याकूब 1:25 - लाहौली बाइबिल

²⁵ दुह मीह अंऊ परमेश्वरो सिद्ध कानूनो ध्याना रंङ साते अध्धयन लहज़ा अच़ि मीहतिंङ पापो दोरच़ी मुक्त लहज़ा, दोई एनोह कमरिंङ झांह लेह आशीष खोकपोतो कि रेड्राते माह पेहषा, पर ध्वांए ए कम लहज़ा।

याकूब 1:25 Iomraidhean Croise

लूको 11:28

यीशु ज़ि कुतोह, “वेई; पर धन्य शुहरे दोरे अंऊ परमेश्वरो बचन रेड्रातोर दंङ दोऊ भाषे लहज़ातोर।”

यहून्नो 13:17

दा कि केतिंङ दिह गप्पातु पाहठी पता तोह, ता लोहवा लांही कि केहरे धन्य शुई।

यहून्नो 8:36

अगर गेह परमेश्वरो योह केतिंङ आज़ाद लोहग ता केहरे हेले ए आज़ाद शुहचे योंई।

प्रेरित 13:43

दंङ अंऊ मुक्का सभा इलि, दंङ रेह यहुदी ए यहुदी धर्म बि मनेक्च़ा ऊई जातिओ मीहरे पोलुस ए बरनबास रंङ साते जुड़ेकी इलिर; दंङ दोच़ी मीहतिंङ याहब रांई, कि परमेश्वरो मोह्ड़े दाह रिंङ बणेंके बंङज़ुंई।

प्रेरित 2:42

दंङ दोरे प्रेरितातु दोरच़ी शिक्षा लेहप्च़िमी थल्जी, ए संगति लहज़िमी थल्जी, दंङ दोरे प्रभु भोजंङ शामिल शवातेर दंङ बिशवासी मीहरे इच्च़ा साते शुहचे बगत ज़ोआतेर, दंङ प्रार्थना रिंङ मगन बंङज़ातेर।

प्रेरित 26:22

पर परमेश्वरे गिऊ मदत लहज़ी लेहकी तोह दोई गिह्बी दि ध्याड़ा तचेक बचाके तहसी ततो। दिऊ थल्जी गेह देर खड़े शुचि कुट्रातग दुह भत्ते मीहतिंङ अंऊ कवचि तोतोर या मोह्ड़े कि अरि यीशु शुह, दंङ गेह दू गप्पा छोड़ेके ऊई छिल्ला माह कुट्रातग, अंऊ भविष्यवक्ता ए मूसा ओ कानूने ला कुई कि शुहबिमी तोह,

रोमियो 11:22

झांह लेह परमेश्वरो कृपा ए सख्ती ऊ टोईच़ी ध्यान रोंऊ! अंऊ दहचे इलिर, दोतु टोहकठे सख्ती, ए केहतु टोईच़ी दया, केरे दोऊ दया रिंङ बणेंके बंङज़ेंई, माह ता, ट्रिके ते शत्‌ह लेह च़रपोर।

रोमियो 2:13

छना कुचे परमेश्वरो नज़रारिंङ धर्मी दोरे माह शोर, अंऊ मुसाओ कानून रेड्रातोर पर धर्मी दोरे तोतोर, अंऊ मुसाओ कानूनो भाषे लहज़ातोर।

रोमियो 7:12

झांह लेह ञेंहच़ी दि कुट्री तरपोंई कि कानून पवित्र तोह, दंङ दोऊ हुकुम पवित्र, धर्मी ए रूठे तोह।

रोमियो 8:15

छना कुचे केतिंङ गुलामी आत्मा खोकसी माह, कि यह्च़ा बेवा योंई पर पवित्र आत्मा हेंदिंङ परमेश्वरो कटुरे बणाएशा, अतिंङ हेनर हे बाह, हे पिता कुचे हाऊष रंड्रा तंई।

रोमियो 8:2

छना कुचे पवित्र आत्माज़ि केतिंङ दू जीवन रांहषी ततो अंऊ यीशु मसीहू दोरच़ी खोकसिरी दंङ दोई केतिंङ पाप ए मौतो दोरच़ी आज़ाद लहरी।

1 कुरिन्थियों 15:58

झांह लेह हे गिऊ प्यारे साथी विशवासी रे, केनातु विशवासा रिंङ पक्‍का बंङज़ुंई दंङ गलत शिक्षा ओ वहज़ा ज़ि भटक्तेतुंई था, प्रभु थल्जी छि कम केहच़ी लहज़ातंई दोरिंङ हमेशा तुंखा शुई। छना कुचे दि ञेंहच़ा, कि छिल्ला धिर केहच़ी प्रभु थल्जी लोहनि दोऊ ईनाम केतिंङ पक्‍का खोकसोतो।

2 कुरिन्थियों 13:5

केनातिंङ परखेक्तुंई, कि विशवासा रिंङ तोतोंई आ माह तोंई; केनातिंङ परखेक्तुंई, दि खंड्रिमी थल्जी कि छि केहतु विशवास सच्चा तोह आ माह, दंङ यीशु मसीह केहतु अंदरेग तोह आ माह? माह ता केरे निकम्मा हुंच़ा इलांई।

गलातियों 5:1

मसीह ज़ि हेंदिंङ मूसाओ कानूनो भाषे लहज़िमी दोरच़ी आज़ाद लेह च़रति, ताकि ञेंरे यह्च़ा अपेहला दुह कानूनो गुलाम माह बणेक्पोंई। झांह लेह केनातु आज़ादी रिंङ अटल बंङज़ुंई दंङ केनातिंङ यह्च़ा। गुलाम थाह बड़ेक्तुंई।

गलातियों 6:2

अपेहल हेंदु बिचंङ अरिया मुसीबता रिंङ शोतो ता, दंङ हेंदिंङ इदि-अई दिऊ मदत लेह जूंशी तोह, दंङ झांह लेह हेनर मसीहू कानूनो भाषे लहज़ातंई।

कुलुस्सियों 1:23

पर केतिंङ विशवासा रिंङ इच्च़ा मुयांदो ठ्रोह पक्‍का शुहबी जूंस, दंङ दुह उम्मीदा बि अंऊ केहतु कछंङ तोह केतिंङ अपेहला छोड़ेक्च़ी माह जूंस अंऊ हेंतेग हेंदु कछंङ तोह छना कुचे हेंज़ी दुह ए रूठे खबरो टोहकठे विशवास लहज़ातंई, अतु प्रचार भत्ते धरतीऊ मीहतु बिचंङ लहसी तोह; दंङ अतु गेह पोलुस, सेवक बणेक्तिग।

1 तीमुथियुस 2:15

तांला मेच़िमीर अगर ज़हके ते विशवास, दाह ए पवित्रता रंङ साते पक्‍का शुहचे बंङज़ोर, दंङ परमेश्वर मेच़िमी बि कटु जेह्कपिमी दोरच़ी बचाके च़रपोतो।

1 तीमुथियुस 4:16

दि पाहठी खबरदार बंङज़ु कि कांह छना बंङज़ातन दंङ छि सिखाएक्च़ातन, दि गप्पारिंङ पक्‍का बंङज़ु, छना कुचे अगर झांह लोहवा लोहन, दंङ दिऊ नतीज़ा दि शोतो कि कांह दोरच़ी परमेश्वर एनेह कनिंङ ए कनिंङ रेड्रा दोतिंङ न्यायो दोरच़ी बचाएपोतो।

इब्रानियों 12:15

खबरदार बंङज़ुंई, झांह शुहबी मेस कि अरिला मीह परमेश्वरो मोह्ड़े दाह मेह केहषा योतो। दंङ ध्यान रांई कि अंऊला मीहबी अविशवासारिंङ कडगी ब्रन्ज़ ठ्रोह बणेक्पी थारांई अंऊ दोऊ ज़हर रंङ साते महस परेशानी वहज़ा बणेंके यवाह, अंऊ दोरच़ी दू मीह परमेश्वरो दोरच़ी शत्‌ह शुहचे योतो।

याकूब 2:12

दुह मीहतु ठ्रोह कुंई दंङ व्यवहार लंहि, अतु फेंसला नियम कानूनो ठ्रोह शोतो अंऊ हेंदिंङ आज़ाद लेह च़रच़ा।

1 पतरस 2:16

एंतेग केरे पापो गुलाम माह तोईनि छना कुचे केरे हेंदु प्रभु यीशु मसीह दोरच़ी आज़ाद शुचे शुई। पर केरे केनातु आज़ादी ओ इस्तेमाल मदम कमो थल्जी छल्ले बहाना था बणेंक्तुंई। पर परमेश्वरो सेवका तु व्यावहार लंहि।

1 यूहन्ना 2:24

ध्यान तंही; अपेहल केहच़ी मसीहू टोहकठे विशवास लहज़ातंई दंङ अंऊ सच्चाई ऊ बचन केहच़ी रैहशी तातंई, अगर दुह केतिंङ बणेंके बंङज़ोतो, दंङ केरे लाह योह रंङ साते, दंङ बाह परमेश्वर रंङ साते बणेंके बंङज़ोंई।

प्रकाशित वाक्य 14:13

दोऊ थल गेह यह्च़ा स्वर्गो दोरच़ी अतिंङ कुट्री रेड्रीगा दंङ दोई गिऊ हखा कुई: “दि गप्पारे देर्तिंङ च़ेऊ। हेंतेग बे, दुह मीहरे धन्य तोतोर अंऊ परमेश्वरो टोईच़ी विशवास लहज़ा सिए इलिर।” दोहपल पवित्र आत्मा दिऊ थल्जी सहमत शुहचे इलि, दोई कुई, “दि हेले तोह दोरे धन्य शुरे छना कुचे दोरे एनोह खरे मेहनतो दोरच़ी आराम खोकपोरे दंङ अंऊ कम दोच़ी लहज़ातोर दोऊ थल्जी दोतिंङ ईनाम खोकसोतो।”

प्रकाशित वाक्य 22:14

“धन्य तोतोर दोरे, अंऊ एनोह खमज़ेर कुरच़ो शुई रें शुहल्ज़े केट्रातोर, छना कुचे दोतिंङ दुह शहरो पेतंङो दोरच़ी अपिमी अधिकार रमोर। दंङ दोतिंङ दुह बुटो फल ज़ेइमी अधिकार ला रमोर अंऊ दोई जीवन रंड्रा।”