इब्रानियों 4:7 - लाहौली बाइबिल

⁷ झांह लेह परमेश्वरे एनोह नहच़िमी ठाहरीरिंङ अपिमी थल्जी अई इच्च़ा टेम रांई, दंङ दू टेम हेंतेग तोह। हेंदु बाह-मेमेतु विरोधो महस साल थल, दोई रज्ज़ा दाऊदो दोरच़ी दि बचनो घोषणा लेई लहरी, अंऊ तुहई बेहच़ी कुहषी तोहई: “अगर तोग केरे परमेश्वरो सग रेड्रातंई, ता दोबि रेड्रीमी दोरच़ी इंकार थालंही।”

इब्रानियों 4:7 Iomraidhean Croise

मत्ती 22:43

दोई दोरे रूहकातो, “दंङ दाऊद आत्मारिंङ शुहचे दोबि प्रभु छिले कुट्रा?

मरकुसो 12:36

दाऊद रज्ज़ा ए पवित्र आत्मा रंङ साते कुतोह कि, परमेश्वरे गिऊ प्रभु रंङ साते कुतोह, गिऊ सुचंङ हासी बंङज़ोंई, अपेहल तचेक गेह कनु बैरी तिंङ केनोह कोंज़ो पोयंङ माह लोहग।

लूको 20:42

रज्ज़ा दाऊद एनोह भजन संहितो कताबंङ कुट्रा; कि प्रभु ज़ि गिऊ प्रभु बि कुहतो,

प्रेरित 2:29

“हे बिशवासी न्वारे, गेह दुह सेंहणा रज्ज़ा दाऊदो पाहठी केतंङ साते याहू रंङ साते कुट्रातग कि दुह ता सिए इलि दंङ पथेके ला केहरिर दंङ दोऊ कब्र ञेंहतु बिचंङ तोग तचेक तोह।”

प्रेरित 2:31

दोई शुहचा गप्पो तुईज़ी ए खंई मसीह श्रींङमी पाहठी भविष्यवाणी लेह च़रति, कि दुह माह ए दोबि सिए बंङज़ी रमतो! दंङ माह दोऊ फुका बि सुहफी रमतो!

प्रेरित 28:25

अपेहल दोरे पोलुसो शिक्षा ओ पाहठी सहमत शुचि माहतरिर। दोतु इबिमी बे तुहई पोलुसे इच्च़ा आखरी गप्पा कुहते कि, “पवित्र आत्माज़ि यशायाह भविष्यवक्तातु दोरच़ी कनु बाह-मेमेतु हखा हेले कुहषी तते,

इब्रानियों 3:15

छना कि पवित्र शास्त्रारिंङ च़ेहसी तोह, “अगर तोग केहच़ी परमेश्वरो सग रेड्रातंई, दंङ दोऊ हुकुम मनेक्च़िमी दोरच़ी इन्कार थालंही, छना कि परीक्षा ओ मुक्का परमेश्वरो खिलाप विद्रोह लाहतेर।”