याकूब 1:4 - लाहौली बाइबिल

⁴ केतिंङ हर इच्च़ा मुसीबत रिंङ धीरज़ रंङ साते बंङज़ी सिखेक्सी जूंशी तोह, ताकि केरे आत्मिक जीवन रिंङ सिद्ध शुहचे योंई, दंङ केतिंङ अंऊ ला रूठे गुणो कमी माह शोतो।

याकूब 1:4 Iomraidhean Croise

मत्ती 10:22

दंङ गिऊ टोहकठे विशवास लहज़िमी रंङ साते भत्ते मीहच़ी केतंङ साते बैर लोहर; पर अंऊ दुखो अनंत तचेक गिऊ टोहकठे पक्‍का विशवासरिंङ बंङज़ोतो, परमेश्वरे दुह बचाके च़रपोतो।

मत्ती 19:20

दुह छोकराज़ि कुड़ी, “दिह भत्ते गप्पारे ता गेह मनेक्च़ातेग; दा गिऊ अंद्रेग छि गप्पो कमी तोह?”

मत्ती 5:48

दिऊ थल्जी केतिंङ झांह ठ्रोह मीहरंङ साते दाह लहज़िमी ज़रूरत तोह अरी केतंङ साते दाह माह लहज़ातोर, छना केहतु स्वर्गो बाह परमेश्वर सिद्ध तोह।”

मरकुसो 10:21

दंङ यीशुज़ि दुह मीह ऊ हखा महस दाह रंङ साते खांई दंङ दोऊ हखा कुहतो, “कनु थल्जी इच्च़ा कम तोह अंऊ कनिंङ लहच़िमी तोह छि केई तातन दोबि लंङहे च़रतु दंङ अंऊ टंगा-ढबाह तातन दुह गरीबातिंङ रें च़रतु। दंङ दोऊ थल अंज़े का गिऊ चेला बणेकतु। दंङ कनिंङ स्वर्गंङ असली धन खोकसोतो।”

लूको 18:22

दिह रेड्रीरंङ यीशुज़ि कुहतो, “कांह अंद्रेग अयता ला इच्च़ा गप्पो, कमी तोह केनोह भत्ते धिर लंङहे च़रतु दंङ अंऊ टंगा-ढबाह तातन दुह गरीबातिंङ रें च़रतु। दंङ दोऊ थल अंज़े का गिऊ चेला बणेकतु। दंङ कनिंङ स्वर्गंङ असली धन खोकसोतो।”

लूको 21:19

“केन्दु ज़कसिमी बजाहज़ि केहच़ी केनातु जहानो बचाके तोहई।”

लूको 8:15

अंऊ बैएजा रुठे ज़मीनारिंङ दचाते, दुह महसे फलेक्ति। दिऊ मतलब दिह शुह कि रेह मीहच़ी परमेश्वरो बचन रुठे रंङ साते रेड्रा दोऊ टोहकठे जोज़ी दंङ विशवासारिंङ बड़ेक्पातोर।

यहून्नो 17:23

गेह दोतंङ दंङ कांह गेरंङ तोतोन कि दोरे पवित्र शुहचे इच्च़ा शुहबी जूंस, दंङ संसारो मीहरे ञेंहपोर कि केई ए गेह चरच़ि शुगाह, दंङ छना केई गेरंङ साते दाह लहरिन, ध्वांए दोतंङ साते ला लहरिन।

1 कुरिन्थियों 2:6

तांला गेह दोतिंङ, अंऊ आत्मिक रूपारिंङ पक्‍का तोतोर, ज्ञान पिंङषी खबर रंड्रातग पर दि ज्ञान माह दि जुगो शुह दंङ माह ए दुह जुगो अधिकारी तु शुह, अतु नाश शुहबी पक्‍का तोह।

गलातियों 6:9

हेनर रूठे कम लहज़िमी रंङ साते परेशान शुहबी माह जूंस, छना कुचे अगर हेनर परेशान माह शोंई, दंङ परमेश्वरो ठीक टेमारिंङ ईनाम खोकपोंई।

कुलुस्सियों 4:12

इपफ्रास, अंऊ केहतु नगरो तोह, दंङ मसीह यीशु दास तोह, केतिंङ नमस्कार कुट्रा। दोई केहतु थल्जी सेहमारंङ प्रार्थना लहज़ा, ताकि परमेश्वर केतिंङ पक्‍का ए सिद्ध बणाके दंङ केरे भत्ते विशवासारंङ साते परमेश्वरो हिटी पूरा लोहवा लोंहि।

1 थिस्सलुनीकियों 5:23

शांति ऊ परमेश्वर एनेह ए केतिंङ भत्ते रीतिरंङ साते पवित्र लोहतो; दंङ केहतु भत्ते आत्मा, प्राण फुक हेंदु प्रभु यीशु मसीहू यह्च़ा वापिस अंजा तचेक दोष मेह बणाके तंही।

2 तीमुथियुस 3:17

ताकि परमेश्वरो मीह सिद्ध बड़ेक्पोतो, दंङ हर इच्च़ा रूठे कमो थल्जी तेयार ए काबिल शुहचे बंङज़ोतो।

याकूब 1:5

अगर केहतु बिचंङ अतिंङ बुद्धि ऊ कमी तोह, दंङ परमेश्वरो दोरच़ी पेट्रोंई, अच़ि बिना गलती मेह भत्ते तिंङ भरपूरी रंङ साते रंड्रा, दंङ परमेश्वरे केतिंङ ला रमतो।

याकूब 3:2

हेनर महसे फेरा पेहषा। अगर अरिया मीह अंऊ ला दोई कवात दोरिंङ छिल्ला गलती माह लहज़ातग, दंङ दुह सिद्ध मीह शुह; दंङ एनोह भत्ते फुको टोईच़ी नियंत्रण लेह तरच़ा।

1 पतरस 5:10

हेंतेग परमेश्वर अंऊ भत्ते तरीका रंङ मोह्ड़े दाह ए पिंङषा तोह, दोई हेंदिंङ यीशु मसीह रंङ साते हेंदु नाता ओ थल्जी स्वर्गा रिंङ दोऊ अनंत महिमा ओ थल्जी सहभागी शुहबिमी थल्जी हेनर अंङे च़रति। केहतु थोड़े टेमो दुख सहन लहज़िमी थल, परमेश्वर केतिंङ रूठे बणाके च़रपोतो ताकि केहतु अंदरेग ला छल्ले शुहबी मेस दंङ परमेश्वर केतिंङ पक्‍का लोहतो ताकि केहतु विशवास पक्‍का शोतो।

2 पतरस 1:9

पर अतु अंदरेग दि गुण माह दुह, दू मीहू ठ्रोह तोह अतु नज़र धोंण कमज़ोर तोह कि दोई खंड्री मरच़ा, दंङ पेहषा इलजी तोह कि परमेश्वरे दोबि दोऊ पुराना पापो दोरच़ी माफ लेह चरच़तो।