याकूब 1:26 - लाहौली बाइबिल

²⁶ अगर अच़िया एनाबि भक्त समझेक्च़ा, पर मांजी गप्पा कुट्रिमी थल्जी एनोह लेह रिंङ काबू माह तहज़ा दंङ दुह एनाबि धोखा रंड्रा, दंङ दोऊ भक्ति बेकार तोह।

याकूब 1:26 Iomraidhean Croise

मत्ती 15:9

दोच़ी गिऊ अराधना दिखावो थल्जी लाहतोर दंङ मीहतु बणाएष्री नियमो टोहकठे ज़ोज़तोर ए दोतिंङ सिखाएच़ातोर।”

मरकुसो 7:7

दिहरे गिऊ महिमा फज़ुल ए लहज़ातोर दंङ मीहतु बणाएष्री नियम सिखाएच़ातोर।

लूको 8:18

दिऊ थल्जी खबरदार बंङज़ुंई कि केहच़ी छना रेड्रातंई? छना कुचे अतु कछंङ समझ तोह, दोबि ऊई ला महस खोकसोतो, दंङ अतु दोहर छले माह, दोऊ दुह थोड़े समझ ला योह्सा योतो, अंऊ दोऊ कछंङ तोहई, अतिंङ दुह एनोह ञेंहच़ा।”

1 कुरिन्थियों 15:15

दिऊ अलावा, हेनर साफ तरीका रंङ दुह गवाह शुई अंऊ दोच़ी परमेश्वरो पाहठी हप्सी कुहषी तातंई छना कुचे हेंज़ि गवाही रंदेनि कि दोई मसीह बि सिए दोतु बिचंङ ज़ि यह्च़ा श्रींङमी लहरी। पर अगर दि हेले तोह कि सिए दोरे श्रींङमी माह, दंङ परमेश्वरे मसीह बि सिए दोतु बिचंङ ज़ि श्रींङमी माह लहरी।

1 कुरिन्थियों 15:2

अगर केरे दुह रूठे खबरो टोईच़ी विशवास तंही अतु गेह केहतु बिचंङ प्रचार लहतेग, दंङ दुह रूठे खबरो दोरच़ी परमेश्वरे केतिंङ बचाएच़ा। माह ता केहतु विशवास लहज़ी शुह्के शुह।

1 कुरिन्थियों 3:18

अगर केहतु बिचंङ अरिला दि सोचेक्च़ा कि दू दि संसारो मीहतु नज़रारिंङ ज्ञानवान तोह, दंङ केतिंङ दि संसारो नज़रारिंङ केनातिंङ मुर्ख बणाषी जूंशी तोह, ताकि केरे हेले रिंङ परमेश्वरो तुईज़ी ज्ञानवान बणेंके तरपोंई।

गलातियों 2:6

यरूशलेमो कलीसिया ओ दू अगुवा ज़ि, अंऊ खबरा रिंङ सिखाएच़ातेर दोबि लहसिमी थल्जी गेह मज़बूर माह लहरिर। गिह्बी दि गप्पो दोरच़ी छल्ले फर्क माह पढेक्पी कि दोरे अगुवा अंयों खास तोतोर, छना कुचे परमेश्वर धकते कि रूप खंड्रा अपेहल ला न्याय माह लहज़ा।

गलातियों 2:9

अंऊ मीहरे कलीसिया ओ अगुवा समझेक्च़ातंई, मतलब याकूब, बरनबास, कैफा ए यूहन्ना, दोच़ी मोह्ड़े दाह ओ दू वाईदा सेहच़ी चरच़ातोर अंऊ गिह्बी खोकसा तोह। दोच़ी हेंदंङ साते गुह्ट्र मिलाके दि कंङातोर कि दोरे हेंदंङ साते राजी तोईरे। दोरे दि गप्पो थल्जी राजी शुईरे कि हेनर ऊईजाति तु कछंङ रूठे खबर सुनाएच़िमी थल्जी योंई दंङ दोरे यहुदी तु कछंङ।

गलातियों 3:4

छि केहतु भत्ते दुख अंऊ केहच़ी विशवासी बणेंके थल सहन लहज़ातंई बेकार शुहचे इलदोर आ? गेह हेलेरिंङ उम्मीद लहज़ातग कि दिरे बेकार माह तोईरे।

गलातियों 6:3

छना कुचे अगर केहच़ी ञेंहच़ातंई कि अतुआ मदत लहज़िमी थल्जी केरे महस खास शुई दंङ केरे सिर्फ केनातिंङ ए मुर्ख बणाएच़ातोंई केरे धोंण ला खास माह शुई।

इफिसियों 4:29

अंऊ ला झखंजी गप्पा केहतु आहच़ि हुंच़ी मेस, पर दू गप्पारे कुंई अंऊ मीहतु थल्जी ज़रूरी तोह, अंऊ कि दोतिंङ विशवास रिंङ पक्‍का लहज़िमी थल्जी मदत लोहतो। दू मुक्का छिल्ला केहच़ी कुंई दू केहतु रेड्रा दोतु थल्जी रूठे शोतो।

इफिसियों 5:4

दंङ माह निर्लजता रंङ साते गप्पा लहज़ी, माह मुर्खता ओ गप्पा, दंङ माह ए मज़ाको घटिया गप्पा लहज़ी केहतु थल्जी ठीक तोह, पर केतिंङ दिऊ ठाहरीरिंङ परमेश्वरो धन्यवाद लहज़ी जूंशी तोह।

कुलुस्सियों 4:6

केहतु गप्पा हमेशा दाह ए सेहमरिङ गमेकी शुहबी जूंस, केतिंङ हर इच्च़ा मीहबी केनातु विशवासो थल्जी ठीक-ठीक जबाब रंड्री अपि जूंस।

याकूब 1:19

हे गिऊ प्यारे साथी विशवासी रे, दि गप्पा केहच़ी ञेंई च़रतुंई; हर इच्च़ा मीह रेड्रीमी थल्जी तेयार दंङ कुट्री ए रोहष सूले शुहबी जूंस।

याकूब 1:22

सिर्फ परमेश्वरो बचनो रेड्रा केतिंङ धोखा थारांई; केतिंङ दुह लेह जुंशी तोह अंऊ परमेश्वरे कुट्रा।

याकूब 2:20

पर हे निक्कमे मीहरे, केई दि ला माहञेंच़ातन, कि रूठे कम मेह विशवास ध्यांए तोह?

1 पतरस 3:10

छना कुचे पवित्रशास्त्रा रिंङ च़ेहसी तोह, कि “अगर अरिया मीह एनोह जीवनो लेहपच़ी जुंज़ा दंङ रूठे ध्याड़ा खंड्री जुंज़ा, दंङ दोबि खबरदार बंङज़ी जूंशी तोह कि दोई मदम गप्पा कुट्री मरपोतो।” दंङ दोबि झांह ठ्रोह गप्पा लहज़ी बन्द लेह जूंशी तोह अंऊ हेले माह।