याकूब 1:1 - लाहौली बाइबिल

¹ गेह याकूब अंऊ परमेश्वर ए प्रभु यीशु मसीहऊ दास शुगाह, इस्राएलो अंऊ सनी गोत्र अंऊ संसारो शत्‌ह-शत्‌ह ठहरि बंङज़ा तोरे केतिंङ दि डाक चेहच़ातग केतिंङ भत्तेतिंङ गिऊ नमस्ते।

याकूब 1:1 Iomraidhean Croise

मत्ती 10:3

फिलिप्पुस ए बरतुलमे, थोमा ए चुंगी लेहपच़ा मत्ती, हलफई ऊ योह याकूब ए थद्देयास।

मत्ती 13:55

छि दिह सिङ कहम लहज़ा ओ (बढाईऊ) योह मशुहदा? छि दिऊ याहऊ मिन मरियम, दिऊ न्वारेतु मिन याकूब, यूसुफ, शमौन ए यहूदा मशुहदा।

मत्ती 19:28

यीशुज़ि दोतंङ साते कुहतो, “गेह केतंङ हेले कुट्रातग कि खरकोई संसारारंङ अपेहल गेह मीहू योह घेंङौ महिमो सिहासनंङ बंङज़ोग दंङ केरेला अरी गिऊ थले अंज़े तोहतोंई सनी सिहासनो टोईच़ी बंङज़ा सनी गोत्रातु इंसाफ लोहंई।

मरकुसो 3:18

दंङ अन्द्रियास, फिलिप्पुस, बरतुल्मे, मत्ती, थोमा, हलफई ऊ योह याकूब, थद्देयास, दंङ अई दुह शमौन अंऊ यहुदी देशभक्त तोहई,

लूको 22:30

ताकि केहच़ी गिऊ राज्यरिंङ गेरंङ साते जोओनी ए तुंङमोंई देर तचेक कि सिहासनंङ बंङज़ा इस्राएलो सनी खानदानो न्याय लोहनी।

लूको 6:15

मत्ती, थोमा, हलफई ऊ योह याकूब, तधे, दंङ अई दुह शमौन अंऊ यहुदी देशभक्त तोहई,

यहून्नो 12:26

अगर अच़िया गिऊ सेवा लोहतो, ता दोरे गिऊ चेलार बणेक्तुंई; दंङ अंऊर गेह बंङज़ोग दोर्तिंङ गिऊ सेवा लहज़ा ला शोतो; अगर अच़िया गिऊ सेवा लोहतो, ता पिता परमेश्वरे दोऊ आदर लोहतो।

यहून्नो 7:35

यहुदी सेंहणार एनातु बिचंङ कुट्री लेहतिर, “दिह अंऊखा योतो कि ञेंहच़ी दिबी माह खोक्पोन? शायद दिह दुह यहुदी मीहतु कछंङ योतो अरी यूनानी शहरंङ शताह-शताह शुहचे बंङज़ातोर। दंङ दोतिंङ ला मीहतिंङ ला शिक्षा रमतो।

प्रेरित 1:13

अपेहल दोरे पिचे इलिर ता दोरे इच्च़ा चुंङो तोरिंङ खी कमरारंङ इलिर अंऊर दोरे बंङज़ातेर। दि दोतु मिन शुह अंऊर दोर्तिंङ हाज़िर तोईरे पतरस, यूहन्ना, याकूब, अन्द्रियास ए फिलिप्पुस, थोमा, बरतुल्मै, मत्ती, हलफई ऊ योह याकूब, शमौन, जेलोतेस दंङ याकूबो योह यहूदा।

प्रेरित 12:17

दंङ पतरसे दोतु हखा गुह्ट्र इशारा लहरी कि चुपे तोंई; दंङ दोतिंङ कंड्री लेहती कि प्रभु ज़ि छना ठ्रोह दोबी जेलंङ च़ि धह्तेका हुंच़े हति। दोथर कुई, “याकूब ए बिशवासी न्वातिंङ दिह गप्पा कुचे च़रतेन।” दंङ पतरस दोरच़ी हुंच़ा ऊई ठहरि रिंङ अच्च़ा इलि।

प्रेरित 15:13

अपेहल दोच़ी कुट्री बंद लहरिर, दंङ याकूब कुट्री लेहती, “हे विशवासी रे, गिऊ रेड्रुंई।”

प्रेरित 15:21

छना कुई पुराना टेम बेहच़ी नगर-नगर मूसा ओ दि कानूनो प्रचार लहज़िमी थल्जी शुहचे तोहई, दंङ दुह हर अरामो ध्याड़ा रिंङ यहुदी सभो घरबारंङ पढ़ेक्च़ातेर।

प्रेरित 15:23

प्रेरिता ज़ि दुह डाक एनारंङ साते रेंज़ा शिलिर; अंऊर च़ेहसी तोहई: “अन्ताकिया शहरारिंङ, सीरिया रिंङ दंङ किलिकिया प्रदेशो बंङज़ा विशवासी न्वारे अंऊ ऊईजाति विशवासी तु बिचंङ ज़ि तोतोर, प्रेरित ए कलीसिया ओ सेंहणा ए अंऊ केहतु न्वारे तोतोर नमस्कार।”

प्रेरित 2:5

दुह मुक्का रिंङ, परमेश्वरो बेह्द चेहच़ार महसे यहुदी मीहरे तोईरे अरि संसारो हर इच्च़ा देशंङ च़ि त्यार मनाएच़िमी थल्जी अंज़े तोईरे दंङ यरूशलेम शहरंङ बंङज़ा तोईरे।

प्रेरित 21:18

दोऊ ऊईरग पोलुस ञेंतिंङ रेंज़ा याकूबो कछंङ इलि, अंऊर भत्ते सेंहणा मीहरे ठ्रोहका तोईरे।

प्रेरित 23:26

“महामहिम फेलिक्स राज्यपाला बि क्लौदियुस लुसियासो तरफे नमस्कार;

प्रेरित 26:7

ञेंहतु सनी गोत्र एनोह भत्ते सेहमंङ ज़ि रात-दिन परमेश्वरो सेवा लहज़ी लेहकी तोतोर। परमेश्वरा रंङ साते इच्च़ा वाईदा पूरा लहज़िमी उम्मीद तोह। हे रज्ज़ा, दि झांह तोह छना कुचे गिऊ विशवास तोह कि परमेश्वरे यीशु बि यह्च़ा श्रींङमी लेह च़रति दंङ दिए हेंदु आधार शुह, उम्मीद तोह कि दुह ला सिए दोतिंङ श्रींङे लेह च़रपोतो, ठीक दिए उम्मीद ओ यहुदी गिऊ टोईच़ी दोष लगाएच़ातोर।

प्रेरित 8:1

शाऊल, स्तिफनुस ओ हत्या शुहबी रंङ साते पुरा सहमत तोहई। दुहए ध्याड़ा यरूशलेम शहरो कलीसियाओ टोहकठे महसे सताव शुहबी लेहती दंङ प्रेरिता तिंङ केट्रा भत्ते कि भत्ते मीहरे यहुदिया ए सामरिया प्रदेशंङ तितर-बितर शुचि इलिर।

रोमियो 1:1

गेह पोलुस दि डाक च़ेहसी लेहकी तोतोग, अंऊ यीशु मसीहू परगर शुगाह, परमेश्वरे गेह प्रेरित शुहबिमी थल्जी अंङषी शुगाह, दंङ परमेश्वरो तरफे दुह रूठे खबरो प्रचार लहज़िमी थल्जी शत्‌ह लेह च़रति।

गलातियों 1:19

दू मुक्का गेह सिर्फ अंऊ ऊई प्रेरिता रंङ साते दोरिगा, दू प्रभु यीशु न्वा याकूब तोहई।

गलातियों 2:12

पतरस दू विशवासी तंङ साते बगत ज़ोवा ते अंऊ यहुदी माह तोईरे। पर अपेहल याकूबो दोरच़ी च़रसी रें विशवासी यरूशलेम शहरंङ ज़ि अतिर, दंङ दू एनाबि ऊईजातिऊ दोरच़ी शत्‌ह तहच़ि लेहती दंङ दोतंङ साते बगत माह ज़ोवाते छना कुचे दू, दू यहुदी तंङ साते वेवाते अंऊ दोच़ी जुन्ज़ातेर कि भत्ते ऊईजातितु खतना लेह जूंशी तोह।

गलातियों 2:9

अंऊ मीहरे कलीसिया ओ अगुवा समझेक्च़ातंई, मतलब याकूब, बरनबास, कैफा ए यूहन्ना, दोच़ी मोह्ड़े दाह ओ दू वाईदा सेहच़ी चरच़ातोर अंऊ गिह्बी खोकसा तोह। दोच़ी हेंदंङ साते गुह्ट्र मिलाके दि कंङातोर कि दोरे हेंदंङ साते राजी तोईरे। दोरे दि गप्पो थल्जी राजी शुईरे कि हेनर ऊईजाति तु कछंङ रूठे खबर सुनाएच़िमी थल्जी योंई दंङ दोरे यहुदी तु कछंङ।

फिलिपियों 1:1

गेह पोलुस ए तीमुथियुस अंऊ यीशु मसीहू सेवक शुई, ञेंहतु तरफे केरे परमेश्वरो मीहतिंङ दंङ मुख्या तिंङ ए सेवका तिंङ दि डाक चेहच़ातग। अंऊ यीशु मसीह रिंङ शुहचे फिलिप्पी शहरारिंङ बंङज़ातोर।

2 तीमुथियुस 4:21

सोई ऊ ध्याड़ा अपिमी तुहई केई अपिमी कोशिश लोह; युबूलुस ए पुदेंस ए लीनुस ए क्लौदिया, दंङ भत्ते विशवासी न्वारेतु तरफे कनिंङ नमस्कार।

तीतुस 1:1

गेह पोलुस अंऊ परमेश्वरो दास ए यीशु मसीहू प्रेरित शुगाह, केतिंङ दि डाक चेहच़ातग। गेह परमेश्वरो अंङषी मीहतिंङ पक्‍का लहज़ी ए दुह सच्चाईऊ शिक्षा समझेक्सिमी थल्जी अंङषी शुई, ताकि दोरे झांह ठ्रोह जीवन श्रींङमोंई अंऊ परमेश्वराबि खुश लहज़ा।

1 पतरस 1:1

गेह, पतरस अंऊ यीशु मसीहू प्रेरित शुगाह, दि डाक चेहच़ातग। गेह दि डाक परमेश्वरो अंङषी दू मीहतिंङ चेहच़ातग, अंऊ कि पुन्तुस, गलातिया, कपुदूकिया, आसिया, ए बितुनिया प्रदेशो शत्‌ह-शत्‌ह शहरा रिंङ परदेशी तु ठ्रोह बंङज़ातेर।

2 पतरस 1:1

गेह, शमौन पतरस, अंऊ यीशु मसीहऊ दास ए प्रेरित शुगाह, केतिंङ चेहच़ातग। गेह केहतु भत्ते तु थल्जी चेहच़ातग। अंऊ दुह बहुमूल्य विशवास बि ठ्रोहका लहज़ातंई अंऊ हेंदु परमेश्वर ए उद्धार लहज़ा यीशु मसीहू दोरच़ी हेंदिंङ रांहषी तोह, अंऊ हेंदिंङ परमेश्वरा रंङ साते धर्मी ठहराच़ा।

यहूदा 1:1

गेह, यहूदा, अंऊ यीशु मसीहू इच्च़ा सेवक ए याकूबो कवचि न्वा शुगाह, केतिंङ दि डाक चेहच़ातग, अंऊ दोतिंङ परमेश्वरे एनोह टोईच़ी विशवास लहज़िमी थल्जी बुलासी ततो। हेंदु परमेश्वर बाह केतंङ साते दाह लहज़ा दंङ केतिंङ यीशु मसीह रिंङ बचाके तहज़ा।

प्रकाशित वाक्य 7:4

अपेहल स्वर्गदूता ज़ि निशान लगाएच़ी पूरा लहज़ी च़रतिर, दंङ अच़िया गिह्बी कंड्रीर कि दोरे मीहरे अतु फ्याहरिंङ स्वर्गदूता ज़ि परमेश्वरो मुहरे निशान लगाएकातोर, दोतु गिनती इच्च़ा लाख निह्जो पी हज़ार तोहई। दिरे मीहरे इस्राएलो भत्ते सनी गोत्रो बिचंङ ज़ि तोईरे।”