इब्रानियों 8:5 - लाहौली बाइबिल

⁵ दोरे अंऊ पुरोहिता तु रूपा रिंङ कम लहज़ातोर, दोरे हेले रिंङ अंऊ स्वर्गा रिंङ छिल्ला तोह सिर्फ दोऊ इच्च़ा नकल ए इच्च़ा सिलमोग तोह। दि दुह ए शुह अंऊ मूसा रंङ साते तोहई। छना कुचे अपेहल मूसा मिलापो तम्बू बणाएषी थल्जी तेयार शुहबी लेहकी तोहई, दू मुक्का परमेश्वरे दोबि दि चेतावनी रांई, “खंणु, अंऊ नमूना कनिंङ गोहू टोईच़ी कंङातोर, दोऊ हिसाबे भत्ते धिर बणातु।”

इब्रानियों 8:5 Iomraidhean Croise

मत्ती 2:12

दंङ मंङडुंङ दिह चेतावनी खोक्शे कि हेरोदेसो रज्ज़ाऊ कछंङ यह्च़ा था ईलांई, झांह लेह दोरे रज्ज़ाबि पता मेह ऊहई अमज़ि एनातु देशो हखा अच्च़ा इलिरे।

प्रेरित 7:44

गवाही ऊ तम्बू सुनसान ठहरि रिंङ ञेंहतु बाह-मेमेतु बिचंङ तोहई, छना परमेश्वरे ठेहराएते, अच़ि मूसा ओ हखा कुई; अंऊ अंज़े ते केई खांहषी तातन, दोऊ हिसाबे दिह्बी बणाएक्तु।

कुलुस्सियों 2:17

छना कुचे दि कानून सिर्फ इच्च़ा सिलमोग ठ्रोह तोह, पर पक्‍का सच्चाई ता मसीह शुह।

इब्रानियों 10:1

मूसा ओ दोरच़ी रांहषी कानून सिर्फ दू रूठे चीज़ तु इच्च़ा सिलमोग शुह अंऊ भविष्य रिंङ अपिमी तोह, दि हेले माह। झांह लेह कानूनो अधीन बंङज़ा मीहरे हर साल इच्च़ा बराबर बलिदान चढ़ाएच़ा तोर, पर दि बलिदान दू मीहतिंङ अपेहल ला सिद्ध बणाके मरपोतो अंऊ परमेश्वरो अराधना लहज़िमी थल्जी दोऊ कछंङ अपातोर।

इब्रानियों 11:7

विशवासो दोरच़ी ए नूह बि इच्च़ा हढ डढो पाहठी परमेश्वरो दोरच़ी चेतावनी खोकसिरी अंऊ दोई अपेहल खांहषी माह तोई, तांला दोई चेतावनी खोक्शे परमेश्वरो हुकुमो भाषे लहरी, दंङ एनोह टबरातु बचावो थल्जी जहाज़ बणाएति, दंङ नूहो विशवास लहज़िमी तुहई, ऊई मीहरे अंऊ दोच़ी विशवास माह लहरिर, दोतिंङ दोषी ठहराएतिर दंङ दोरे डुमज़े सिए इलिर। नूह परमेश्वरो नज़रारिंङ धर्मी बणेंके इलि, छना कुचे दोई परमेश्वरो टोईच़ी विशवास लाहते।

इब्रानियों 12:25

खबरदार बंङज़ुंई, दंङ परमेश्वर अंऊ केतंङ साते कुट्रा दोऊ हुकुमो भाषे लंहि। इस्राएलो मीहतिंङ सज़ा खोकसिरी अपेहल दोच़ी मूसा ओ चेतावनी रेड्रीमी दोरच़ी इंकार लेह च़रतिर। दिऊ थल्जी दि ञेंहतु थल्जी महस मदम शोतो अगर हेनर परमेश्वरो हुकुम भाषे माह लहज़ातंई अंऊ हेंदिंङ स्वर्गंङ ज़ि चेतावनी रंड्रा।

इब्रानियों 13:10

अंऊ यहुदी पुरोहित यहुदी रिति-रिवाज़ो हिसाबे परमेश्वरो सेवा लहज़ातोर, दोतिंङ यीशु दोरच़ी लहसी बलिदानो दोरच़ी छल्ले फायदा माह खोकसा। पर हेंदिंङ फायदा खोकसा।

इब्रानियों 9:9

दि भत्ते चीज़ारे दि गप्पो उदाहरण तोहई अंऊ हेंतेग मसीहू दोरच़ी पूरा शुहबी लेहकी तोह। छना कुचे दू भत्ते तग ए बलिदान अंऊ दू मीहतु दोरच़ी परमेश्वराबि चढ़ाएच़ातेर अंऊ दोतु अराधना लहज़ातेर, दू मीहतु सेहम शुद्ध लहज़िमी जोगे माह तोहई।

प्रकाशित वाक्य 15:5

अपेहल दि मीहच़ी गीत कुट्री बंद लेह च़रतिर, दोहथर गेह खंईगा कि स्वर्गा रिंङ मन्दिर अलसा तोहई। अंऊ कि मिलापो तम्बू ठ्रोह तोह,