याकूब 2:12 - लाहौली बाइबिल

¹² दुह मीहतु ठ्रोह कुंई दंङ व्यवहार लंहि, अतु फेंसला नियम कानूनो ठ्रोह शोतो अंऊ हेंदिंङ आज़ाद लेह च़रच़ा।

याकूब 2:12 Iomraidhean Croise

लूको 4:18

“प्रभुऊ आत्मा गिऊ टोईच़ी तोह, छना कुचे कि दोई गरीबातिंङ रूठे खबर सुनाएच़िमी थल्जी गिऊ अभिषेक लहसी शुह। दंङ गेह दिऊ थल्जी चरच़ि शुगाह कि केदीतिंङ छुटकारा ए कांणे दोतिंङ खंड्रिमी रूठे खबर सुनाएपोग, दंङ दुखी ए लचार मीहतिंङ दोतु दोरच़ी छुड़ाएपोग अच़ि दोतु टोईच़ी अत्याचार लाहतोर,

यहून्नो 8:32

केहरे सच्चाई ञेंहपोन दंङ सच्चाई केतिंङ आज़ाद लोहतो।”

गलातियों 6:2

अपेहल हेंदु बिचंङ अरिया मुसीबता रिंङ शोतो ता, दंङ हेंदिंङ इदि-अई दिऊ मदत लेह जूंशी तोह, दंङ झांह लेह हेनर मसीहू कानूनो भाषे लहज़ातंई।

फिलिपियों 4:8

झांह लेह, हे गिऊ प्यारे साथी विशवासी रे, अंऊ-अंऊ गप्पारे हेले तोह, दंङ अंऊ-अंऊ गप्पारे आदरो जोगे तोह, अंऊ-अंऊ गप्पारे ठीक तोरे, अंऊ-अंऊ गप्पारे पवित्र तोह, अंऊ-अंऊ गप्पारे सलटे तोतोर, दंङ अंऊ-अंऊ गप्पारे सेहमा गमेकी तोह मतलब अंऊ गप्पा रूठे ए षटणो जोगे तोह दोतु टोईच़ी ए केहतु सेहम लेहकी बंङज़ी जूंस।

कुलुस्सियों 3:17

दंङ अंऊ बचन ला केहच़ी कुट्रातंई या छिल्ल ला लहज़ा तंई भत्ते धिर प्रभु यीशु मिंदंङ साते लंहि, दंङ प्रभु यीशु दोरच़ी परमेश्वरो बाहऊ धन्यवाद लंहि।

याकूब 1:25

दुह मीह अंऊ परमेश्वरो सिद्ध कानूनो ध्याना रंङ साते अध्धयन लहज़ा अच़ि मीहतिंङ पापो दोरच़ी मुक्त लहज़ा, दोई एनोह कमरिंङ झांह लेह आशीष खोकपोतो कि रेड्राते माह पेहषा, पर ध्वांए ए कम लहज़ा।

याकूब 2:8

अगर केरे पवित्रशास्त्रो दि बचनो हिसाबे, “कि केई केनोह पड़ोसीरंङ साते केनोह बराबर दाह लोहू” दंङ हेले पवित्रशास्त्रो भत्ते बे खास कानून मनेक्च़ा ते रूठे लहज़ातंई।