3 दंङ छना दु एनाह ए कमज़ोर तोह, दोऊ थल्जी दि जूंशी तोह माह दुह सिर्फ मीहतु पापो थल्जी पर एनोह ला पापो थल्जी बलि चढ़ाएपोतो।
झांह लेह गेह केतिंङ दुह खास खबर कंङातेग अंऊ गिह्बी प्रभु यीशु दोरच़ी खोकसते। कि पवित्रशास्त्रो बचनो हिसाबे यीशु मसीह हेंदु पापो थल्जी सिए इलि,
पर हेंदु यहुदी पुरोहित यीशु मसीह ज़ि हेंदु पापो माफी ओ थल्जी एनाबि हमेशा ओ थल्जी सिर्फ इच्च़ा बलिदानो रूपारिंङ चढ़ाके च़रति। दंङ हेंतेग दू बाह परमेश्वरो सुचंङ हासी सिहासनो टोहकठे इज्ज़तदार ठाहरीरिंङ बंङज़ा इलजी तोह।
दंङ यीशु मसीहू दू यहुदी महापुरोहिता तु ठ्रोह माह अंऊ हारूनो खानदानो तोईरे, यीशु मसीह बि दि ज़रूरी माह कि रोज तुहई एनोह पाप दंङ दोऊ थल मीहतु पापो थल्जी बलिदान चढ़ाएपोतो; छना कुचे यीशु मसीह ज़ि इच्च़ा फेरा ए भत्ते मीहतु पापो थल्जी एनाबि बलिदान लेह च़रति।
पर ऊईतु कमरारिंङ सालो इच्च़ा फेरा यवातेर, सिर्फ यहुदी महापुरोहित यवाते। दू हमेशा दू त्रैंईतु शुई शिलज़ते अंऊ बलि चढ़ाएच़ातेर। दि शुहई बि एनोह पापो माफी ओ थल्जी दंङ मीहतु पापो माफी ऊ थल्जी परमेश्वरा बि चढ़ाएच़ाते अंऊ दोच़ी अंजान रिंङ लाहतेर।