याकूब 1:22 - लाहौली बाइबिल

²² सिर्फ परमेश्वरो बचनो रेड्रा केतिंङ धोखा थारांई; केतिंङ दुह लेह जुंशी तोह अंऊ परमेश्वरे कुट्रा।

याकूब 1:22 Iomraidhean Croise

मत्ती 12:50

छना कुचे अरी गिऊ स्वर्गो बाहऊ हिटीरंङ साते जोओतो दुह ए गिऊ न्वा शुह, गिऊ रिहंङ ए गिऊ याह शुह।”

मत्ती 28:20

दंङ दोतिंङ भत्ते हुकुम अंऊ गेह केतिंङ रांहषी तातग, मनेक्च़ी कंड्रुंई; दंङ रेड्रुंई, गेह संसारो अनंत तचेक हमेशा केतंङ साते तोतोग।”

लूको 11:28

यीशु ज़ि कुतोह, “वेई; पर धन्य शुहरे दोरे अंऊ परमेश्वरो बचन रेड्रातोर दंङ दोऊ भाषे लहज़ातोर।”

यहून्नो 13:17

दा कि केतिंङ दिह गप्पातु पाहठी पता तोह, ता लोहवा लांही कि केहरे धन्य शुई।

रोमियो 2:13

छना कुचे परमेश्वरो नज़रारिंङ धर्मी दोरे माह शोर, अंऊ मुसाओ कानून रेड्रातोर पर धर्मी दोरे तोतोर, अंऊ मुसाओ कानूनो भाषे लहज़ातोर।

1 कुरिन्थियों 15:33

अंऊ मीहच़ी झांह ठ्रोह गप्पा लहज़ातोर दोतु ठ्रोह मुर्ख थाबणेंक्तुंई, “मदम संगति रूठे मीह ला मदम लेह केट्री।”

1 कुरिन्थियों 3:18

अगर केहतु बिचंङ अरिला दि सोचेक्च़ा कि दू दि संसारो मीहतु नज़रारिंङ ज्ञानवान तोह, दंङ केतिंङ दि संसारो नज़रारिंङ केनातिंङ मुर्ख बणाषी जूंशी तोह, ताकि केरे हेले रिंङ परमेश्वरो तुईज़ी ज्ञानवान बणेंके तरपोंई।

1 कुरिन्थियों 6:9

केतिंङ पता तोह कि, अन्याय लहज़ा मीहरे बाह परमेश्वरो राजो वारिस माह शोर; अरिया धोखारिंङ केतिंङ दि सोचेकच़ी मज़बूर लहज़ी माह जूंस कि केरे मदम कम लेह तरपोंई तांला बाह परमेश्वरो मीहतु बिचंङ ज़ि इच्च़ा बणेंके बंङज़ुंई, धोखा रिंङ था बंङज़ुंई, छना कुचे माह कुकम लहज़ा, माह मुर्तिओ पूजा, माह ऊईतु मेच़िमी ऊ लालच, माह लुचपन, माह गंङमी-गंङमी रंङ साते कुकम लंहि।

गलातियों 6:3

छना कुचे अगर केहच़ी ञेंहच़ातंई कि अतुआ मदत लहज़िमी थल्जी केरे महस खास शुई दंङ केरे सिर्फ केनातिंङ ए मुर्ख बणाएच़ातोंई केरे धोंण ला खास माह शुई।

गलातियों 6:7

अगर हेंज़ी दि सोचेक्पोंई कि हेनर परमेश्वरा बि धोखा रें तरपोंई, दंङ हेनर हेंदिंङ धोखा रंड्रातंई। छना कुचे मीह अंऊ धिर एपोतो दू ए ब्लज़ोतो।

फिलिपियों 4:8

झांह लेह, हे गिऊ प्यारे साथी विशवासी रे, अंऊ-अंऊ गप्पारे हेले तोह, दंङ अंऊ-अंऊ गप्पारे आदरो जोगे तोह, अंऊ-अंऊ गप्पारे ठीक तोरे, अंऊ-अंऊ गप्पारे पवित्र तोह, अंऊ-अंऊ गप्पारे सलटे तोतोर, दंङ अंऊ-अंऊ गप्पारे सेहमा गमेकी तोह मतलब अंऊ गप्पा रूठे ए षटणो जोगे तोह दोतु टोईच़ी ए केहतु सेहम लेहकी बंङज़ी जूंस।

कुलुस्सियों 3:17

दंङ अंऊ बचन ला केहच़ी कुट्रातंई या छिल्ल ला लहज़ा तंई भत्ते धिर प्रभु यीशु मिंदंङ साते लंहि, दंङ प्रभु यीशु दोरच़ी परमेश्वरो बाहऊ धन्यवाद लंहि।

2 तीमुथियुस 3:13

पर मदम मीहरे ए धोखेबाज़ मीहरे ऊई ला मदम कम लोहर दोरे मीहतिंङ धोखा रमोर दंङ दोतिंङ ला ऊईज़ि धोखा रमोर।

तीतुस 3:3

छना कुचे हेनर ला तुहई, मुर्ख ए परमेश्वरो हुकुम माह मनेक्च़ा मीहरे, मीहतु दोरच़ी धोखा खोकसिमी तातंई, दंङ हेनर मदम हिटी ए संसारो चीज़ा तु गुलाम तोईरे, छना बैर-भाव, दंङ जलन तहच़ि रिंङ एनोह जीवन श्रींङज़ातेर, दंङ मीहतंङ साते नफरत लहज़ातेर, दंङ इदि-अई दिरंङ साते बैर तहच़ातेर।

याकूब 1:26

अगर अच़िया एनाबि भक्त समझेक्च़ा, पर मांजी गप्पा कुट्रिमी थल्जी एनोह लेह रिंङ काबू माह तहज़ा दंङ दुह एनाबि धोखा रंड्रा, दंङ दोऊ भक्ति बेकार तोह।

याकूब 4:11

हे गिऊ प्यारे साथी विशवासी रे, इदि-अईदिऊ बदनामी थालंही, अंऊ एनोह न्वाऊ बदनामी लहज़ा, या न्वाऊ टोहकठे दोष लगाईचा; अपेहल केहच़ी नियम ए कानूनो टोहकठे दोष लगाएच़ातंई, दंङ काह नियम ए कानूनो माह मनेक्च़ा शुनाह, पर केनाह कानूनो न्याय लहज़ा बणेंके यवातन।

याकूब 4:17

झांह लेह अच़िला भलाई लेह तरच़ा दंङ माह लहज़ा, दोऊ थल्जी दि पाप शुह।

2 पतरस 2:13

दोतु विनाश दुह नुकसानो प्रतिफल शुह अंऊ दोच़ी लहसी शुह। दोरे दिन दोहपर भोग-विलास रिंङ बंङज़ी रूठे चेहच़ातोर। दोरे केहतु बिचंङ इच्च़ा कलंक ए दाग तोतोर। धोखा रंड्री रंङ खुशी मनेक्च़ातेर, अपेहल कि दोरे केतंङ साते ज़ोवा-तुंङमातोर।

1 यूहन्ना 1:8

अगर ञेंहच़ी कुंई कि हेंदिंङ छिल्ला पाप माह लंई दंङ घेंङाबि धोखा रंड्रातंई, दंङ ञेंहच़ी कांह सच्चाई टोहकठे विशवास माह लहज़ा तंई अंऊ परमेश्वरे कुट्रा।

1 यूहन्ना 2:3

अगर हेनर परमेश्वरो आज्ञा मनेक्पोंई, दंङ दिरंङ साते हेंज़ी ञेंई च़रपोंई कि ञेंहच़ी परमेश्वर बि ञेंहनि।

1 यूहन्ना 3:7

प्यारे कटुरे, अतुला धोखा रिंङ था अतंई। अच़ि धर्मो कम लहज़ा दुह ए मसीहू बराबर धर्मी तोह।

3 यूहन्ना 1:11

प्यारे मित्रा, दुह मीहतु नकल थालोहू अंऊ बुराईओ कम लहज़ातोर, पर दुह मीहतु थले ज़ोज़ा अंऊ रूठे कम लहज़ातोर। अपेहल अच़िया रूठे कम लहज़ा दंङ दोई दि साबित लहज़ा कि गेह परमेश्वरो योह शुगाह दंङ अंऊ बुराई लहज़ा दोई परमेश्वर सेहतिर माह।

प्रकाशित वाक्य 12:9

दिऊ थल्जी दोबि ए दोऊ साथी तिंङ धरती रिंङ छंङी च़रति। दि मोह्ड़े अजगर दुह ए तोह अंऊ महसे टेम तुहई ओमड्रो रूपारिंङ तंङातेंई, अतिंङ शेतान ए दोष लगाएच़ा ला कुट्रातोर। दि दुह ए तोह अंऊ दि संसारो मीहतिंङ धोखा रंड्रा।

प्रकाशित वाक्य 22:7

“दंङ खंणु, गेह युरनाह अपिमी तोतोग; धन्य तोह दुह, अंऊ दि कताबंङ च़ेहसी भविष्यवाणी ओ गप्पा मनेक्च़ा।”