याकूब 1:5 - लाहौली बाइबिल

⁵ अगर केहतु बिचंङ अतिंङ बुद्धि ऊ कमी तोह, दंङ परमेश्वरो दोरच़ी पेट्रोंई, अच़ि बिना गलती मेह भत्ते तिंङ भरपूरी रंङ साते रंड्रा, दंङ परमेश्वरे केतिंङ ला रमतो।

याकूब 1:5 Iomraidhean Croise

मत्ती 11:20

दंङ यीशुज़ि दुह मीहरे रैहति अरी दुह शहरंङ बंङज़ातेर, अंऊर दोई महस सामर्थो कम लहसी तहरे; छना कुचे दोच़ी एनातु सेहम पापो दोरच़ी माह यह्च़ा तेर।

मरकुसो 16:14

दोहथल यीशु दोरे सेईदि चेला तिंङ ला तंङसिरी, अपेहल दोरे बगत ज़ेह लेहकी तोईरे। यीशुज़ि दुह चेलार रैहच़ी च़रति छना कुचे दोतु सेहम ढिट शुहचे इलजी तोहई। अच़िला यीशु बि श्रींङमी थल खंञातेर, दोतु गप्पारिंङ चेलाज़ि विशवास माह लहरिर।

यहून्नो 14:13

दंङ छिला धिर केहरे गिऊ मिन्ज़ी पेट्रोनी, दुहए गेह लोहग कि गेह मीहू योह दोरच़ी पिता परमेश्वरो महिमा शोतो।

यहून्नो 15:7

अगर केहरे गेरंङ बणेंके बंङज़ोन, दंङ गिऊ शिक्षा केतंङ शोतो ता छिला धिर पेट्रोंई ता गेह दुह लोहग।

यहून्नो 4:10

यीशु ज़ि दोबि जुबाब रेंई, “केई माह ञेंहच़ातन कि परमेश्वरे कनिंङ छि रंड्री ततो, दंङ केई माह ञेंहच़ातन कि अरी कांह दोरच़ी ती पेट्री लेहकी तोह। अगर कनिंङ पता शुंईयां ता केई गिऊ दोरच़ी दिह पेट्री तोहई दंङ गेह कनिंङ जीवनो ती रेंईयां अच़ि जीवन रंड्री।”

2 कुरिन्थियों 2:16

पर दोतु थल्जी अंऊ विनाशो अमरिंङ तोतोर, दोरे सिमी झांह ठ्रोह झखंजी बासो ठ्रोह तोतोर अंऊ दोतिंङ मौतो हखा रैंज़ा शिलज़ा; पर दोतु थल्जी अंऊ उद्धारो अमरिंङ तुंखा शवाहतोर, दि जीवनो झांह ठ्रोह रूठे बास तोह अंऊ जीवनो हखा रैंज़ा शिलज़ा। हेले रिंङ, अरिला एनोह दोरच़ी दिऊ जोगे माह अंऊ मसीहू ज्ञानो रूठे बास फैलाके तरपोतो।

याकूब 1:17

छना कुचे हर इच्च़ा रूठे वरदान दंङ हर इच्च़ा रूठे दान परमेश्वरो दोरच़ी खोकसा, अच़ि सर्गंङ भत्ते छंङी तिंङ बणाएक्तो। परमेश्वर हमेशा इच्च़ा ठ्रोह तोह दंङ दुह सिलमो ठ्रोह लेहक्सा माह।

याकूब 3:17

पर अंऊ ज्ञान परमेश्वरो दोरच़ी अपा दुह मुण्डारिंङ ता पवित्र शवाह, दंङ मिलनसार, नेकी ए रूठे स्वभाव, दया, दंङ रूठे कमरंङ साते पिंङषा दंङ ईमानदार ए कपट मेह शवाह।

याकूब 5:16

झांह लेह केरे केनातु बिचंङ इदि, अईदिऊ तुईज़ी केनातु-केनातु पाप मनेके च़रतुंई, दंङ इदि-अईदिऊ थल्जी प्रार्थना लंहि, अंऊ दिरंङ केरे आईन शुहचे योंई; धर्मी मीहू प्रार्थना सामर्थी शुहबी दंङ दोऊ अद्धभुत नतीज़ा खोकसी।

1 यूहन्ना 3:22

दंङ छिल्ल धिर हेंज़ी परमेश्वरो दोरच़ी पेट्रातंई, दुह हेन्दिंङ दोऊ दोरच़ी खोकसा, छना कुचे हेनर दोऊ हुकुम मनेक्च़ा तोंई, दंङ अंऊ परमेश्वरा बि रूठे च़ेहसा दुह ए लहज़ातंई।