इब्रानियों 7:1 - लाहौली बाइबिल

¹ दि मलिकिसिद्क शालेम शहरो रज्ज़ा तोहई, दंङ परमप्रधान परमेश्वरो यहुदी पुरोहित तोहई। दोऊ मिन्दु मतलब शुह न्याय रंङ साते शासन लहज़ा रज्ज़ा दंङ शालेमो रज्ज़ाऊ मिन शुह, शांतिऊ रज्ज़ा, पवित्र शास्त्रारिंङ दोऊ बाह ओ याह, दोऊ बाह-मेमेर या दोऊ जेह्कपिमी या सिमी पाहठी छल्ले च़ेहसी माह। दू हमेशा ओ थल्जी इच्च़ा यहुदी पुरोहित शुह। झांह लेह दू परमेश्वरो योह ठ्रोह तोह। अपेहल अब्राहम रज्ज़ा तु खिलाप इच्च़ा मोह्ड़े लड़ाई द्रक्क्षा ते चुंखा अति, दोहपल मलिकिसिद्क दोरंङ साते दोहरी दंङ दोबि आशीष रेंई। दोहपल अब्राहमा बि दू लड़ाई रिंङ द्रक्शे ते छिल्ला खोकसते, दोई दोबि दू भत्ते चीज़ तु दशमांश रेंई।

इब्रानियों 7:1 Iomraidhean Croise

मरकुसो 5:7

यीशुज़ि दोऊ अंद्रेग अंऊ मांजी आत्मा तोहई दोऊ हखा कुंई, “हे मांजी आत्मा दिह मीहबी केट्रा धह्कते हुंच़ा इली।” मांजी आत्मा ए यीशु हखा हाऊष रेह कुंहई, “हे महान परमेश्वरो योह यीशु! केई गेरंङ साते छि जुन्ज़ातन? गेह करंङ साते परमेश्वरो मिंदंङ बिनती लहज़ातग कि केई गिह्बी दुख थारोंह।”

प्रेरित 16:17

दुह पोलुस ए ञेंहतु थल्जी अंज़े हाऊष रंड्री लेहती, “दिह मीह परमप्रधान परमेश्वरो दास शुह, अंऊ केतिंङ उद्धारो अमो पाहठी कंड्रा।”

इब्रानियों 6:20

यीशु हेंदु बे तुंखा ए दंङ हेंदु थल्जी स्वर्गंङ इलि। दू पुरोहित मलिकिसिद्को ठ्रोह हमेशा ओ थल्जी यहुदी महापुरोहित बणेंके इलि।

इब्रानियों 7:2

अब्राहमे मलिकिसिद्क बि लड़ाई रिंङ द्रक्शे हासी भत्ते चीज़ो दसवां हिस्सा रांई, मलिकिसिद्को मिन्दु मतलब शुह, “धर्मो राजा” शुह, दंङ शालेमो मतलब शुह, “शांति” शुह, दंङ दू “शान्तिऊ रज्ज़ा” ला शुह।

इब्रानियों 7:3

अतु माह बाह, माह याह, माह छा खानदान तोह, अतु माह ध्याड़ो शुरूआत तोह, दंङ माह ए जीवनो अंत तोह; पर परमेश्वरो योह ठ्रोह दू हमेशा ओ थल्जी यहुदी पुरोहित तोह।

इब्रानियों 7:6

पर दि मलिकिसिद्क, अंऊ लेवी ओ खानदानो माह तोहई, दोई अब्राहमो दोरच़ी दसवां हिस्सा लेहपति, हालांकि अब्राहम दू तोहई अतिंङ परमेश्वरो वाईदा खोकसा तोहई, तांला मलिकिसिद्के दोबि आशीष रांई।