इब्रानियों 5:2 - लाहौली बाइबिल

² छना कुचे दू एनाह ला कमज़ोरी ओ अधीन तोह, दिऊ थल्जी दू माह ता समझदार दोतंङ साते दंङ माह ए भटकेगी दोतंङ साते नरमीरंङ साते व्यवहार लेह तरच़ा।

इब्रानियों 5:2 Iomraidhean Croise

लूको 22:32

पर गेह केहतु थल्जी प्रार्थना लहज़ातग कि केहतु गिऊ टोहकठे बिशवास लहज़ी ब्याड़ा शुबी मेस; दंङ अपेहल केई पश्चाताप लोहन दोहपल केनातु साथी न्वातिंङ गिऊ टोहकठे बिशवास लहज़िमी थल्जी पक्‍का लोह।”

2 कुरिन्थियों 11:30

अगर घमण्ड लहज़ी ज़रूरी तोह, ता गेह घेंङौ कमज़ोर गप्पो टोईच़ी घमण्ड लोहग।

2 कुरिन्थियों 12:5

हेले रिंङ झांह ठ्रोह मीहू टोईच़ी ता गिऊ थल्जी घमण्ड लहज़ी ठीक तोह, अच़ि झांह ठ्रोह दर्शन खांहषी ततो। पर केनोह टोईच़ी केनोह कमज़ोरी छोड़ेके च़रतु, घेंङौ पाहठी घमण्ड माह लोहग।

गलातियों 4:13

केतिङ हिद शोतो कि बीमारीऊ वहज़ा ज़ि गिह्बी केतिंङ पहला फेरा रूठे खबर सुनाएच़िमी मोका खोकसते।

इफिसियों 4:18

दोरे ता परमेश्वरो गप्पा समझेकी मरच़ातोर। छना कुचे दोरे परमेश्वरा बि माह ञेंहच़ातोर दंङ ज़िद्दी तोतोर, परमेश्वरो दुह खरकोई जीवन दोतु दोर्तिंङ माह, अंऊ दोई हेंदिंङ रंड्रा।

1 तीमुथियुस 1:13

गेह विशवासी बणेक्पिमी तुहई, मसीहू पाहठी मदम कुट्रा ए विशवासीतिंङ तंग लहज़ा ठ्रोह ए झखंजी मीह तोहई, तांला परमेश्वरे गिऊ टोहकठे दाह लहरी छना कुचे गेह अयता तचेक मसीहू टोहकठे विशवास माह लहज़ातेग दंङ झांह लेह गेह समझेके मरतिगा कि छि गेह लहच़ी लेहकी तोईग दुह गलत शुह।

इब्रानियों 12:13

दंङ देर ए नोर खंड्रिमी बे ता, यीशु कछंङ पिचा सीधा अमरिंङ ज़ोवा लंहि ताकि हेंदु बिचंङ अंऊ मीहरे आत्मिक तरीका रंङ कमज़ोर तोतोर, दोरे भटकेच़ी मेस, पर दोतु विशवास पक्‍का शुहबी जूंस।

इब्रानियों 2:17

झांह लेह यीशु थल्जी दि जूंशी तोहई, कि हेंदु ठ्रोह भत्ते गप्पा रिंङ बणेंके योतो, ताकि दुह परमेश्वरो तुईज़ी हेंदु दयालु ए विशवासो जोगे यहुदी महापुरोहित बणेक्पोतो। दोहपल दोई झांह ठ्रोह बलिदान चढ़ाके तरपोतो, अंऊ दोरच़ी मीहतु पाप श्ताह शुचि इबि।

इब्रानियों 2:18

छना कुचे यीशु परीक्षा शुई दंङ दोई एनेह मुसीबत सहन लहरी। झांह लेह विशवास दोरे दुह मीहतु मदत लोहर, अंऊ परीक्षा रिंङ तोतोर।

इब्रानियों 4:15

दि यहुदी महापुरोहित, अंऊ यीशु मसीह तोह, हेंदु हर इच्च़ा कमज़ोरी ञेंहच़ा। यीशु ज़ि हेंदु ठ्रोह भत्ते पाहठी परीक्षा ओ सामना लहरी, पर दोई छल्ले पाप माह लहरी।

इब्रानियों 7:28

छना कुचे मूसा ओ कानून ता कमज़ोर मीहतिंङ मोह्ड़े पुरोहित नियुक्त लहज़ा; पर दू वाईदा अंऊ मूसा ओ कानूनो थल अति दोई परमेश्वरो योह बि यहुदी महापुरोहितो रूपारिंङ अंङे च़रति। अंऊ हमेशा ओ थल्जी हेंदु सिद्ध मोह्ड़े पुरोहित बणेंके इलि।

इब्रानियों 9:7

पर ऊईतु कमरारिंङ सालो इच्च़ा फेरा यवातेर, सिर्फ यहुदी महापुरोहित यवाते। दू हमेशा दू त्रैंईतु शुई शिलज़ते अंऊ बलि चढ़ाएच़ातेर। दि शुहई बि एनोह पापो माफी ओ थल्जी दंङ मीहतु पापो माफी ऊ थल्जी परमेश्वरा बि चढ़ाएच़ाते अंऊ दोच़ी अंजान रिंङ लाहतेर।

याकूब 5:19

हे गिऊ प्यारे साथी विशवासी रे, अगर केहतु बिचंङ अरिया विशवासी सच्चाई ऊ अमरिंङ च़ि भटकेगी इलि ता, दंङ अच़िया दुह सच्चाई ऊ अमरिंङ वापिस हपतो,

1 पतरस 2:25

तुहई केरे त्रैंईतु ठ्रोह तोईनी अच़ि एनोह अम योंहषी चरच़ातेर। पर हेंतेग केरे मसीहू कछंङ अच़ा अंज़े तोतोंई अंऊ केहतु आत्माओ चरवाहा ए रखवाला तोह।