याकूब 1:19 - लाहौली बाइबिल

¹⁹ हे गिऊ प्यारे साथी विशवासी रे, दि गप्पा केहच़ी ञेंई च़रतुंई; हर इच्च़ा मीह रेड्रीमी थल्जी तेयार दंङ कुट्री ए रोहष सूले शुहबी जूंस।

याकूब 1:19 Iomraidhean Croise

मत्ती 5:22

पर गेह केतिंङ दिह कुट्रातग, कि अच़िला एनोह न्वाबि रोहष लोहतो दुह यहुदी सभारिंङ दण्डो हकदार शोतो, दंङ अच़िला एनोह न्वाबि कम माहलाहज़ा कोतो दुह यहुदी महासभाओ तुईज़ी दण्डो हकदार शोतो; दंङ अच़िला कोतो ‘ए बमजी’ (बेबकूफा) दुह नरको मेहऊ दण्डो जोगे शोतो।

मरकुसो 12:37

दाऊद रज्ज़ा ए मसीह बि, गिऊ प्रभु शुह। झांह कुट्रा, दंङ दुह छना दोऊ खानदानो शुई?” दंङ भीड़ो मीहरे यीशु ऊ शिक्षा खुशी रंङ साते रेड्रातेर।

मरकुसो 2:2

दंङ धोंण मीहरे ठ्रोहका शुहइरेह कि पेतंङु कछंङ ला ठाहरि मा तोहई; दंङ दुह दोतिंङ परमेश्वरो बचन शच़ि लेहती।

लूको 15:1

भत्ते चुंगी लेहपच़ारे पापी मीहरे यीशु कछंङ अपातेर दोऊ गप्पा रेड्रिमी थल्जी।

लूको 19:48

पर छिला साकिम हुंज़ी मरतिरे कि छना लोहंई, छना कुचे भत्ते रूठेरंङ दोबि रेड्रातेर।

प्रेरित 1:15

इच्च़ा ध्याड़ारिंङ पतरस दुह लगभग राह निंज़ो मीहतु बिचंङ खड़े शुहचे कुट्री लेहती,

प्रेरित 10:33

दोथर दोहपले गेह कांह कछंङ मीहरे च़रतिगा, दंङ केई रुठे लहतन कि अच्च़ा अतिन। दा हेनर भत्ते देर्तिंङ परमेश्वरो तुईज़ी तोतोन, कि छिला धिर परमेश्वरे करंङ साते कुहतो दुह रेड्रोंई।”

प्रेरित 13:48

अपेहल ऊईजाति ज़ि दिह रेड्रीर ता दोरे महस खुश शुहचे इलिर, दंङ दोऊ दि खबरो थल्जी प्रभु बि धन्यवाद रंड्री लेहतिर, दंङ अंयों ला अनंत जीवनो थल्जी ठहराएसी तातेर दोच़ी बिशवास लहरिर।

प्रेरित 17:11

बिरिया ओ दि मीहतिंङ थिस्लुनीके शहरो यहुदी मीहतु तुलना रिंङ सिखेसिमी महस दिलचस्पी तोहई, दंङ दोह्ची महस खुशी रंङ साते दि बचन ग्रहण लहरिर, दंङ रोज पवित्रशास्त्रो अन्द्रेग दिह पेट्री लेहतिर कि दिह गप्पा अंऊर च़ेहसी तोह।

प्रेरित 2:42

दंङ दोरे प्रेरितातु दोरच़ी शिक्षा लेहप्च़िमी थल्जी, ए संगति लहज़िमी थल्जी, दंङ दोरे प्रभु भोजंङ शामिल शवातेर दंङ बिशवासी मीहरे इच्च़ा साते शुहचे बगत ज़ोआतेर, दंङ प्रार्थना रिंङ मगन बंङज़ातेर।

इफिसियों 4:26

अगर केतिंङ रोहष अपतो, दंङ ध्यान तंही कि पाप थालंही; दंङ ञोंकोल शुहतर तचेक केहतु रोहष शांत शुहबी जूंस।

इफिसियों 4:31

भत्ते पाहठी कड़वाहट ए प्रकोप ए रोहष ए लड़ाई-झगड़ा, दंङ निन्दा भत्ते नफरत केहतु दोरच़ी शत्‌ह लेह चरच़ि।

कुलुस्सियों 3:15

अंऊ मसीह शांति रंड्रा दोबि केनातु विचार रिंङ काबू लेह रांही छना कुचे केरे भत्तेर इच्च़ा फुको शुई। झांह लेह केतिंङ इदि-अईदिरंङ साते शांतिरिङ बंङज़िमी थल्जी बुलाईसी शुईं दंङ हमेशा परमेश्वरो धन्यवाद लोहवा लंहि।

कुलुस्सियों 3:8

पर हेंतेग केरेला दि भत्ते धिर मतलब रोहष, लड़ाई-झगड़ा, बुराई, आहच़ि गह्डी रंड्री दिह भत्ते गप्पारे छोड़ेके च़रतुंई।

1 थिस्सलुनीकियों 2:13

झांह लेह ञेंरे ला रोज परमेश्वरो धन्यवाद लहज़ातंई, कि अपेहल केहच़ी दुह रूठे खबर थाशातंई अंऊ ञेंहच़ी केहतु बिचंङ प्रचार लाहतंई, दंङ केहच़ी दुह मीहतु मशत पर परमेश्वरो वचन समझेगी (दंङ अंऊ हेले परमेश्वरो दोरच़ी तोह) ग्रहण लहरिन; दंङ हेंतेग परमेश्वरो दि खबर केहतु अंद्रेग कम लहज़ी लेहकी तोह अंऊ मसीहू टोहकठे विशवास लहज़ातंई।

याकूब 1:16

हे गिऊ प्यारे साथी विशवासी रे, धोखा थाज़ई।

याकूब 1:2

हे गिऊ प्यारे साथी विशवासी रे, अपेहल केहतु टोहकठे महसे पाहठी मुसीबत अपतो, दोहपल दिबी महसे खुशी ओ गप्पा समझेक्तुंई।

याकूब 1:26

अगर अच़िया एनाबि भक्त समझेक्च़ा, पर मांजी गप्पा कुट्रिमी थल्जी एनोह लेह रिंङ काबू माह तहज़ा दंङ दुह एनाबि धोखा रंड्रा, दंङ दोऊ भक्ति बेकार तोह।

याकूब 2:1

हे गिऊ प्यारे साथी विशवासी रे, केरे हेंदु महिमामय प्रभु यीशु मसीहू चेला शुई, झांह लेह केतिंङ पक्षपात शुहबी माह जूंस।

याकूब 2:5

हे गिऊ प्यारे साथी विशवासी रे रेड्रुंई। छि परमेश्वरे दि संसारो गरीबातिंङ अंङे चरच़तो कि दोरे विशवासरिंङ साहुकार, दंङ दुह राज्यऊ अधिकारी शोर, अतु वाईदा परमेश्वरे दोतंङ साते लहसी ततो, अंऊ दोहरंङ साते दाह लहज़ा तोर?

याकूब 3:10

इच्च़ा आहच़ि धन्यवाद ए शाप झुल्ला हुंच़ा तोर। हे गिऊ प्यारे साथी विशवासी रे, झांह ठ्रोह शुहबी मेस।

याकूब 4:11

हे गिऊ प्यारे साथी विशवासी रे, इदि-अईदिऊ बदनामी थालंही, अंऊ एनोह न्वाऊ बदनामी लहज़ा, या न्वाऊ टोहकठे दोष लगाईचा; अपेहल केहच़ी नियम ए कानूनो टोहकठे दोष लगाएच़ातंई, दंङ काह नियम ए कानूनो माह मनेक्च़ा शुनाह, पर केनाह कानूनो न्याय लहज़ा बणेंके यवातन।

याकूब 5:12

पर हे गिऊ प्यारे साथी विशवासी रे, भत्ते बे ज़रूरी दि तोह कि, कसम थाजेंई, माह स्वर्गो, माह धरतीऊ, माह ऊई चीज़ो पर केहतु गप्पा वोई ऊ वोई ए ना ऊ ना शुहबी जूंस, ताकि केरे परमेश्वरो दोरच़ी दोषी मशोंई।

याकूब 5:19

हे गिऊ प्यारे साथी विशवासी रे, अगर केहतु बिचंङ अरिया विशवासी सच्चाई ऊ अमरिंङ च़ि भटकेगी इलि ता, दंङ अच़िया दुह सच्चाई ऊ अमरिंङ वापिस हपतो,

1 यूहन्ना 2:21

गेह दिह दिऊ थल्जी माह चेहच़ातग, कि केहच़ी सच्ची शिक्षा माह ञेंच़ातंई, दंङ दिऊ थल्जी कि अंऊ ला हप्सी, सच्चाई दोरच़ी माह।