इब्रानियों 8:8 - लाहौली बाइबिल

⁸ पर परमेश्वर मीहतु टोईच़ी दोष लगाके कुट्रा, “प्रभु ज़ि कुट्रा, खंई, दू ध्याड़ा अपि लेहकी तोह, कि गेह इस्राएलो मीहतंङ साते, दंङ यहूदा ओ मीहतंङ साते, इच्च़ा खरकोई वाईदा स्थापित लोहग।”

इब्रानियों 8:8 Iomraidhean Croise

मत्ती 26:28

दंङ यीशुज़ि कुतोह, “दि दाखो रस बि केहच़ी वाईदो गिऊ शुहई ञेंए च़रतुंई अंऊ महसे मीहतिंङ दोतु पापो सज़ाओ दोहरची माफी ऊ थल्जी बहाएकचिमी तोत। दिह दुह वाईदा बि पूरा लोहतो अंऊ परमेश्वरे एनोह मीहरंङ साते बणाएठ्रा।

मरकुसो 14:24

दंङ यीशुज़ि कुतोह, “दि दाखो रस बि केहच़ी वाईदो गिऊ शुहई ञेंए च़रतुंई अंऊ महसे मीहतिंङ दोतु पापो सज़ाओ दोहरची बचाएकसिमी थल्जी बहाएकचिमी तोत। दिह दुह वाईदा बि पूरा लोहतो अंऊ परमेश्वरे एनोह मीहरंङ साते बणाएठ्रा।

लूको 17:22

दंङ यीशु ज़ि चेला तु हखा कुंहई, “दोरे ध्याड़ारे लाह अपोर, अंऊर केहच़ी गेह मीहू योहऊ ध्याड़ातु बिचंङज़ि इच्च़ा ध्याड़ा बि खंड्री जुंज़ातंई पर खंड्री मरपोंई।

लूको 22:20

ध्वांए दोई बगतो थल दाखो रसो कोली लाह दिह कुचे रन्दो, “दिह कोली (कटोरा) गिऊ शुहई रिंङ खरकोई वाईदा शुह अंऊ केहतु पापो सज़ाओ दोहरची बचाएकसिमी थल्जी बहाएकचिमी तोत।”

लूको 5:38

दिऊ थल्जी मीहच़ी खरकोई सरा खरकोई बरच़ु अंद्रेग पिंङषी।

1 कुरिन्थियों 11:25

ध्यांए ठ्रोह यीशु ज़ि ज़ेइमी थल दाखो रसो कोली ला दि कुचे ते रांई, “दि दाखो रसो कोली ओ गिऊ शुहई ऊ दू खरकोई वाईदा शुह, अपेहल ला तुंङमोंई, दंङ गिऊ हिदो थल्जी दि लगातार लोहवा लंहि।”

2 कुरिन्थियों 3:6

अच़ि हेंदिंङ खरकोई वाईदाऊ सेवक शुहबिमी जोगे, बणाकतो। दि मूसा ओ च़ेहसी कानून माह शुह बल्कि पवित्र आत्माओ वाईदा शुह, छना कुचे मूसा ओ नियम ओ भाषे माह लहज़िमी परिणाम मौत तोह, पर पवित्र आत्माज़ि अनंत जीवन रंड्री।

इब्रानियों 12:24

केरे यीशु कछंङ अंज़े शुई अंऊ परमेश्वर ए मीहतु बिचंङ खरकोई वाईदा ओ बिचवाई लहज़ा, दंङ पुरच़ि शुहई कछंङ अंज़े तोहई, अंऊ हाबिलो शुई ओ ठ्रोह क्रपिमी वहज़ा पाप माफ लहज़िमी गप्पा लहज़ा।

इब्रानियों 7:22

झांह लेह यीशु दू शुह अंऊ इच्च़ा मोह्ड़े वाईदा ओ पूरा लहज़िमी वहज़ा तोह।

इब्रानियों 8:13

परमेश्वरे दिबी इच्च़ा खरकोई वाईदा कुहषी ततो, झांह लेह दोई मुण्डो वाईदा बि पुराना लेह च़रति। दंङ छिल्ला युई तोह दंङ घाषेक्सी तोह दू नाश शुहबिमी थल्जी तेयार तोह।

इब्रानियों 8:6

पर अंऊ पुरोहितो कम यीशु मसीह बि खोकसिरी, दुह, दू कम बे महस मोह्ड़े तोह अंऊ ऊई पुरोहिता तिंङ रांहषी तोहई। छना कुचे दुह, दू ए शुह अंऊ मोह्ड़े वाईदा ओ हिसाबे, परमेश्वरो तुईज़ी हेंदु थल्जी इच्च़ा मोह्ड़े वाईदा ओ बिचवाई लहज़ी लेहकी तोह।

इब्रानियों 9:15

झांह लेह मसीह मीहतंङ साते इच्च़ा खरकोई वाईदा लहज़ा, ताकि दोरे मीहरे अंऊ परमेश्वरो तरफे बुलासी तातोर, दोरे दू अनंत आशीष खोकपोरे अतु वाईदा परमेश्वरे लहसी ततो झांह दिऊ थल्जी शुहबी तरपोतो छना कुचे मसीह दोतिंङ दू पापो सज़ाओ दोरच़ी आज़ाद लेह च़रच़िमी थल्जी सिए इलि अंऊ दोच़ी तुहई कि वाईदा ओ अधीन बंङज़ा ते लाहतेर।