraidhean Croise

मत्ती 11:5

कि काणे दोच़ी खमातोर, लट्टे दोरे जोज़ातोर, कोढ़ीरे शुद्ध शवाहतोर टंऊंणे दोच़ी थचातोर, सिए दोरे षीङमी लोहातोर, कंगालतिंङ रूठे खबर खोकसा।

मत्ती 25:34

दंङ गेह रज्ज़ा घेंङौ सुचंङ हासी दोतंङ कोहग, हे गिऊ स्वर्गीय बाहऊ धन्य मीहरे, अतंई, दुह राज्यो हकदार शुहचे ईलांई, अंऊ संसारो शुरुआतबे केहतु थल्जी त्याहर लहसी तोह।

मत्ती 5:3

“धन्य शुहरे दोरे, अरी परमेश्वरो थल्जी एनोह ज़रुरतो एहसास लहज़ातोर, छना कुचे स्वर्गो राज दोतु शुह।

मरकुसो 7:14

दंङ यीशुज़ि दुह भत्ते दि एनोह कछंङ बुलाके कुट्री लेहती, “केहच़ी भत्तेज़ि गिऊ गप्पा रेड्रा दुह समझेकतानि।

लूको 12:21

ध्यांए दुह मीहरंङ साते शोतो, अच़ि भत्ते धिर एनोह थल्जी ठ्रोहका लहज़ा, पर परमेश्वरो सेवा लहज़िमी थल्जी एनोह ताकत ए टंगा ढबाओ इस्तेमाल माह लहज़ा।”

लूको 12:32

“केहरे गिऊ नज़रा त्रेंईतु क्वाच़ी झुण्डो ठ्रोह शुई, बेंईन था; छना कुचे केहतु बाह परमेश्वर बि दी रुठे चेहसिरी कि केहतु सेहमरिंङ राज लोहतो।

लूको 16:22

दंङ झांह शुई कि इच्च़ा ध्याड़ा दुह गरीब मीह सीए इलि, दंङ परमेश्वरो स्वर्गदूता ज़ि दुह कुर्ज़े ञेंहतु बाह-मेमे अब्राहम रंङ साते इज्ज़तदार ठाहरीरिंङ तहरि। दंङ दुह साहुकार मीह लाह सीए इलि दंङ मीहज़ी दुह ला पथेके च़रति।

लूको 16:25

पर अब्राहमे कुहतो, हे योह, हिद लोहऊ कि केई केनोह ज़िन्दगीरिंङ रूठे चीज़ा रंङ साते आराम लहतन। दंङ दिह लाज़रे ला महसे दुख उठाके चरच़तो, दा हेंतेग दिह देर्तिंङ सुख शांतिरंङ साते तोह दंङ कांह टेहषीरिंङ तंड़पेक्पी लेहकी तोतन।

लूको 22:29

दंङ छना गिऊ बाह परमेश्वरे ए गिऊ थल्जी राज्य ठेहराएसी ततो ध्वांए गेह लाह केहतु थल्जी ठेहराएपोग,

लूको 6:20

दंङ यीशुज़ि एनोह चेला तु हखा खांई कुंई, “धन्य शुहरे दोरे, अरी परमेश्वरो थल्जी एनोह ज़रुरतो एहसास लहज़ातोर, छना कुचे स्वर्गो राज दोतु शुह।”

यहून्नो 7:48

छि अधिकारी ए फरीसी मीहतु बिचंङ च़ि अच़िया दोऊ टोहकठे विशवास लाहतेर?

प्रेरित 7:2

“स्तिफनुस ए कुड़ी, हे न्वारे, हे सेंहणारे रेड्रुंई, ञेंहतु बाह-मेमे अब्राहम हारान नगरंङ बसेक्‌पि बे तुहई अपेहल मेसोपोटामिया प्रदेश मिंदंङ ठहरि रिंङ तोहई; ता महिमा रंङ परमेश्वरे दोबि दर्शन रांई,

रोमियो 8:17

अगर हेनर परमेश्वरो कटुरे शुई ता दोऊ वारिस ला शुई, पर परमेश्वरो वारिस ए मसीह रंङ साते वारिस तोईनी। अगर हेनर यीशु रंङ साते दुख उठाएपोंई, दंङ हेनर दोऊ महिमा रिंङ ला सहभागी शुहचे योंई।

1 कुरिन्थियों 2:9

पर छना पवित्र शास्त्रारिंङ च़ेहसी तोह, “माह अच़िया अपेहला तंङरिर, दंङ माह अच़िया अपेहला रेड्रीर, दंङ माह ए अपेहला अच़िया दू रूठे चीज़ा तु पाहठी सोचेक्सी तोह, अंऊ परमेश्वरे दू मीहतु पाहठी तेयार लहसी तोह अंऊ दोरंङ साते दाह लहज़ातोर।”

2 कुरिन्थियों 4:15

छना कुचे भत्ते दुख अंऊ हेंज़ी सहन लहज़ातंई केहतु थल्जी शुह, ताकि परमेश्वरो मोह्ड़े दाह ओ दोरच़ी महसे बे महसे मीहतु पता लेहकी योतो कि परमेश्वर अंयों दाह लहज़ा तोह, दंङ परमेश्वरो महिमा ए स्तुति लोहनि।

2 कुरिन्थियों 6:10

हेंदु कछंङ हेंदु टेम तोहई, पर हमेशा खुश बंङज़ातंई। हेनर कंगाल तोतोंई, पर महस मीहतिंङ आत्मिक तरीका रंङ साहुकार बणाके चरच़ातंई। हेनर झांह तोतोंई कि हेंदु कछंङ छल्ले माह, तांला हेंदु कछंङ भत्ते धिर तोह।

2 कुरिन्थियों 8:9

केहच़ी ञेंहतु प्रभु यीशु मसीहू मोह्ड़े दाह ञेंच़ातंई, कि दू साहुकार शुहचे ला केहतु थल्जी गरीब शुहचे इलि ताकि दोऊ गरीब शुहबी रंङ साते केरे साहुकार शुहचे ईलांई।

इफिसियों 1:18

गेह दि ला प्रार्थना लहज़ातग कि दू सच्चाई बि समझेक्सिमी थल्जी केहतु मदत लोहतो, दंङ दू उम्मीद अंऊ केतिंङ रांहषी ततो अपेहल परमेश्वरे केतिंङ अंङे चरच़ाते। ताकि केहच़ी ञेंई च़रतुंई कि दू आशीष अंयों मोह्ड़े ए महिमामय तोह अतु वाईदा परमेश्वरे एनोह मीहतंङ साते लहसी तहरे।

इफिसियों 3:8

गेह परमेश्वरो भत्ते मीहतु बिचंङ कवचि शुगाह, पर परमेश्वरो मोह्ड़े दाह गिऊ टोहकठे शुई, कि गेह ऊईजाति मीहतिंङ मसीहू महसे आशीषो पाहठी रूठे खबर सुनाएपोग। दि आशीष अंऊ मसीहू दोरच़ी खोकसा, दुह मीहतु समझ बे धकते तोह।

1 थिस्सलुनीकियों 2:12

ताकि केहतु चाल चलनो दोरच़ी परमेश्वराबि महस इज्ज़त खोकसोतो, अंऊ केतिंङ एनोह राज ए महिमारिंङ भागीदार शुहबिमी थल्जी बुलाएच़ा।

2 थिस्सलुनीकियों 1:5

दिह भत्ते परमेश्वरो सच्चे फेंसला ओ साफ सबूत तोह, कि केरे परमेश्वरो राज्यो जोगे शुई, अतु थल्जी केहच़ी भत्ते ज़ि दुख उठाएच़ातंई।

1 तीमुथियुस 6:18

दोतिंङ भलाई ऊ कम लहज़िमी थल्जी कुह, दंङ ऊईतु थल्जी छिल्ला ज़रूरत तोह दोबि महस खुले सेहमे दान रम्मा लंहि।

2 तीमुथियुस 4:18

प्रभु गिह्बी हर इच्च़ा मदम कमो दोरच़ी बचाएपोतो अंऊ गिऊ नुकसान लहज़ा, दंङ दोई गेह एनोह स्वर्ग राजारिंङ सही-सलामत रैंज़ा शोतो। दोऊ महिमा हमेशा शुहवा लोहतो। अमीन।

2 तीमुथियुस 4:8

दंङ हेंतेग जीतो दुह मुकुट गिऊ थल्जी रुमज़ा, छना कुचे गेह घेंङौ जीवनो दोरच़ी परमेश्वराबि खुश लहतेग। प्रभु अंऊ धर्मिकताओ कम रंङ साते भत्ते मीहतु न्याय लहज़ा दुह, दुह ध्याड़ा गिह्बी दुह मुकुट रमतो अपेहल न्याय लहज़िमी थल्जी दोबारा अपतो पर दुह गिह्बी ए मशत पर दोतिंङ भत्ते दि ईनाम रमतो अंऊ दोऊ यह्च़ा अपिमी थल्जी रुमज़ा तोतोर।

इब्रानियों 11:26

मूसा ज़ि ञेंच़ाते कि मिस्त्र देशो खज़ाना ओ तुलना ओ बे मसीह बि दुख उठाती महस रूठे तोह, छना कुचे झांह लहज़िमी रंङ साते परमेश्वर दोबि स्वर्गो दोरच़ी ईनाम रमतो।

याकूब 1:12

धन्य शुह दुह मीह, अंऊ परीक्षारिंङ खड़े बंङज़ा, अपेहल दुह परीक्षा दोरच़ी पार शुहचे यवाह दंङ दोबि इच्च़ा ईनाम खोकसोतो। अंऊ अनंत जीवनो दुह मुकुट तोह अपि रंड्रीमी वाईदा परमेश्वरे एनोह दाह लहज़ा तंङ साते लहसी ततो।

याकूब 1:16

हे गिऊ प्यारे साथी विशवासी रे, धोखा थाज़ई।

याकूब 1:19

हे गिऊ प्यारे साथी विशवासी रे, दि गप्पा केहच़ी ञेंई च़रतुंई; हर इच्च़ा मीह रेड्रीमी थल्जी तेयार दंङ कुट्री ए रोहष सूले शुहबी जूंस।

याकूब 1:9

दोरे विशवासीरे अंऊ गरीब तोतोर दोतिंङ खुश शुहबी जूंस छना कुचे दोरे परमेश्वरो थल्जी खास तोतोर।

1 पतरस 1:4

हेनर दू विरासता बि खोकच़िमी थल्जी रुमज़ा तोतोंई अंऊ परमेश्वरे हेंदु थल्जी तेयार लहसी ततो। अरिला अपेहला दू चीज़ातिंङ नाश लेह मरच़ा। अच़िला ला दू खराब लेह मरच़ि। दू अपेहला युई या दोऊ सलटे रिंङ कमी माह अपतो। परमेश्वरे दू चीज़ स्वर्गंङ तहरि।

2 पतरस 1:11

पर परमेश्वर केहतु दुह राज्य रिंङ रूठे रंङ स्वागत लोहतो अंऊर यीशु मसीह तोह, अंऊ हेंदु प्रभु ए हेंदु उद्धारकर्ता तोह, अंऊ हमेशा ओ थल्जी रज्ज़ा ओ रूपा रिंङ राज लोहतो।

प्रकाशित वाक्य 2:9

गेह ञेंहच़ातग कि कनिंङ तंगी तोह दंङ काह गरीब तोतोन। पर आत्मिक रूपारिंङ काह महस साहुकार तोतोन। गेह दुह यहुदी मीहतु पाहठी ञेंच़ातग अंऊ दोच़ी दावा लहज़ातोर कि दोरे परमेश्वरो अंङषी मीहरे शुरे, पर तोतोर माह। दोरे कनु पाहठी मदम गप्पा कुट्रातोर, पर हेले रिंङ दोरे दुह झुंडो मीहरे शुरे अंऊ शेतानो तोह।

प्रकाशित वाक्य 21:7

अंऊ जय खोकपोरे, दोरे गिऊ दोरच़ी दि भत्ते आशीष खोकपोरे; दंङ गेह दोतु परमेश्वर शोहग, दंङ दुह गिऊ योह शोतो।

प्रकाशित वाक्य 3:18

झांह लेह गेह कनिंङ खबरदार लहज़ातग कि कनिंङ गिऊ दोरच़ी रूठे ज़ंङ च़ुमसी लेह्पोतो ताकि काह हेले रिंङ साहुकार बणेंके तरपोन। कनिंङ गिऊ दोरच़ी लेहच़िमी थल्जी छंङसी खमज़ेर ला च़ुमज़ि जूंशी तोह ताकि कनु फुक कपषा बंङज़तो दंङ काह शर्मिन्दा शुहबी मेस। दंङ कनिंङ केनोह टिरो इलाज लहज़िमी थल्जी गिऊ दोरच़ी अव्षत ला च़ुमज़ि जूंशी तोह ताकि केई खंड्री तरपोन।