इब्रानियों 8:4 - लाहौली बाइबिल

⁴ दंङ अगर मसीह धरतीऊ टोईच़ी शुचंङ ता अपेहल ला यहुदी पुरोहित माह शुंईयां, छना कुचे मूसा ओ कानूनो हिसाबे भेंट चढ़ाएच़िमी थल्जी, तुहई बेहच़ी पुरोहित मौजूद तोतोर।

इब्रानियों 8:4 Iomraidhean Croise

इब्रानियों 10:11

हर इच्च़ा यहुदी पुरोहित हर ध्याड़ा वेदी ओ तुईज़ी खड़े शवाह दंङ मीहतु पाप शत्‌ह लहज़िमी थल्जी विधि पूरा लहज़ा। दू लगातार इच्च़ा ठ्रोह बलि चढ़ाएच़ा अंऊ अपेहल ला दू मीहू पाप शत्‌ह लेह माहरच़ा अंऊ दोई लहसी ततो।

इब्रानियों 11:4

विशवासो दोरच़ी ए हाबिले एनोह मोह्ड़े न्वा कैन बे रूठे बलिदान चढ़ाएक्ते; दंङ दोऊ बलिदानो दोरच़ी परमेश्वरे स्वीकार लहरी कि हाबिल इच्च़ा धर्मी मीह तोहई। छना कुचे परमेश्वर हाबिलो बलिदानो दोरच़ी खुश तोहई। हालांकि हाबिल सिए इलजी तोह, तांला हेनर परमेश्वरो टोईच़ी विशवास लहज़िमी पाहठी दोरंङ सिखेक्च़ातंई।

इब्रानियों 5:1

हर इच्च़ा यहुदी महापुरोहित इस्राएलो मीहतु बिचंङ अंङड्री। दंङ मीहतु थल्जी परमेश्वरो सेवा लहज़िमी थल्जी अंङड्री ताकि दुह भेंट चढ़ाएच़ा लोहतो दंङ मीहतु पापो थल्जी बलि चढ़ाएपा लोहतो।

इब्रानियों 7:27

दंङ यीशु मसीहू दू यहुदी महापुरोहिता तु ठ्रोह माह अंऊ हारूनो खानदानो तोईरे, यीशु मसीह बि दि ज़रूरी माह कि रोज तुहई एनोह पाप दंङ दोऊ थल मीहतु पापो थल्जी बलिदान चढ़ाएपोतो; छना कुचे यीशु मसीह ज़ि इच्च़ा फेरा ए भत्ते मीहतु पापो थल्जी एनाबि बलिदान लेह च़रति।

इब्रानियों 8:3

छना कुचे हर इच्च़ा यहुदी महापुरोहित बि भेंट चढ़ाएच़िमी थल्जी दंङ पापो माफी ओ थल्जी बलिदान चढ़ाएच़िमी थल्जी अंङषी शुहबी, झांह लेह ज़रूरी तोह कि, कि हेंदु यहुदी पुरोहितो दोर ला छा चढ़ाईच़िमी थल्जी शुहबी जूंस।

इब्रानियों 9:9

दि भत्ते चीज़ारे दि गप्पो उदाहरण तोहई अंऊ हेंतेग मसीहू दोरच़ी पूरा शुहबी लेहकी तोह। छना कुचे दू भत्ते तग ए बलिदान अंऊ दू मीहतु दोरच़ी परमेश्वराबि चढ़ाएच़ातेर अंऊ दोतु अराधना लहज़ातेर, दू मीहतु सेहम शुद्ध लहज़िमी जोगे माह तोहई।