याकूब 1:21 - लाहौली बाइबिल

²¹ झांह लेह भत्ते मांजी ए बैर भाव शत्‌ह लेह च़रतेंई, दुह परमेश्वरो बचन नम्रतारंङ साते ग्रहण लेह च़रतेंई, अंऊ सेहमरिंङ केहषी तोह दंङ अच़ि केहतु प्राणो उद्धार लेह च़रच़ा।

याकूब 1:21 Iomraidhean Croise

मत्ती 5:5

धन्य शुहरे दोरे, अरी नम्र तोतोर परमेश्वर दोतु दोरच़ी एनोह वाईदा पूरा लोहतो।

यहून्नो 6:63

आत्मा ता जीवन रड्रा शुह, शरीरो दोरच़ी छले फायदा माह। अंऊ गप्पा गेह केतंङ साते कुट्रातग दुह आत्मा शुह, दंङ जीवन ला शुह।

यहून्नो 6:68

शमौन पतरसे यीशु बि जुबाब रेंई, “हे प्रभु, ञेंहरे अतु कछंङ योंई? अनंत जीवनो गप्पा ता कांह ए कछंङ तोह।

प्रेरित 10:33

दोथर दोहपले गेह कांह कछंङ मीहरे च़रतिगा, दंङ केई रुठे लहतन कि अच्च़ा अतिन। दा हेनर भत्ते देर्तिंङ परमेश्वरो तुईज़ी तोतोन, कि छिला धिर परमेश्वरे करंङ साते कुहतो दुह रेड्रोंई।”

प्रेरित 13:26

“हे बिशवासी न्वारे, केरे अंऊ अब्राहमो कटुरे शुई; दंङ केहरे अंऊ परमेश्वर ओ बेह्द चेहच़ातंई, परमेश्वरे हेंदु कछंङ उद्धारो खबर च़रसी ततो।”

रोमियो 1:16

छना कुचे गेह यीशु मसीहू रूठे खबरो टोहकठे पूरा विशवास लहज़ातग, एनोह सामर्थो दोरच़ी परमेश्वर दू भत्ते तु उद्धार लहज़ा, अंऊ दि रूठे खबरो टोईच़ी विशवास लहज़ातोर, भत्ते बे मुन्डा यहुदी मीहतु दंङ दोतु अंऊ यहुदी मीह माह तोहर।

रोमियो 11:17

इस्राएलो मीहरे इच्च़ा रूठे जैतूनो बुटो ब्रन्ज़ो ठ्रोह तोह दंङ पूर्वज अब्राहम, इसहाक ए याकूब दू बुटो जड़ो ठ्रोह तोतोर। ऊई जाति बंणो जैतूनो बुटो ब्रन्ज़ेर शुरे, अंऊ कलम लहज़ी दू ट्रिक्शी ब्रन्ज़ेतु ठाहरिरिंङ दू बूटारिंङ लगाके च़रति, हेंतेग दू ब्रन दू जड़ो खुराको हकदार तोह।

रोमियो 6:17

केरे पापो गुलाम तोईनी, पर हेंतेग केहच़ी दुह शिक्षा ओ भाषे लहज़ातंई, अंऊ केतिंङ खोकसिरी। झांह लेह गेह परमेश्वरो धन्यवाद लहज़ातग।

1 कुरिन्थियों 15:2

अगर केरे दुह रूठे खबरो टोईच़ी विशवास तंही अतु गेह केहतु बिचंङ प्रचार लहतेग, दंङ दुह रूठे खबरो दोरच़ी परमेश्वरे केतिंङ बचाएच़ा। माह ता केहतु विशवास लहज़ी शुह्के शुह।

2 कुरिन्थियों 7:1

हे गिऊ प्यारे साथी विशवासी रे, अपेहल परमेश्वरे हेंदंङ साते वाईदा लोहतो, दंङ अतंई हेनर फुक ए सेहमो भत्ते पाहठी बुराई दोरच़ी हेंदिंङ शत्‌ह तोहनि, दंङ परमेश्वरो बेह्द चेहके हेंदिंङ भत्ते रिति रंङ पवित्र जीवन श्रींङमी कोशिश लंहि।

इफिसियों 1:13

अपेहल केहच़ी सच्चाई ओ बचन, केनातु मुक्ति ऊ रूठे खबर, रेड्रीमी थल मसीह रिंङ विशवास लाहतंई दंङ मसीह रंङ साते हेंदु एकता ओ वहज़ा ज़ि, परमेश्वरे हेंदिंङ दू पवित्र आत्मा रांई अपि दोई एनोह मीहतिंङ रंड्रीमी वाईदा लहसी तते। पवित्र आत्मा इच्च़ा निशानो ठ्रोह तोह अंऊ दोई दर्शाएच़ा कि हेनर परमेश्वरो शुई।

इफिसियों 4:22

केहतु सिखाएच़ा दोच़ी केतिंङ दू तरीका छोड़ेक्च़िमी शिक्षा रेंईर, अतु हिसाबे केहच़ी व्यवहार लहज़ातंई। केहतु मदम हिटी केतिंङ धोखा रें च़रति दंङ केहतु जीवन बरबाद लेह च़रति।

इफिसियों 4:25

झांह लेह हप्सी कुट्री छोड़ेके, हर इच्च़ा साथी विशवासारंङ साते हेले कुंई, छना कुचे हेनर भत्तेर इच्च़ा फुको अंङ शुई।

इफिसियों 5:4

दंङ माह निर्लजता रंङ साते गप्पा लहज़ी, माह मुर्खता ओ गप्पा, दंङ माह ए मज़ाको घटिया गप्पा लहज़ी केहतु थल्जी ठीक तोह, पर केतिंङ दिऊ ठाहरीरिंङ परमेश्वरो धन्यवाद लहज़ी जूंशी तोह।

1 थिस्सलुनीकियों 1:5

छना कुचे हेंदु यीशु मसीहू पाहठी रूठे खबर केहतु कछंङ माह सिर्फ कुट्री रंङ साते ए पर पवित्र आत्मो सामर्थे ए भत्ते याहबा रंङ अंजा कि दि रूठे खबर हेले शुह, केहच़ी ञेंच़ातंई कि अपेहल ञेंरे केतंङ साते तोईनी दंङ ञेंहच़ी केहतु भलाई ऊ थल्जी छना ठ्रोह जीवन श्रींङज़ातंई।

1 थिस्सलुनीकियों 2:13

झांह लेह ञेंरे ला रोज परमेश्वरो धन्यवाद लहज़ातंई, कि अपेहल केहच़ी दुह रूठे खबर थाशातंई अंऊ ञेंहच़ी केहतु बिचंङ प्रचार लाहतंई, दंङ केहच़ी दुह मीहतु मशत पर परमेश्वरो वचन समझेगी (दंङ अंऊ हेले परमेश्वरो दोरच़ी तोह) ग्रहण लहरिन; दंङ हेंतेग परमेश्वरो दि खबर केहतु अंद्रेग कम लहज़ी लेहकी तोह अंऊ मसीहू टोहकठे विशवास लहज़ातंई।

तीतुस 2:11

परमेश्वरे भत्ते मीहतिंङ बचाएच़िमी थल्जी इच्च़ा अम बणाएच़िमी ज़रिया ज़ि एनोह मोह्ड़े दाह कंड्रिरी। अंऊ भत्ते मीहतु उद्धारो कारण तोत,

इब्रानियों 12:1

हेंदु कछंङ झांह ठ्रोह महस मीहरे तोतोर अंऊ दोतु विशवासे दि कंड्रा कि विशवासो मतलब छि शुहबी। दिऊ थल्जी अतंई हेंज़ी हर इच्च़ा रूकावट दंङ पाप बि शत्‌ह लेह, हेंदिंङ अंऊ अमरिंङ जोज़िमी तोह, दोऊ टोईच़ी जोज़ातंई।

इब्रानियों 2:3

झांह लेह अगर हेनर दि महान उद्धारो अनदेखी लोहनि ता दंङ पक्‍का रूपारिंङ हेंदिंङ ला सज़ा खोकसोतो। प्रभु ज़ि ऐनाह तुहई ए दि उद्धारो पाहठी कंङाते, दंङ अंऊ दोच़ी प्रभु दोरच़ी रेड्री तरेर, दुह मीहतु वहज़ा ज़ि हेंदु थल्जी दि साबित शुचि इलि।

इब्रानियों 4:2

छना कुचे हेंज़ी यीशु मसीहू पाहठी रूठे खबर थाह्सी तातंई। पर दोच़ी दिऊ टोहकठे विशवास माह लहरिर। झांह लेह, दू खबर दोतु थल्जी शुहके तोहई।

याकूब 4:8

परमेश्वरो कछंङ अतंई, दंङ दुह लाह केहतु कछंङ अपतो: हे पापीरे, केनातु ज़िन्दगीऊ दोरच़ी पाप शत्‌ह लंहि; दंङ हे झुह्ट सेहमा रंङ मीहरे केनातु सेहम पवित्र लंहि।

याकूब 5:20

दंङ केहच़ी दि ञेंई च़रतुंई, कि अच़िया भटकेगी दुह पापी बि सच्चाई ऊ अमरिंङ वापिस हप्तो, दंङ दोई दुह पापी जहान मौतो दोरच़ी बचाएच़ा, दंङ परमेश्वर दोऊ हर पाप माफ लेह च़रच़ा।

1 पतरस 1:22

छना कुचे हेले ओ भाषे लहज़िमी रंङ साते केतिंङ पापो दोरच़ी शुद्ध लेह चरच़ातंई, हेंतेग केतिंङ केनातु साथी विशवासी तंङ निष्कपट दाह लेह जूंशी तोह। इदि-अई दिरंङ साते महसे ए भत्ते सेहमे दाह लेह जारी तंही।

1 पतरस 1:9

केरे महस खुश तोतोंई छना कुचे परमेश्वरे केतिंङ पापो दोषो दोरच़ी बचाएच़ा। दि यीशु मसीह टोईच़ी केहतु विशवासो ईनाम शुह।

1 पतरस 2:1

झांह लेह भत्ते पाहठी मदम व्यवहार छोड़ेके च़रतुंई। ऊईतिंङ धोखा थारांई, पाखंडी थाशुंई। ऊईतिंङ साते जलन थालंही। ऊई मीहतु पाहठी मदम गप्पा था कुंई।

1 पतरस 2:11

हे प्यारे साथी विशवासी रे, गेह केतंङ साते बिनती लहज़ातग कि केरे दि संसारारंङ परदेशी ए यात्री तु ठ्रोह तोतोंई। गेह केतिंङ चेतावनी रंड्रातग कि दू भत्ते मदम फुको हिटी ओ दोरच़ी बचेक्तेंई छना कुचे दू केहतु केनातु आत्माओ खिलाप हमेशा लड़ाई लहज़ा।